#كبريائي_عقابك
#بارت_5_
؛:؛:::؛:؛:؛:؛:؛:؛:؛:؛:؛؛:؛:
ذبيت كلشي من ايدي
كل اغراضي بالكاع
وغفيت ..
او اغمن عليه من جديد ..!!
ماكو فرق بصراحه ..!!
كعدتني ريا .. نزلنا جوه
دك الارضي
ابو الخط يعتذر
ميكدر يجيني هاليومين ..!!
والدته مريضه
ويراجع بيها مستشفيات ..!!
شكرآ .... عفوآ
ماكدرت اعلق من كد ماانغاضيت ...!!
ثاني يوم الصبح عالريوك .. ماما كالت لبابا انو ابو الخط مايجي ع جنات هاليومين ..
عنده ظروف ..
بابا قرر يوصلني
ولو اني مااحب اعطله عن شغله
بس هو أصر عالموضوع ..
احلى توصيله من بلش الدوام لليوم
الاغاني الراقيه .. والمزاج الهادئ
فديته باباتي
وصلت كليتي كبل ع محاضراتي
ماكو وقت اضيعه ..
خلصت محاضراتي
طلعت
اخذتلي صفنه ليش ماارجع تكسي هاليومين
والله الجو حار ..🤒
ومسافه الشارع الرئيسي وفرعنا بعيده ..
تذكرت انو محتاجه (عده) للدراسه لازم اشتريها
اشرت لكوستر
صعدت واني الممنونه
نزلت عالشارع واني اتمشى
دخلت فرعنا
بس اريد الزم بابنا 🙈
وهذاك الولد ابابهم كالعاده
ياربي ماعنده بيت يدخل بيه
بظهاري الله واكف بالشمس البطران
وبعدين شكله ديصلح سياره .. او شي
كلما اقترب على بيتهم قلبي يدك اكثر 😨
لمحني طلع من سيارته
بهذه الاثناء طلع شخص ثاني من بيتهم
الشاب المربوع كمال الاجسام
الظاهر اخوه
من وصلت يمهم كاله
مرتضى شوف الشمس
ويسوي حركات بوجهه
نعل يوم السفاله
الثاني انيل منه
يجاوبه :
بعرضي ماعت بالشمس
ماعت ..!!
الافندي شكله يشتغل بمجال الميكانيك
او الفيتريه
واضح عليه من هيئته وملابسه ..!!
رجعت للبيت سبحت .. وتغديت
وقبل مااروح انام
اتصلت ع ابو الخط
كتله تعالي باجر
حتى لو بس رجعه ترجعني ..!!
اعتذر كالي والله ماعندي مجال احك راسي
عصبت عليه .. وسديت الخط ..!
ماما كالتلي شبيج حبيبتي
كتلها ماكو شي ماما
بس الجو برجعتي كلش حار 😩
وابو الخط مايجر عدل
كل يوم .. يومين
لاكيله سالفه .. وعايفني ..!!
حبيبتي جنات باجر جمعه ماماتي ..
يووووه ماما والله نسيت
واني شايله هم دوام
شخبار بابا الماديه
محتاج مصرف ..!!
حبيبتي جناتي يادوب وصلت بضاعتهم الجديده
انشالله الامور الى انفراج ..!
بس هذا شي واحتاجاتج شي ثاني
طلبيها بدون تحسس
ولاتربطين شي بشي
الاشياء التحتاجيها
نوفرها الج ماماتي
لاتبقين متحسسه وتشيلين هم وحدج ..!!
هاليوم من يرجع بابا
اخذلج المبلغ الي تريديه ..
بهالاثناء نزلت من فوك
هاي شنو شوكت اجيتي من الدوام ..!!
ممداومه اليوم حبي
جان مالي خلك ..
كتلها شدي حيلج ماماتي
الاعداديه يرادلها هوايه جهود ..
كالتلي ها جنات :
ماما واكفه هياتها
ليش تاخذين دورها 😉
جريت اذنها وكتلها
اني هم ماماتج ولج
ماتكبرين عليه ابد ..
جاوبتني ريا المشاكسه : ديلله حبي هو انتي اكبر مني ب (3) سنين بس
شوكت صرتي ماماتي ..😌
قاطعتنا ماما : ابوكم تأخر اليوم ..!!
حسيتها قلقانه ومتوتره
كتلها ماما نتصل عليهم ..!!
كالت ننتظر شويه بعد ..!!
انتظرنه شويه
وشوياااااات ..!!
نتصل عالارضي بس مشغول ..!!
معقوله كل هذا الوقت ..
ماما صارت الدنيا مغرب
مو معقول الوضع
بابا وين صار ..!!!
بقينا كاعدين بالحديقه ..
ويه كل صوت سياره تفوت .. وتروح
روحنا تروح وياها ..!!
اخيرا انفتحت باب
الحوش ..
دخل بابا بسيارته
ومن السياره كبل للبيت ..!!
ياربي ظلينا نعيط
شنو هذا السخام ..!!
شصاير احجولنا ..!!!
خوما متأذين ..
مهند كال : حريق بالشورجه
احتركت هوايه محلات ..!!
لا .. ياربي ..!
خلص بابا بداعتي
لاتنقهر ..!
فدوه الك باباتي
اني وريا نعيط .. ونبجي ..
وماما انهارت 😔
بقينا حاضنين بابا واخواني .. ونبجي
بابا صاح : كافي باباتي ..
قاطعته كتله بابا متروح ..
والله متروح بغرفتك
ابقى يمنا هنا
حتى لو نسهر للصبح
مانعوفك وحدك ..!
بالكوه جاوبني
: لاتصعبيها ويهز براسه .. ومفرفح
وميكدر يعلق ..
سكتت خفت عليه ..
راح لغرفته .. راحت ماما وياه
اخواني راحو لغرفهم
بقينا وريا وحدنا بالهول ..!!
راسي راح ينفجر من التفكير
ساعه اتمدد عالقنفه
ساعه اكعد كعده
انتبهت ريا غفت عالقنفه الثانيه
كلت اذا ابقى وحدي راح اتخبل
رحت لغرفه همام
كتله : شنو الموضوع
شلون هيجي صار
فهمني ..!!
منو يريد يأذي بابا هيجي
كالي هوايه محلات
مو بس احنا ..!!
كتله محلات بيت عمو ابو رواد ..؟؟
كال خسارتهم بسيطه
مو مثلنا ..!!
كتله وخوالي كال الحمد لله مو يمهم
كالي جنات روحي نامي ..!!
غطى راسه بمخده .. ونام
الساعه 9 الصبح
اندكت بابا الحوش بصوت قوي
فزينا اني وريا خايفين 😧
اجى مهند طلع يفتحها
واحنا نباوع من الشباك 😳😳😳
يتبع .....
