!!
طلعت ملزماتي بقيت ادرس
صارت الساعه 6 ونص مساءا
صعدت ريا تغير ملابسها ..
كالتلي : بيت عمو ابو رواد .......
يتبع ....!!!!!!!!!#كبريائي_عقابك
#بارت_9_
؛:؛:؛:؛:؛:؛:؛:؛:؛:؛؛:؛:؛:؛:
كالتلي ريا بيت عمو ابو رواد جوه
نزلي سلمي عليهم 😳
فزيت من مكاني
كتلهاروحي
..😧😧😧
كالت حييييييل كل هذا انفعال .. وردت فعل ..!!
اني ماكلت شي بس كلت
بيت عمو اجوي ..!!
كتلها طلعي بسرعه من غرفتي ام لسان
مو وكتج ..😯😯
كالتلي جنات خانم هذه غرفتي اني هم ..!
وبعدين داريد اغير ملابسي اني هم ..!!
جريتها بأيدي
لملمتها واني ادفع بيها من الغرفه ..
هي تعيط
لحد مارصلت باب الغرفه
خفت صوتها
تخاف يسمعوها 😂😂
اني قفلت الباب وبديت اغير ملابسي
واحضر نفسي
باوعت بالمرايه وجهي تعبان حيل سهر .. ودراسه ..!!
خبصتني ريا تدك بالباب
فتحتلها
كامت تعد عليه
عيني جنات خاتون انسي سالفه بيت العز القديم
هنا غرقتنا ثنينا ترى
دتشوفين وضعيه اهلج شلون كايله
مين نجيبلج غرفه الج وحدج 🤗
كتلها حبيبتي شكد تلغين .. فدوه لهلوجه المعصب .. كرصتها خدودها وطلعت اركض ..😛
شمرت عليه فرشه مكياج صديتها بسده الباب ..😛😛
نزلت سلمت عليهم
ولانه احنا اقرباء
واهلنا ناس واعيين
سألوني مباشره
كدام الكل
عرفو رأيي من خجلي
مالحو عليه ..🤗🤗
قروا الفاتحه
وسوينا كعده عائليه لطيفه ..
تونسنا بيها
دزينا عشا من بره
تعشينا سوى .. وكلنا فرحانين ..!!
ب12 طلعو بيت عمو ابو رواد
باركولي اهلي مره ثانيه ..
وتصبحون ع خيراااات جميعآ
اجتي الامنحانات الفاينل
اكيد اني مسيطره والحمد لله
انفقنا اني ورواد نقلل مكالماتنا وطلعاتنا
التزم ويايه الولد عحسب الاصول مشينا
لحد ماخلصت الامتحانات
وعدت السنه الاولى الي بكليه الهندسه ع خير ..!!
رغم الصعوبات والحوادث الي تعرضت الها 😪
واجتي العطله اخيرااااا
سوينا خطوبه عائليه عزمنا بس الاقرباء
الجيران منعرفهم
وماعدنا اختلاط وياهم
تونست بخطوبتي وعطلتي حيل
رواد يوميه مطلعني لمطعم ومكان شكل ..وبالليل نتخابر ونسولف لحد ماننعس ونام 😴😴
فديوم خابرني رواد
كالي اخويه الصغير رياض رايدني ..!!
كتله هذا الي بأمريكا
كالي ايييي
كتله شبيه
كال والله مااعرف بالضبط
بس الظاهر عنده مشكله هناك ودز عليه تحضر ضروري 🤔🤔
اتفقنا ع موضوع السفر
وقرر يطلع لاخوه
وسافر رواد ..!!!!
والسفره سفره 😓
لايوم .. ولايومين
لاشهر ولاشهرين ..!!!!
اهله متحفظين ع الاخبار
ميحجولنا شي مضبوط 😮
خلصت عطلتي كلها
بلشت دوام سنه ثانيه هندسه
اني التهبت بدراستي بعد ..!!
عشيره رواد كلها ماتكدر تلهيني عن دراستي ..
اهلي احسهم مرات يبسبسون بيناتهم قلقانين ع موضوعنا اني ورواد بس يشوفوني .. يسكتون
اني هم مااحجي بالموضوع كدامهم ..!!
يادوب داومت الشهر الاول .. والشهر مايخلو من منغصات سعد افندي وسوالفه المتخلص ..!!
ماادري شبيه
مصدك روحه اشو
سواها صدك 🤔😨
راح يخبلني والله
بيوم تاخرت بمحاضراتي
عافني ابو الخط
اضطريت ارجع فورتات
واني امشي ذكريات العام ترجع كدامي
شلت هم الطريق ..!!
ياربي بلكت ماشوفه
هستوني نزلت من الكوستر بعدني عالشارع العام
واحد من ذولي الشباب الصايعه ظل يتحارش ويسمعني كلمات ويمشي ورايه ..!!
كتله روح هذه منطقتنا
ترى يطلعولك اخواني يكسروك بمكانك .. وبكيفك بعد
هو لازك مايروح
وصلت فرعنا
هذا الغبي بعده ورايه
واشوف سعد من بعيد واكف ابابهم يم سيارته 😳😳😳
بس باوع عليه من بعيد افتهم السالفه
وعرف انو هذا الشخص ديمشي ورايه 😰😱
ركع باب سيارته حيل واجى يركض
الولد الورايه هم افتهم السالفه وركض دينهزم منه ..!!
لزمه من ياخته ودك بوكسات .. واني اعيط عليه ..!!
صاح عليه روحي للبيت لااجيج 😨😨
مشيت عالسريع وكل شويه اوكف اباوع 😨
معقوله الي ديصير
زين ذاك الولد وكع بالكاع لاحس ولاخبر
بس لامات ..!!
مات شنو 😜
بطل مني ابو الخط
الله يرضى عليه ويوفقه ..!!
وتبهذلت لحد نص السنه
اروح وارجع بنفس الطريقه المهلكه ..
الحر من جهه وسعد ومواقفه ومشاكله المتخلص من جهه 😢
خبلني سوه بيه هستيريا هذا العنصر
مااعرف شيريد مني
ليش ميتركني بحالي
مشاكله صارت ويه الهوى الطاير اليعدي من يمي ..!! لايتعب ولايمل ..!!!
خلصت عطله نص السنه .. ورجعنا للهم
قصدي للدراسه 😰
اهلي نسو موضوع الخط تماما
كتلهم ياناس شوفولي خط تبهذلت اني ماكدر بعد ..
حتى لو خط خاص بيه وحدي
تكسي يوديني ويجيني مو اله بنات ويايه 😧
اهلي ماكذبو خبر
من سمعو هيجي عبالهم اني ضايجه مااريد يجون بنات ويايه ..
كامو شافولي تكسي خاص اليه
يوديني ويجيبني ..!!
المهم توفرلي خط خاص وخلصت من البهذله الحمد لله ..!!
سعد بدء ينتبهلي واني اروح وارجع بتكسي وحدي ..!!
هذا شكله تخبل
بس لاهم يغار من ابو الخط ..
يسويها والله .. موبعيده ..!!!!
فات اسبوع بسلام
فد يوم عصريه
دك علينا ابو الخط
يلهث وكوه يحجي 😨
كتله خير اكو شي
كالي بالله عليكم بيش طالبيني
شمسويلكم اني
يابه اني بطلت ..!!!
ماكدرت احجي ..😨😧
صفنت ويه روحي
دتحسون الي اني داحسه هسه ..!!
بس لا (سعد) وره الموضوع ..🙊🙊
والله الولد شكله مبسوط
شبعان بسط
سوده عليه ..!!
نعل يومك سعد الخبل
زين شكول لاهلي ..!!
زين دوامي شلون ..!!
ورجعت لبهذله الفورتات والمشي بالشوارع ..!
وفد يوم امشي بطريقي .. واسمع شباب ثنين بيناتهم يسولفون
كله عوفها .. متفيدك
الثاني كاله : دتعاااااااال .. 🙈🙈
بقلبي كلت دتعال ..
وشوف الله شكاتبلك كتبه سوده مثل نيتك ..!
بلكي تبطلون هالعاده الزباله مال مشي وره البنات ..!!
دخلنا فرعنا
الشخص الثاني عاف صاحبه وراح
بقى هذا يذب كلام كام يلح اكثر .. ماسكت بعد ..!!
شو دنجب اسكت شويه
خل اركز ..
اني بالقرآن ذاك سعد ابابهم ..
خرب حظك دروح عاد افلت ..😨
شافه الوحش مالتي واجى يركض بنفس الطريقه .. 😣😔😟
والله مايمل .. ولايتعب
ولايجوز ..!!
تالي ياربي .. لزمه فلش وجهه للولد
عود كله بضرب بالوجه
شويه .. والنوب طلع اخوه مرتضى ..!!
اجى يركض عليه
استلمو ثنينهم
سووه عصير للولد ..!!
عاد لو باقي صاحبه وياه
ماكو .. نيته السوده شالها وحده ..!!
هذا حالي اني ..
وهذا وضعي ..!!
شيخلصها نص السنه الباقي ..
وينك رواد ليش هيجي تخليت عني
وتركتني بغابه مليانه وحوش ..!!
اااااخ لوبس اعرف اخبارك ..!!
كلت كافي بعد بهذله
موضوع الفورتات اني راح احسمه
اروح وارجع اي تكسي بالشارع ..!
اتبعت هذه الطريقه
يوميه ارجع بتكسي ..
سعد احس عيونه صارت براسه ..!!
ابو المشاكل ..
مايعيش بلا مشكله
مااعرف شلون تاليتها وياااه ..!!
بالليل نامو اهلي
غفيت اني بالهول
غمضت عيوني دقايق
دك الارضي ..
كمت جاوبت
بعد ماكلت الو منو
لج احرك .. لج اسوي
لج اطيح حظج .. لج .. لج .. لج .......الخ
سعد الحقير انهد عليه
اذا ترجعين تكسي وحدج بعد احرك اهلج 😱😱
كتله ميه مره كتلك لاتتصل هنا
اتركي لخاطر ربك
انت شكاعد تسوي بروحك ..!!
اني بنيه مخطوبه لابن عمي ..
كالي احركج انت وياه
كتله حتى لو مايصير نصيب هم اهلي ماينطوك ترى
كالي متطلعين عروسه من بيتكم اله اليه
كتله والله انت تحلم
اني انقهر عليك
اهلي مو سهلين ترى
ناس تجار
وبتهم الكبيره مهندسه تصدك ينطوك الك ..!!
مااريد اجرحك اكثر
كالي التكسي التجين وياه وحدج
مااخليه يرجع سالم
انعل والديه ..😱😨
كتله يامجرم
لعد هاي انت الخليت ابو الخط مالتي يبطل
ويعوفني .. وتبهذلت بالشوارع من وراك انت السبب
كالي اليطلع وراج اكسره ..!!
كلت هذا مجرم يسوي كلشي والله
يكعد يوميه يبسطله رجال مسكين ع باب الله ..!!
كتله وانت دتحافظ عليه مثلا ..
انت دتخليني اتبهذل بالشوارع
شنو هالعقليه العندك لخاطر الله ..
انتبه لروحه ..
كلامي صحيح
سديته بوجهه جيت انام ..!!
افففففف شلون راح انام
نص ساعه
ورجع خابر مره ثانيه
كالي اني اوصلج 😦😯
سديت السماعه ..
وفصلت الفيشه ..!!
ورحت نمت ....
يتبع ..........!!! U
