#كبريائي_عقابك
#بارت_2_
:؛:؛::؛:؛؛:؛؛؛؛:؛؛:؛:؛؛:؛:؛
انتهت زياره بيت عمي ..
فرحنا لانو حسينا بابا غير جو
وانطلق شويه وتونس مع اخوه وعائلته الكريمه ..!!
وبلش الدوام واني بين اللهفه والفرح نسيت كل ضغوط ومشاكل الفتره الفاتت
اليوم الاول چان لطيف
عشت بيه فرحه كبيره
بوسط زملائي وزميلاتي الجدد ..❤️
خلص الدوام
اختاريت اصعد ( كوستر نفرات )
صار عندي حرص مو طبيعي ..
ماريد احتاج اي مبلغ اضافي
يأثر ع ميزانيه البيت المرهقه من الاساس ..!!
نزلت عالشارع من الكوستر
بقيت اتمشى مسافه الشارع المؤدي لفرعنا
البائس ..
هي مو منطقه شعبيه
تعتبر منطقه متوسطه المستوى ..!!
وصلت لفرعنا
وچانت بعد مسافه اكو هوسه وضوضاء وناس شكلهم غريبين
يحملون اغراض واثاث البيت
شكلهم منتقلين جدد
للمنطقه ..
واحد من افراد العائله
يحجي ويه الكل بهستيريا وصياح وهجميه ..
معصب عالكل ..
عالاهل .. عالعمال ..
حتى عالهوى معصب ..
لمحنى بنص الهوسه الغارك بيها ..
وحضره جنابه اله واهس يبصبص فوكاها ..
شكله رجولي بحت وملامحه مجعمره
نظراته قويه وحاده ..
ماشال عيني مني ثانيه ..😳
متخيلت فرعنا هيجي طويل ..
وصلت اقرب نقطه منهم
وقبل مااتجاوزهم
اتچتف وباوعلي بنظره مليانه رغبه 😧
وكال لشخص كان وياه بهدوء تقريبآ :
عينكم عليهم مرتضى 😳
لاتعوفهم ابد ...!!
من وصلتلهم كمز حيل من سياره الحمل
وصار كبالي 😝😝
جيت اعيط الا شويه
تمالكت نفسي بأخر لحظه ..😱
بس قلبي كام يدك حيل ..!!
تجاوزت المسافه وعبرت اخيرا
فرقهم عن بيتنا مسافه 3 بيوت وفرع جانبي
همه يمين احنا يسار
مو ناقصين غير جيران بلا غيره من هالمنطقه التعبانه 🤕
شكلهم هيچي فعلا ..
وشكلهم بيئه ..!!
واخيرا وصلت الييت
سلمت عالكل .. وانطلقت لغرفتي .. غيرت ملابسي وغفيت النومه بعد التعب الها نكهه كلش طيبه 🤔
عنجد الها طعم ..😘
اهلي كالو لازم نشوفلج خط
همام كال سألت الها هوايه .. لحد هسه مالكيت ..!!
استمريت فتره شهر او اكثر اروح وارجع بنفس الطريقه
عنجد تعبت 😧
احنا ابدا مامتعودين عالبهذله ..!!
شكلها السنه الاولى ماراح تعدي بسهوله ..!!
خاصه وانو اكو منغصات بالطريق😡😡
تحديدا بفرعنا
هذا الشاب البليد ..
ماعنده ذره احترام 😠مشافني بيوم اذا مباوع عليه بنظرات مليانه وقاحه وقله ادب 😠
صرت اقرف من طريقي
هو صار يعرف تماما انو احنا جيران ..
بس هذا الشي ابدا ماوكف بعينه ..
فوكاها شكله مخيف
عصبي وميتفاهم .. وجه اجرام 😳😳
اريد اعرف هذا الكائن ليش مايخجل ..
وشلون اله جرئه ينظرلي هيجي نظرات ..!!
صار طريق الرجعه كابوس عليه ..
كمت احسه يتقصد يوكفلي وينتظرني ويراقبني طول الوقت ..!!
كلش تعبت منه .. ضغط ع اعصابي ..
نساني فرحتي كلها بالكليه ..
كمت اشيل هم للدوام
وارتاح بأيام العطل ..
وقبل ماانساه
ارجع الكاه بطريقي ..
وكالعاده ..!!
مايتردد احيانا انو يذب كلمات 😠
لك عنجد ماعنده ذره غيره هذا البشر 😖
وبيوم رجعت من الدوام هلكانه ..
تلكاني اخويه همام بخبر حلو
لكالي (خط) واخيرااااااااااا
وفعلا موضوع الخط كلش ريحني من هم الطريق
ياخذني من الباب
ويذبني بالباب ..
ماكو احد ماخذ الدراسه بجديه مثلي
حياتي عباره عن قرايه .. واكل .. ونوم
طالبه متفوقه مثلي
مااعتقد حياتها بيها مجال لشي ثاني 😦
وطبعا طعم البهذله مالحك انساه
حتى يذكرني ابو الخط يذكرني بيه من يغيب .. او يعتذر
ويبهذلني بالفورتات ..!!
وبيوم زارونا بيت عمي الكبير
نحب نعزمهم ويعزمونا بأيام الجمع والعطل ..
سلمت ع رواد هذا الشاب الغامض
عنجد ماكدرت بيوم افهمه 😦
احيانا احسه مهتم بيه جدا ..❤️
واحيان اخرى احسه يحاول يقلل من شأني
بأي طريقه ..
وهنا مايلكى عندي الي يرضي غروره وتعجرفه ..
ويمكن يكون مهتم بيع لهذا السبب ..!!
لاني بنيه ذكيه وعندي كرامه ..
وماتعبر كدامي اي اهانه بدون مااخذ حقي بكل شياكه وذوق ..
بعد مراسيم الغداء وتبعاته
اخذت ملزمه ورحت كعدت ع ميزنا الموجود بالحديقه
جان عندي امتحان مهم ..
يادوب بلشت اقرء
طلع رواد للحديقه يدخن جكاره ....
شافني ..............
يتبع
