بنات. اولاد
بارت4
زينب الموسوي
اتصلت باحمد هلو احمد اني عفاف
اعرف انتي عفاف رقم اول مره اشوفه والصوت اتمنى اسمعه
لگيت رقمك على الملزمه وگلت فرصه اگولك شكرا انشاالله بس اخلص امتحان ارجعها الك
واني شسوي بيها خليها عندچ عفاف عندي سؤال ليش انتوا بتعدتوا عن اقاربكم من رجعة جعفر
هذا موضوع معقد وهواي حچي بيه يراد ايام وميخلص واني عندي امتحانات
ميخالف اتصلي يوميه واحچي جزء شلون قصص الف ليله وليله
اي والرصيد عيني انت شخسران بيه جير بسامير
اخذي رقمي واتس اب ونتصل
جهازي مو حديث مايتحمل وتس اب
وليش متشترين جهاز حديث
احمد مو گتلك سالفه طويله ليش تلح
زين اذا اني اجي عليكم زياره بين فتره والثانيه ماعدكم مانع
ماادري بس انتم بيتكم بعيد وبغداد ازدحام شيجيبك
اجي حتى اشوفچ
وليش تريد تشوفني
ماادري ليش تصدكين من اول مشفتچ قبل يومين افكر بيچ واتمنى اشوفچ مره ثانيه
شبسرعه هيجي صار بيك بس اني مااتذكرك من زمان مشايفتك
اني اتذكرچ وانتي زغيره كنت مدللة عند ابوچ وهواي تبچين
احمد اني هم عندي سوال انت تعمدت تكتب رقمك على الملزمه لو اني متوهمه
كتبت الچ حتى تخابرين افتهمتي
وليش كتبته الي شتريد
ليش مستعجله عفاف خلينا نسولف وبس
مو مستعجله بس الصراحه حلوه خلينا صريحين
لاتشغلين بالچ. عندچ دراسه انتي راح اتصل بيچ يوميه وكل خميس ازوركم اني وامي حتى اشوفچ
اليوم احد بعد هواي للخميس تعالوا باچر
مو اگلچ مستعجله
هو اني بحالك اريد اشوف عمتي
تشوفيها الخميس انشاالله
احمد متخرج من المعهد الطبي ومنتظر تعيين والده يشتغل بالشورجه وهو يساعده وظل يخابرني يوميه حچيتله اوضاع بيتنا وتصرفات جعفر ويانا
راح اگولچ سر عائلي ويمكن متصدگين تدرين والدج الله يرحمه سوا نفس الشي ويه امي وجبرها تتنازل عن ورثها يله وافق على زواجها من ابوي الي كان صديقه ويشتغل وياه وحتى عمامچ كلهم اخذ حصصهم وسيطر على الورث هو لوحده وهذا جعفر ديتصرف مثله
شنو هذا الحچي منيلك كله غلط بابا ماكو احسن منه انت تكره وحاقد عليه
وليش اكره واحقد عليه انتي فكري ليش ابوچ الوحيد بين اخوانه غني وليش باقي اخوانه فقراء ليش ولا واحد منهم ساعده او يشتغل وياه عفاف هاي الحقيقه وجعفر كان زغير وتاثر بهاي التصرفات واسالي عمامچ اذا اني غلطان بعد لاتحچين وياي
لا مااسال ومن هسه بعد لاتتصل بيه ولاتجي علينا انت كذاب وتغار من عدنا وحتى اهلي راح اگلهم على حچيك
على راحتچ بس سألي واني انتظرچ
تنتظر عزرائيل انشالله ياخذ روحك
كانت المكالمه باليل ردت انزل اسال ماما خفت انصدم بالحقيقه خابرت مهند ابن اختي
هلو عفه. لك عفه شنو گول خاله ليش متسأل. اشتغل حتى اوفر كم فلس الي ولامي گولي عفه محتاجه شي. گول خاله وجع بطنك
يله خاله شتريدين گولي
اولا مشتاقتلك ثانيا اريدك تجاوبني بصراحه انت عشت بيتنا عمرك كله صحيح بابا جبر عمتي فريده تتنازل عن الورث حتى تتزوج
اني بزواجها بعدني مكنت مولود بس اتذكر هيچ قصه سمعتها من امي وبيبي واعمامي تعاركوا ويه جدي على الورث بس مااتذكر تفاصيل شجاب هذا الحچي بالچ
احمد ابن عمتي حچالي واني كذبته ورزلته وسديت التلفون
ياتلفون وليش يحچيلچ احمد گولي
ماكو شي احنا نتخابر ونسولف
وعليمن تسولفون على الطقس
هي على عوائلنا والله ماكو شي
عفاف انتي وراچ دراسه اذا سقطتي جعفر يبطلج
گول خاله واني دادرس وراح انجح اگلك اسبوع الجاي خطوبة اسيا بس يمكن جعفر راح يخليها تتنازل عن الورث
هاي تسويها لان ميته على العرس
حقها مهند عمرها ٣٠سنه وحتى اني هسه لو يتقدملي احد اوافق واطلع من هالبيت الي سيطر عليه جعفر
واحمد افندي هو المنقذ
مهند تعرف عن احمد شي اني مااعرفه
لا والله احمد خوش ولد بس فكري بالشهاده والوظيفه احسن من الزواج
اي بس اذا شهاده وزواج بعد احسن
اي خاله انتي مدومنه على الجهتين
انشالله لك اني تربية حجي نزار محد يغلبني
رغم اني عرفت الي گاله احمد صح بس ماخابرت ولااعتذرت ومارديت على اتصالاته قبل خطوبة اسيا بيوم جعفر صاحها اسيا انتي راح تتزوجين ضابط ومن عائله معروفه وعنده بيت وراتب وحرام تعبي يروح للغير انتي محتاجه الورث
لو حرام الله حرمه بالقران الي دتسويه انت حرام الزواج قسمه ونصيب شمدريني خالد شيطلع
زين اني اشتري حصتج خمس ملايين يابه عشره بعد شتردين هسه انطيچ الفلوس واشتريلچ ارض زراعي خليها ضمان لو سياره تكد عليچ وتزوجي وسويلچ زعاطيط اثنين تلاثه ترى انتي كبرتي
وقعت اسيا على التنازل وحتى خطيبها مگالتله بيوم حفلة الخطوبه جتي عمتي ام احمد علينا شافتني
عمه عفاف احمدبالباب وديله مي حاره وعطشان
وليش ميفوت عمه
وين يفوت وهاي البنات والنسوان روحي عمه عليه
طلعت هاك المي شنو هاك گولي اخذ تفضل. اخذ تفضل. تقرين لو لا هالايام. والله داقره اي عفيه ماريد مرتي تصير كسلانه ومتعرف تدرس جهالي. وصرت مرتك وعدنا جهال. اي مرتي بس خلي يطلع التعين الا اجي اجرچ جر وهسه تشوفين
وليش تنتظر التعين انت دتشتغل
لچ شويه ثگل شبيچ مستعجله. مو مستعجله بس اريد اعرف صدگك من چذبك. هاي ثاني مره تتجاوزين واسكت بس يجي يوم واخذ حيفي منچ يله فوتي جوى وباليل من اتصل جاوبي رجعت علاقتي باحمد وامتحنت دور ثاني وراها صار عرس اسيا اجونا خطار رجل خالتي وبنته سحر بقت عدنا كم يوم وبهاي الكم يوم جذبت انتباه جعفر وحجى ويه ماما تخطبها اله وماما ماصدگت بنت اختها ويتيمه وحلوه وتريد تفرح بزواج جعفر واكيد سحر راح تحاول تغير من تصرفات جعفر ويترك الجشع لخاطر خالتها...يتبع
أنت تقرأ
بنات واولاد
Roman d'amourقصه تتحدث عن ظاهره اجتماعيه سائده في مجتمعنا الان وهو حرمان الفتاة من الميراث واثر ذلك على العلاقات العائليه
