زين شكول لاهلي ..!!
زين دوامي شلون ..!!
ورجعت لبهذله الفورتات والمشي بالشوارع ..!
وفد يوم امشي بطريقي .. واسمع شباب ثنين بيناتهم يسولفون
كله عوفها .. متفيدك
الثاني كاله : دتعاااااااال .. 🙈🙈
بقلبي كلت دتعال ..
وشوف الله شكاتبلك كتبه سوده مثل نيتك ..!
بلكي تبطلون هالعاده الزباله مال مشي وره البنات ..!!
دخلنا فرعنا
الشخص الثاني عاف صاحبه وراح
بقى هذا يذب كلام كام يلح اكثر .. ماسكت بعد ..!!
شو دنجب اسكت شويه
خل اركز ..
اني بالقرآن ذاك سعد ابابهم ..
خرب حظك دروح عاد افلت ..😨
شافه الوحش مالتي واجى يركض بنفس الطريقه .. 😣😔😟
والله مايمل .. ولايتعب
ولايجوز ..!!
تالي ياربي .. لزمه فلش وجهه للولد
عود كله بضرب بالوجه
شويه .. والنوب طلع اخوه مرتضى ..!!
اجى يركض عليه
استلمو ثنينهم
سووه عصير للولد ..!!
عاد لو باقي صاحبه وياه
ماكو .. نيته السوده شالها وحده ..!!
هذا حالي اني ..
وهذا وضعي ..!!
شيخلصها نص السنه الباقي ..
وينك رواد ليش هيجي تخليت عني
وتركتني بغابه مليانه وحوش ..!!
اااااخ لوبس اعرف اخبارك ..!!
كلت كافي بعد بهذله
موضوع الفورتات اني راح احسمه
اروح وارجع اي تكسي بالشارع ..!
اتبعت هذه الطريقه
يوميه ارجع بتكسي ..
سعد احس عيونه صارت براسه ..!!
ابو المشاكل ..
مايعيش بلا مشكله
مااعرف شلون تاليتها وياااه ..!!
بالليل نامو اهلي
غفيت اني بالهول
غمضت عيوني دقايق
دك الارضي ..
كمت جاوبت
بعد ماكلت الو منو
لج احرك .. لج اسوي
لج اطيح حظج .. لج .. لج .. لج .......الخ
سعد الحقير انهد عليه
اذا ترجعين تكسي وحدج بعد احرك اهلج 😱😱
كتله ميه مره كتلك لاتتصل هنا
اتركي لخاطر ربك
انت شكاعد تسوي بروحك ..!!
اني بنيه مخطوبه لابن عمي ..
كالي احركج انت وياه
كتله حتى لو مايصير نصيب هم اهلي ماينطوك ترى
كالي متطلعين عروسه من بيتكم اله اليه
كتله والله انت تحلم
اني انقهر عليك
اهلي مو سهلين ترى
ناس تجار
وبتهم الكبيره مهندسه تصدك ينطوك الك ..!!
مااريد اجرحك اكثر
كالي التكسي التجين وياه وحدج
مااخليه يرجع سالم
انعل والديه ..😱😨
كتله يامجرم
لعد هاي انت الخليت ابو الخط مالتي يبطل
ويعوفني .. وتبهذلت بالشوارع من وراك انت السبب
كالي اليطلع وراج اكسره ..!!
كلت هذا مجرم يسوي كلشي والله
يكعد يوميه يبسطله رجال مسكين ع باب الله ..!!
كتله وانت دتحافظ عليه مثلا ..
انت دتخليني اتبهذل بالشوارع
شنو هالعقليه العندك لخاطر الله ..
انتبه لروحه ..
كلامي صحيح
سديته بوجهه جيت انام ..!!
افففففف شلون راح انام
نص ساعه
ورجع خابر مره ثانيه
كالي اني اوصلج 😦😯
سديت السماعه ..
وفصلت الفيشه ..!!
ورحت نمت ....
يتبع ..........!!!#كبريائي_عقابك
#بارت_10_
؛:؛:؛:؛:؛:؛:؛:؛:؛:؛:؛::؛:؛؛
سديت السماعه
وفصلت الفيشه ..
ورحت نمت ..!!
الصبح عالريوك كلنا
تذكرت سالفه الفيشه
كمت عالسريع ربطتها ورجعت ..
كملنا ريوك
دك الارضي ..😟
جفلت .. نص قلبي راح
نعل يومك سعد اذا انت
تخبلت تدك يوم جمعه وظهريه ..!!
بس هو يعرف كل تحركات اهلي ..!!
بقيت بقلق ..
لحد مااجى مهند كال جنات زميتلج عالخط ..!!
هلو منو ..
حبي اني رشا ..
هلا شوشو .. كولي ..
جايبتلي خبر حلو
لكولنا خط جديد
بدال ذاك البطل
تسألني : تسجلين ويانا .. موووو ..!!
ياربي الحمد والشكر ..
رجعت لدراستي .. تجاهلت كل حركات سعد ..
اصلا هو من شافني خط ويه بنات ..
ماضايقني بعد وراها ..!!
كل نهاري يخلص بالدراسه ..!!
وبالليل ارق .. وتفكير
افكر بوضعنا اني ورواد ..!!
ياترى هو وين ..؟
شكاعد هذه اللحظه بالذات ..!!
وليش اختفى هيجي
وحتى مايسأل عني ..!!!!
وخلصت الامتحانات .. وخلصت المرحله الثانيه ..
ورواد ماكو ..
لاخبر منه .. ولايسأل
وبيوم من الايام ....
اجانا عمو وحده
كعد ويه بابا
جيت اطلع اني
صاحني عمو
تعالي بنتي كعدي يمنا ..
انت اكثر وحده يعنيج الكلام الي جاي اكوله ..!!
كعدت يمهم .. واجتي ماما هماتين
عمو كعد يسولف ويكول لبابا هوايه مقدمات 😞😞
لحد ماطلعت السالفه كلها .. وعرفنا .....!!
رواد متزوج امريكيه
ومخلف توأم منها ..
وماخذ الجنسيه ..!!!
اني كمت طلعت من يمهم .. رحت لغرفتي
واحس بشعور غريب ..
اجتي ماما بسرعه لغرفتي ..!!
باوعت عليه حضنتي وبجيت حيل ...!!!!!
بعد ماطلع عمو .. وراح
بابا دز عليه كعدني يمه .. شاف وضعيتي
كال بابا ابجي ...
مااكلج .. لااااا ..
ابجي لحد ماترتاحين
باباتي من حقج ..!!
صفن وتنهد
جان خايف عليه حيل
كال بابا الولد جان شاريج صدك
ونيته صادقه .. خو هو ابنا .. واحنا كلنا نحترمه ..!!
بس احنا منعرف ظروفه ..
ومانعرف هو ليش هيجي تصرف ..!!
بابا تريد تبررله لو شنو .. هذا انسان ناكر للعشره .. اني بنت عمه من دمه
يوعدني كل هالفتره انتظره ..
تاليها يغدر بيه ..
اني بس مقهوره عالوقت الضاع مني ..!!
ليش بابا ليش ..!!
جرني بحضنه واني اشهك من البجي ..!!
رحت لغرفتي بجيت لحد مانمت ..!!
حياتي كلها تغيرت
تركت الدوام .. محضراتي تراكمت
اكل وشرب بالتواسيل
