#كبريائي_عقابك
#بارت_4_
؛:؛:؛:؛؛؛؛:؛:؛:؛:؛:؛:؛؛:؛:؛
يوم ثاني بابا جان جدا متلهف لشغله
وصانا نكعده من وكت كلش
عنده بضاعه جديده دينزلوها
اذا مشت الامور ع خير
راح تغير هوايه امور بمضوع السيوله عنده
بمعنى اخر تفرج الازمه نسبيا
كعدنا كلش من وكت
بابا جان مخبوص حيل
تريك عالسريع
واخذ اخواني وراح
الله يعدي اليوم ع خير
ظل بالنا عليهم خصوصي انو تأخرو ساعات ع موعد الرجعه
اني ماكدرت ادرس ولاكلمه
بقيت بقلق عليهم
نتصل بيهم عالارضي
محد يرد ..!!
بقينا اني وماما وريا
متوترين منعرف شنسوي ..
وشلون نتصرف ..
غفت عيوني دقايق عالقنفه وفزيت بسرعه لكيت ريا متمدده ع القنفه الثانيه ورايحه بسابع نومه
وماما كاعده ع ميز الطعام منتجيه ايدها ع راسها ..!
بهذه اللحظه سمعت صوت سياره بالباب
ركضنا كلنا بنفس الوقت
حتى ريا الجانت نايمه لكيناها واكفه بصفنا واحنا نباوع من باب الكلي دور
انفتحت باب الحوش
واخيرا بابا واخواني رجعو للبيت
سلمنا عليهم
بوسناهم
نريد بس نطمن ع اخبارهم ..!!
جانو كلش تعبانين
وفرحانين بنفس الوقت
بابا كال : الحمد لله
وصلت البضاعه ع خير ..!!
وكلشي تمام
عاتبناهم ليش ميردون ع مكالماتنا
كالونا عمال نازلين وهمه ويه البضاعه
حتى اكل مماكلين
رجعو هلكانين جوع
حضرنا الاكل
وكعدنا كلنا ناكل سوى
بابا معنوياته ماشاء الله توب ..
وبدء يوعدنا وعود حلوه (اشتريلكم واسويلكم واعوضكم )
وذهب ومصرف زياده والخ .....
كتله بابا اني اتمنى شغله وحده بس ...
انو نشيل منا
ونرجع منطقتنا القديمه الحلوه
كالي باباتي هذا طموحنا كلنا وانشالله اكدر احققلكم ياه
بس يحتاجله وقت
مو هسه حبيبتي ..!!
خلصنا اكل .. وتبعاته
كلت يادوب اكوم اقرالي كم كلمه
البارحه رواد افندي مخلاني افتهم شي
واليوم كضيته كله قلق وضغط نفسي
يادوب اسهر الليل اقرء
ماعندي بعد اي وقت ..
وامتحاني باجر مو سهل ..
ظليت سهرانه للسته الصبح
يلله كملت وحسيت نفسي مامسيطره ابد عالماده
(ياشماته مسيو رواد بيه )
يادوب غيرت ملابسي وطلعت
رحت لكروبي بقينا نراجع سوى
تعبت هوايه بهذا الامتحان
وجنت خايفه ومامطمنه ابد ...!!!
خلصت محاضراتي اريد اطلع
ملكيت ابو الخط الحباب مالتي
انتظرته واني الارهاق سيطر عليه حيل ..
ماكو ..
مابين ابد ..
يعني شنو ..
معقوله تسألون هذا السؤال ..!!
يعني ارجع فورتاااات
بالتعب الاني بيه
ياسلاااااام ..!!
نزلت عالشارع امشي
دخلت فرعنا ..
صار كبالي الشاب اياه
مااشوف الا جنطتي وملزماتي وكلشي بأيدي وكع وتطشر بالكاع ..😧
حطيت ايدي ع راسي
احاول اركز
جريت نفس
هي ثواني ..
ماحسيت الا اني بمكان دافي
كأنو احد حاضني حيل من كل جانب
احاول اركز .. افتح عيوني
لحالها تنفتح .. وتنسد ..!!
لحد ماشميت عطر ع غفله ..
تنفست حيل بصوت عالي .. وفتحت عيوني 😧
بعده راسي مفتر
هذا حلم لو شنو بالضبط
وين اني .. 🤒
تلفتت يمين .. يسار اكثر من مره
اخيرا كدرت اجمع تركيزي
لكيت نفسي بالشارع
بحضن هذا الشخص
دفعته حيل ..
كتله شنو هاي ..
اتذكر الجو جان ظهريه
الفرع فارغ لابشر ولاطير ولاشي ..!!
هو بس صافن بوجهي ماجاوب ولا كلمه ..
يتنفس بقوه .. ويباوعلي بنظرات جريئه
ياربي شنو هذه العيون القويه
بديت اجمع اغراضي من الكاع
ساعدني هو لملم وياي
ارتبكت حيل اتجنبت اباوعله
كتله : شكرا
اخذت اغراضي
كال راح اوصلج للبيت
كتله : لا رجاءا مااقبل
احد يشوفنا
ولااريد اهلي يظل بالهم
كمت تمشيت ع كيفي
هو يمشي ورايه
كتله روح .. مايجاوب
عنجد خفت منه حيل
اخي بلا زحمه عليك
لاتمشي ورايه
بقى ورايه لحد ماوصلت بيتنا ..!!
قلبي راد يوكف من الخوف ..😩
ياربي شنو هذا الشخص الغامض غريب الاطوار
عنجد شكله مرعب 😲
سلمت ع ماما
واني داصعد لغرفتي
كالتلي : اكل ..؟؟
كتلها : نووووووم 😴😴
دخلت غرفتي .. بعدني دايخه
انتجيت ع سريري
غمضت عيوني
حسيت بعدني مرهقه حيل
فتحت عيوني اريد اروح لميز التواليت
ارش عطر اصحصح شويه
ماكدرت اتحرك من مكاني ..
الحمد لله جنطتي بعدها بأيدي ..
اطلع شيشه العطر منها
فتحت الجنطه ادور عليه ..
مالكيته ..!!
انتبهت .. كعدت كعده
فرغت كلشي بالجنطه
عالسرير
وشي تطشر بالكاع
ماكو ..!!
صفنت .. لا .. اني ماناسيته
عطري الي بالجنطه
مااطلعه الا من يخلص
واخلي واحد جديد مكانه !!
وبعدين تذكرت انو من اغمى عليه
كأنو شميت عطر ينرش بوجهي
بلي .. متأكده ..!!
لعد هذا الشاب الي ساعدني ...!!
معقووووله ...!!!!
عموما مو بعيده ع شخص غريب الاطوار مثله 😳
ذبيت كلشي من ايدي
كل اغراضي بالكاع
وغفيت ..!!
او اغمن عليه من جديد ..☺️
ماكو فرق بصراحه ......
يتبع ........
