#كبريائي_عقابك
#بارت_7_
؛:؛:؛:؛:؛:؛:؛:؛:؛:؛:؛:؛::؛:
ب12 خلصت محاضراتي ..
رجعت اتمشى كالعاده ..!
باوعت الفرع القبل فرعنا
اكدر ادخل منه
بيه فرع جانبي صغيروني
يوصلني لبيتنا عكس الاتجاه
يعني ماافوت من يم هذا الشاب المزعج
وبعدين هاليوم راجعه من وكت شويه
وانشالله ماشوفه ابد
حتى ولا من بعيد 😐
مو ناقصني غير اشوف هذا الكائن
فوكاها شكله مرعب
من ذولي اليتعاركون بسجاجين وهيجي
لك وتالي وياه
طول الوقت احجي ويه روحي
شورطني هالنوبه بهالفرع .. شلون دخلت بيه هسه اليشوفني شراح يكول
ليش فايته بهالفرع
واحنا فرعنا وراه 😣
ابوكم كلكم اعصابي ممتحمله والله 😣😣
خلصت الفرع الكبير وصلت الفرع الصغير الي يعبرني ع فرعنا
ياربي هذا يخوف اكثر ..!!
والدنيا ظهر فوكاها
كمت امشي عالسريع
تقريبا كمت اركض
قبل مااوصل لفرعنا اجه كبالي نفس الشخص 😳😳
نعل يووووومك مين طلعتلي 😫😩
اجى كبالي وجه بوجه دعمني
جيت اوكع .. لزمني هو حيل
لزمني بكل قوته
خلص عوفني شو هذا مجلب بأيدي
اعتعت بيها منه
مايهدها
كتله : وخر شنو هاي 😡
عطت بوجهه : ايدي ياحيوان ..
يعتعت بيه واني اريد بس افك ايدي منه
مداكدر .. خرمشت وجهه .. ظليت اخرمش بأيده
عثرت بالكاع جيت اوكع
شلت ترات شمرته وطلعت بسرعه
طلعت ارجف
وقلبي يريد يوكف
ثواني اجى ورايه
وشفت اخوه يتمشى
جاي باتجاهه 😳😳
لا مراح اسكت اظل اعيط .. ذولي شكلهم مجرمين
شويه وطلعو جيران من بيتهم
حسيت الفرع تأمن
مداصدك الي ديصير بيه ..!!
فتحت بابنا ودخلت
ردت اضيع ارتباكي شويه بقيت بالكراج ثواني ..!!
اندكت باب الحوش
فتحت الباب
طلع هو هذا النذل ..!!
كالي : احبج 😳
وشمر بوسه طياريه وراح ..
اني وجهي يرجف مثل السعفه
مليان صدمه وتعجب ..!!
نفسيتي صارت زفت
كرهت الكليه
والهندسه ..
قررت باجر مااداوم
بقيت كاعده بالبيت
يومين ..!!
ثالث يوم ظهريه دك الارضي
الو ..
الو ...
ابو الخط .. الله جابك
هستوني داريد انهد عليه
كالي باجر بس الصبح مااجيج
دبري بس الروحه
وبالجيه اجيج ..😐
كتله لوما كايل بالرجعه اجيج جان زفيتك بدربي ..
كتله بعد لاتفكر تعتذر الاتلكالي خط بديل
الموضوع مسؤليتك تحمل مسؤليتك ..!!
اروح اقرالي شويه اذا اجالي واهس اقرء
..!!
بس الصبح ادبر نفسي سهله مو مشكله انشالله ..!!
هستوني كعدت ع ميز ادرس ..
دخلت ماما عليه شكلها قلقانه
فزيت من مكاني
ها ماما شصاير ..!
خوما اكو شي
كالتلي شبيج حبيبتي ماكو شي ..!!
ياماكو شي ماما
احنا صرنا اختصاص
رادارات شغاله فول
تلتقط القلق والتوتر العائلي دايركت
اول بأول ..!!
كالتلي مدام هيجي حبيبتي جنه شبيج
ماماتي ..
ليش اشوفج ذبلانه
واحسج مقهوره ..!!
حبيبتي انت كلش حساسه
خاف محتاجه شي وتستحين تطلبين منا ..
ماما طلعت سالفتنا موبس رادارات وياها خيالات خصبه هماتين ..!!
هااا جنات 😐
ماما لعد هذا مو خيال 🤗
صح اني مرات استحي اطلب
بس وتالي ارجعلكم ماماتي شعندي غيركم ..!!
لعد شبيج ..!!
ماماتي صدكي ماكو شي .. اني حتى بالدراسه زينه
ماعندي اي مشكله
مسيطره الحمد لله
ودرجاتي عاليه ..!!
بس من يغيب ابو الخط
حسبي خلقتي تغيرت بالشموس ..
وتعبي ضربي في 2
كالتلي حبيبتي اني لو مااخاف عليج
جان كتلج تعالي تكسي
بس اخاف عليج من التكاسي ..!!
هسه ماما كافي خوف وقلق خليني اقرالي كم كلمه 😐
خلصت دراستي تعشيت .. ونمت
اريد الحك باجر اخذ محاضراتي مال يومين قلبي نار عليهم ..!!
كعدت الصبح ملهوفه
ياربي الحمد لله اليوم تنتهي معاناتي مع الخط
جهزت نفسي .. تريكت وطلعت ..!!
انخبصت واني امشي
تأخرت ربع ساعه عالمحاضره الاولى
شكله اليوم هم فاول ..!!
مشيت عالسريع تمنيت حتى طير تكسي يمر من يمي ..!!
ع غفله طلع هذا الشاب الحقير من بيتهم ..😳😳😳😳
مين طلع ..!!!!!!
لحظه ....
كام يبين حتى الصبح 😖😖
مو خوش اشاره هذه
قفلت بالدوشيش 😵
هذا شلون راح افوت من يمه هسه ..!!
لااني اكدر ارجع
لااني اكدر اتقدم ..!!
بدء يعدل بملابسه
مشيت ع كيفي
حسيت قلبي راح يوكف
ع غفله طلع اخوه من البيت ..
همه نفس النماذج
والعياذ بالله ..!!
بس يمكن شويه ارتاحيت ..
وطلعت وراه مريه بمنتصف التلاثينات
شكلهم نفس الدم
الولد المربوع حجى ويه المريه كالها : هي هاي الدعاميه خويه ..!!
كالتله ها خويه سعد
فدواتك يخبل البچم ..😳😳
هلو عيني
طلعت اضرب منهم الاخت ..!!
معلق الافندي الي مكبرين راسه
وجع ..
شنو هالنظرات
حتى كدام اهله ..!!!
العائله كلها ياربي سترك
لو شنو فلمهم ذولي ..!!
مشيت علسريع
همه استمرو يحجون يذبون كلام
موضوع ديتطور صلوات
صار عائلي ع مستوى ..
الي يمه خشبه يدكها عالسريع
ولايحسدني رجاءا ..!!
لحظه قبل لاترحون
فوكاها اسمه (سعد)
ادري بيكم جنت تحوصون ع اسمه ..!!
صدك هذا الشي ..!!
كذب ..!!
شوكت نخلص من هالمنطقه الزباله
ياربي لتطولها .. وتصعبها دخيلك ..!!
خلصت محاضراتي
طلعت ادور ع ابو الخط ..
لكيته منور بمكانه
عايزني اخذه بالاحضان ..
حتى التشوف حبيبها متفرح هيجي
صعدت وياه ظليت الطريق كله ادرد
م عليه
تشوفلي خط يلله تعوفني بعد
ماادري ..!!
هو الطريق كله يعتذر ويحجي
دوخني بسوالفه
يوديها منا .. يجيبها منا ..
يريد يلغمطها
وهو شكله كذاب اول وتالي ..
تصدكون بالله ..!!
وصلنا فرعنا
لكيت سعد الحقير ع الموعد
بس هاليوم خلصانه منه اني .. لمحني بالخط
استسلم هو .. طلع العطر مالتي من سيارته يشمه ويستفزني بهذه الحركه البليده .. الغبيه 😤😤
بس لحظه ..
الجزء الثاني للمغثه اعتقد ينتظرني بالبيت
سياره عمو ابو رواد ابابنا ..!!
اتمنى مايكون وياهم رواد المزعج ..
عنجد زعلانه منه
مايعجبني اشوفه ابد ..!!
دخلت للبيت
مديت راسي بالصاله
شفت رواد كاعد وحده
عالسريع كتله هلو من وره خشمي ..
كالي وين جنتي 😦😯
باوعتله بنظره تعجب
واستفهام ..!!
كالي شبيج مسمعتي ..!!
اشرتله اوريه ملزماتي ..
ودرت وجهي اطلع
اجى همام سلمت عليه
بوسته وطلعت ..!!
رحت للمطبخ سلمت ع ماما
سألتها عن رواد
كالت متواعدين هو واخوج ..!!
سبحت .. واكلت .. ونمت .. ودرست ..
لليل كلهم نامو
جيت اصعد لغرفتي انام ..
دك الارضي .. فكرت اتجاهله
بس كلت خاف مكالمه مهمه خلي ارد ..
الو ....
الو ......
رواد .............
يتبع ....!
