" عيناكِ حُلمــي الذي سيكون 💙🌏"

مفاجــأه

حاولت ان تناقش والدتها ف موضوع عملها الجديد
ياقوت بنبره مترجيه : ماما انا محتاجه اشتغل بجد .. عشان خاطري توافقي
إيمان : ياقوت انتِ عارفه اللي حصل قبل كده انا مش مستعده يحصلك حاجه ابداً ومش عاوزه اتناقش ف الموضوع ده عشان منزعلش من بعض
ياقوت : انا والله المرادي الشغل مضمون يماما دي شركه مشهوره ومحترمين جداً .. وحياتي عندك
إيمان بعد تفكير ومحاولات كثيره من ياقوت لاقناعها إيمان : ماشي يا ياقوت اللي انتِ عاوزاه اعمليه
ياقوت : لا لازم تقولي انك موافقه
ايمان : ماشي بس مفيش تاخير وتكلميني كل شويه تطمنيني عليكي
قفزت ياقوت م الفرحه واحتضنت الدتها بشده وقبلت يدها وراسها ثم استاذنت لتتجهز حتى تذهب ع مقابلة العمل ..
بعد نصف ساعه تجهزت وودعت والدتها وانطلقت للشركه ..
دخلت وهي خائفه فهي لم تنسا ما حدث لها ومازالت خائفه من ان يحدث مره اخرى ولكن قوٌت نفسها ودخلت للشركه .. وجدت سكرتيره متدينه وحسنة المظهر ووجهها به قبول وجميله .. طلبت منها استمارة عمل لتملأها ثم بعد نصف ساعه اخذت السكرتيره الاستماره ونظرت بها ثم ابتسمت لياقوت ودخلت المكتب استاذنت من مدير الشركه لتدخل ياقوت .. دخلت ولم تتحدث ولم تنظر حتى ناحيته بل جلست منتظره منه ان يتحدث وهي واضعه عينيها بالارض
ثم فتح اوراق تقديمها ونظر بتمعن قليلاً ثم تحدث وهو ينظر للورق : ممكن اعرف ايه اللي مخليكي حابه تشتغلي بالمجال ده ؟
استغربت من الصوت وشعرت انها سمعته من قبل ف رفعت راسها لتتحدث وكانت المفاجأة شعرت انها راته من قبل انه هو الذي لا يفارق احلامها هو المجهول الذي انقذها وذهب بها للمستشفى ثم حاولت طرد هذه الافكار متحدثه بسرعه محاولة لاخفاء توترها .
ياقوت : لاني حابه المجال ده وحلمي من زمان اني اثبت زاتي فيه واحقق حلمي واحس اني بقدر اساعد الناس ولو حاجه بسيطه زي الدوا اللي بنعمله استغرب حمزه ف هذه المره الاولى التي يسمع بها هذا الكلام من شخص جاء ليتقدم للعمل ف دائماً ما يسمع اسباب لا علاقة لها بالسؤال من اشخاص يريدون المال فقط ف رفع رأسه ونظر لها ليجدها تنتظر منه رد وهي تنظر له فتفاجا عندما نظر ووجد مالا يتوقعه انها هي التي انقذها وهي الملاك الذي لم يعلم الي الآن ما حدث لها ولماذا .. تلاقت اعينهم لثوانٍ ثم نظر بعيداً وهو يقول : احم تمام يا دكتوره ياقوت حضرتك هتستلمي الشغل من بكرا ان شاء الله تقدري تسألي السكرتيره عن طبيعة العمل .. اتفضلي
ياقوت بامتنان : شكراً لحضرتك جداً
اومأ لها بابتسامه فقط وانصرفت وهي سعيده لانه تم قبولها بالوظيفه ثم ذهبت لتخبر صديقتها واتصلت بهاا
ياقووت : الوووز يا يوياا
حياة : ياكووووكي كنت لسه هتصل عامله ايه
ياقوت : الحمدلله ياقلبي انت عامله ايه
حياه : لا معلش اعرف سر السعاده
ياقوت بضحك : اتقبلت ف شركة الادويه الطبيه وماما وافقت اشتغل 👀💃💃
حيااة بسعااده .. فهي تفرح لصديقتها واكثر منها حتى : وييييييي ويييييي ايوااا بقاا انتي لازم تعزميني ع غدوه حلووه كده يلاا
ياقوت : همك ع بطنك برده 😂😂
حياه : بحبهاا ياستي الله
ياقوت : هي ايه دي
حياه : بطني 😂😂😂
ياقوت بضحك : طب خلاص نتقابل انهارده واعزمك ع ب جنيه لب يلا
حياة : انتِ يا ياقوت لما بتصرفي بتبزري بصراحه 😂💔
بعدما ضحكوا سوياً
ياقوت وهي تتذكر : انتي عارفه مين مدير الشغل عندي
حياة : مين
ياقوت : الشاب اللي انقذني يوم الحادثه
حياة :ايه ده بجد لالالالالا .. يعني انقذك وعينك عنده ف الشركه انا لو منك اتجوزه
ياقوت : اتلهي ياشيخه
حياة : احكيلي عنه بسرعه بقاا وعمل ايه اول م شافك وقدملك ايه تشربيه وضحكلك وكده و.. كادت تكمل الا ان اوقفتها ياقوت
ياقوت : يؤسفني اقولك اني قفلت السكه ف وشك 😂😂 واغلقت الهاتف
وقضت يومها مع حياة ثم في يومها التالي استيقظت وتجهزت لتذهب الي عملها الجديد وكانت غايه فـ الجمال .. طبعها لا تحب مستحضرات التجميل فهي تضع القليل فقط لانها جميله بدونه ثم خرجت
إيمان : ماشاء الله عليكي يابنتي ربنا يحميكي ياارب
ياقوت قبلت يد والدتها وراسها ثم قالت انها ذاهبه واوصتها والدتها ان تطمئنها عليها عندما تصل وكل الوقت تخبرها هل هي مرتاحه ام لا وذهبت ياقوت ودخلت الشركه وقبل ان تدخل وهي تدعو من الله ان يوفقها في هذا العمل ثم دخلت وشرحت لها السكرتيره طبيعة عملها ثم ذهبت لمكان عملها وارتدت ملابس العمل ثم بدات تعمل معهم ... بطبيعة الشركه ان حمزه مدير الشركه دائماً ما يأخذ جوله ليرى ما اذا كان الموظفون مرتاحون ام لا ونزل ليجد كل منهم منهمك في عمله ف اخذ يساعد كل منهم قليلًا ثم جاء لياقوت ليجدها مجتهدة جداً في عملها ف اقترب ليتحدث
حمزه : ايه اخبار الشغل يا دكتور .. مرتاحه ولا إيه ؟
ياقوت من تركيزها الشديد في عملها لا تعلم متى اتى : اه مرتاحه يا دكتور شكراً لحضرتك 🌸
ثم بدأ يساعدها قليلاً فيما تفعل وهو مبتسم قليلاً وطبع حمزه انه قوي ولا يبتسم بسهوله ثم مر صديقه الوحيد ثم لفت انتباهه ان حمزه مبتسم بخفه وهو يساعد ياقوت ف ظل صديقه واقف مكانه وهو مندهش ويقول في نفسه ( مش معقول ده مبيبتسمش غير ليا وبالعافيه ايه ده .. انا لازم اعرف مين دي .. )

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
نهاية الباارت .. اتمنى يعجبكم 💙