ثانوية المراهقين ٢

١

كانت انفاسه تعلو وتهبط بطريقة ملاحظة انحنا قليلا ووضع كفته اليسرى على فخذة ثم سكب الماء على رأسه من الزجاجة التي يحملها في يده الاخرى.... رفع طرف قميصه الرمادي الذي يحمل علامة اديداس ومسح به وجهه...رفع رأسه لينظر الى قرص الشمس الذي بدأ بالظهور كان المكان لايزال هادئا ابتسم بهدوء وتابع ركضه.... فقد اعتاد على ممارسة الرياضة في مثل هذا الوقت.... ركض الى ان وصل الى مبنى ضخم... مشا بنشاط في ردهة الاستقبال ليدخل الى المصعد ويضغط على زر الطابق التاسع... كانت نظراته ثابته الى ان انفتح باب المصعد .... توجه نحو الشقة التي تحمل رقم 108...ادار المفتاح ودخل مسرعا.... كانت شقة في قمة الرقي....خلع قميصه وتوجه نحو حمام غرفته.... ما ان خرج حتى سمع صوت رنين جواله توجه مسرعا نحوه .
_________________________________
في مكان اخر :
شاب اسمر بملامح حادة وسيمة وملابس عمل مميزة تظهر حقيقة عمله....كان ينظر بتركيز الى شاشة هاتفه ارتسمت ابتسامة على وجهه ليجيب بصوت رجولي جذاب : مراد يا حبيبنا 😍
مراد : هزاع اخوي وصحبي 😍.
هزاع : بضرب ليك لي حكاية 7 دقايق وين انت ؟
مراد : معليش والله كنت تحت بتريض .
هزاع : رياضة وحركات 😉
مراد : كيف معاك  😉
هزاع : لا لا حلو ... اها ما ناوي تجي السودان ؟
مراد : والله ماااا عارف مشغول شديد الفترة دي 😅
هزاع : ماشي كيف في شغلك ؟
مراد : والله حاليا بصمم في محرك وحاعرضو بعد فتره لو اتبنوهو لي كدا حاكون نجحت في خطتي
هزاع : بالتوفيق ياخ 😍
مراد : شكرا ☺
هزاع : انا وصلت رحلتي قبل شوية
مراد : حمدلله على السلامه
هزاع :الله يسلمك 😍.... حامشي لي مرتي سبرايس وكدا 😌✌.
مراد : ايوااا ... كويس.... كويس والله عليك الله سلم لي عليها .
هزاع :يوصل....يلا ما اعطلك 😉
مراد : سلام ✋.
( تغيرت كثيرا....لم اعد ذلك الفتى النحيف ابن الثامنة عشر عاما... انا الان شاب ناضج في الرابعة والعشرين من عمري.... اعتدت الوحدة.... لا ام ولا اب ولا اخت... وحيدا ... اعاني لوحدي ... اتألم لوحدي .... استيقظ وانام لوحدي ....اقيم حاليا في نيويورك .... اكملت دراستي في جامعة واشنطون.... كل شيئ تغير فيني بمعنى الكلمة....كل شيئ ما عدا شيئ واحد...حبي لها .... حاولت وجاهدت لانساها ولكن لا فائدة 7 اعوام وانا لا ازال انهار عند سماع صوتها....اتحمل الغيرة المؤلمة عندما يحدثني صديقي الصدوق عنها.... اتحمل تلك الغصة التي تخنقني عندما ينعتها ب ( مرتي ) امامي... لا الومه فهو لا يعلم ما بداخلي....حرمني القدر منها.... كما حرمني من اسرتي .... مراد )
______________________________
في مكان تاني بعييييييييد ( ما بعيد شديد يعني 😅)
في القارة الافريقية 😌
وفي قلب افريقيا 😌
في العاصمة المثلثة 😌
في مدينة امدرمااااان 😌
في جامعة الاحفاد 😌💜
كان المكان عموما بيدل على انو في احتفال....
لمن تركز شوية بتعرف انو دا اسبوع المرأة ....
كمية من الطالبات من مدرسة الطب بزي انيق موحد...كانو واقفين ورا طاولات في معرضهم وبيشرحوا للزوار عن بعض المفاهيم الطبية .
يلا شنو الزول بيركز مع المزة الواقفة بتشرح وهي مبتسمة...
كانت رافعة شعرها كعكة بفوضوية..... وشها خالي من اي مكياج غير ليب غلوس شفاف.... لونها اصفراني كدا...ومدخلة كفينها جو اللاب كوت...... بعد ما الناس خفو من جمبها اتحركت سريع وطلعت وهي بتنده : يا ميرناااا .
اي اي دي فلة 😂...
يلا شنو وهي وميرنا دي اخر سنه ليهم في الجامعة ☺.
ميرنا : تعبتي ؟
فلة وهي بتطلع تلفونها من جيب اللاب كوت : شديد ياخ 😩.
ميرنا : لا انتي مشتاقة لي زوزا 😛
فلة : ما وقتك 😒
ميرنا : لسا متشاكلين ؟
فلة : مع انو هو الغلطان اعتذرت ليهو ولسا اسلوبو بارد معاي .
ميرنا : كابتن ومفتري حقو 😂
فلة : ميرنا .... بطلي ظرافة وامشي اقيفي مكاني 😊.
ميرنا : اوكي خلاص اهدي 😅.
اتحركت وهي بتعاين لي تلفونها كانت مستنية بس رسالة منو 💔.
شعورها كان شعور لهفة ليهو....دخلت تلفونها باستسلام وتابعت طريقها... كانت نظراتها متوجهة نحو الارض...وكل تفكيرها مع هزاع .
التلفون اتهز طلعتو بي سرعة ... حست نفسها حتطييييير لمن لقت مسج منو .
_ يا دوب رحلتي وصلت
ردت بسرعة : حتجي السودان متين ياخ 😩
_ لمن الله يريد ياخ 😊
_ اشتقت ليك 😢.... اخر مرة شفتك قبل حكاية شهرين
_ فترة كافية تبقي فيها حلوة و كدا  لحدي م اجي اشوفك😍
_ اي 😅.... طيب ما وريتني حتجي متين ؟
_ فلتي معليش شوية وارجع.
ماشي وين انت مختفي ليك 7 ساعات 😩💔.
_ عندي زميلتي عايز اتكلم معاها في موضوع مهم 😉
_ اوكي خلاص باي ✋.
_  ✋
زفرت بضيق 😩💔
وقفلت التلفون...ما حست الا انها طاقشت ليها زول 😱.
شهقت وهي بتتأسف ودنقرت سريع عشان ترفع التلفون .... اول ما رفعت راسها بقت عاملة كدا 😳 : ه   هزاع ؟
ضحك بصوت عالي : انتي شايفة شنوووو ؟
كانت لسا مصدومة كانها ما مصدقه انو قدامها : لا ... مش قبل شوية قلت ....
هزاع : اي اي قلت افاجئك  😉.... بعدين دقيقة مالك بقيتي سمحة كدا 😍.... لابكوت ودكاترة وحركات 😉... والتسريحة المابحبها وماف طرحة لكن برضو ما مشكلة بنشوف لينا حل 😍.
فلة : 😳
دنقر شوية على ناحيتها : اها حتفضلي متنحة فيني طويل كدا 😳.
فلة : انت هزاع ؟
هزاع : لا لا قرينو ... قلت الزول دا تعبان اطلع بدالو شوية ☺.
طلع طاقيتو وختاها ليها في راسها وهو بعاين ليها بي ابتسامة 😍.
كل الانظار بقت مركزة معاهم ❤.
هزاع : نطلع من هنا عشان ما يجيني ابوكم داك وينبزني .
فلة بي ضحكة : ابونا منو ؟؟؟
هزاع :بابا قاسم 😛 ( ما بعرفوه الا بنات الاحفاد 😍✋)
فلة وهي بتطلع الطاقية : لا لا ما بيسألك 😂.
هزاع :طيب ارح .
فلة : وين وين ؟
هزاع : تعالي معاي العربية عشان هنا ماف خصوصية وكدا .
فلة : طيب .
مشا بجنبها لحدي ما طلعو ..... فتح عربيتو وركبت معاهو.
هزاع : مراد كل يوم بيسألني منك 😂
فلة : ياااا حليلو ياخ .
هزاع : ثواني اضرب ليهو فيديو كول... طبعا الايام دي مجننو ليك جن كل ثانية بضرب ليهو .
___________________________________
كان قاعد بي تركيز قدام شاشة اللابتوب .... نغمة تلفونو علت .... صلح النضارة النيرد اللابسها ... ورفع التلفون بهدوء.
هزاع : انشتاااااين .
مراد :والله ما حبقى انشتاين من ورا تلفوناتك المستمرة دي 😑.
هزاع : انت لاقيني وين ؟
مراد :عايز شنو 😑؟
هزاع : عاين منو معاي 😛
قبل الكاميرا على فلة المبتسمة ....
مراد حكا دقنو  بي طرف سبابتو بي توتر 😅 وظهرت ابتسامة ظريفة في وشو 😍.
فلة : مراد 😍
مراد : دكتورتنا 😀
فلة : شنو ياااخ مختفي كدا .... ما ناوي تجي السودان شوية ؟ من 7 سنين تاني ما شفناك قدامنا .
مراد : والله ياريت .... لكن بس مشغول شديد .
فلة : بالتوفيق ليك هزاع قال لي بقيت بتصمم محركات وكدا 😉.
مراد : اي 😅.... شكرا وبالتوفيق ليك برضو .
هزاع : مع فله ظريف وانا مطلع زيتي 😢
مراد : لانك عامل لي وجع وش والله قديييييتني قد .
هزاع : مرادي 😢
مراد : هزاع 😑
هزاع : خلاص خلاص 😂😅...يلا انقلع .
فلة شالت نفس عميق وقبلت على الشباك : مسكين ياخ ... الله يكون في عونو .
مشت سبابتها في القزاز : بالمناسبة يا هزاع المنظمة الحكيت ليك بيها حيسفرونا بعد ما نتخرج ماليزيا متحمسة شديد 😍.
سكتت مستنياهو يرد.... بس ما رد .
قبلت عليهو لقتو وين ؟ عمك موتتتتسب ولا فاضي ليها 😂.
فلة بي ابتسامة رسمية  :هزاع ؟
هزاع :..........
فلة : هزااااااع
هزاع : اي اي
فلة : انا كنت بقول في شنو ؟
هزاع : ها ؟؟؟؟
فلة : كنت بقول في شنو يا كابتن ؟
هزاع : هو انتي كنتي بتتكلمي اصلا 😅؟ ( يجوز الكف هنا )
فلة : هههههه😒.... يا سلام .
هزاع : معليش حبيبتي والله بتكلم مع مراد لسا 😅
فلة :ايوا.... لا لا تمام... كمل كلامك وانا حارجع لي زميلاتي جوه .
هزاع : فلة زعلتي ؟
فلة : لا لا شنو البزعل في الموضوع يعني بتكلم معاك وانت ما فاضي لي عادي ولاااااا يهمك .
هزاع : انا اسف 💔... زعلتي مني صح ؟ والله اسف .
فلة : لا ما زعلت ... يلا عن اذنك .
فتحت باب العربية ونزلت بي سرعة .
اما هو اكتفى بي انو يتابعها بي نظراتو لحدي ما اختفت.... مشا يدو في شعرو واتكل على الدركسون براسو.
بسم الله .... احم احم 😌.... الى جميع ابناء ادم... انتبهوا معاي هنا... بكل اعماركم... رضع... اطفال... مراهقين.... شباب....ناضجين.... عجزة.... اموات
ياخ عليكم الله الدم البقققققري دا ما حلو .... يعني لمن تحس انك غلطان اعتذذذذر 😤.... قول اسف ومعليش ما بتمووووت 😤.... حتى لو ظهرت ليك انو ما زعلاته اعتذر 😑.... الاعتذار حاجة جميلة وحتى لو ما ظهر ليك انها مبسوطة منك جواها حتكون مبسوطة .... فهمتوني ؟؟؟ اي اي انت البتقرا دا فاهمني 😒؟
تمام ☺...
نكمل ☺👇
دخلت جوه وهي حاسة انها حتنفجررررررر .
اتغير شديد من اخر مرة جا فيها... بقت عندها احساس انها ماشي مهم عندو  وماف ليها اي 30 لازمه.... ما مهتمي بيها زي زمان.... كلامو اغلب الوقت باااارد... ما بيحاول يعرف تفاصيل يومها او الحاجات الفرحتها الليلة او ضايقتها.... بقا انسان تااااااني .
ما كان عندها قدرة تمشي تتابع مع صحباتها .... شالت شنطتها وحاجاتها ومشت على الجهة المبركنه فيها عربيتها.
ختت شنطتها واللاب كوت بي ورا... وركبت... قفلت الباب بي قوة طاااااااااخ ( عينك للفيل تطعن في ضلو... ما عارفة دخل المثل بالمشهد شنو بس عجبني 😎).
وصلت بيتهم .... فتحت الباب بي تكاسل .
جاتها نرجس اختها جارية .
نرجس : جيتي في وققققتك 😥 في درس ما فاهماهو تعالي اشرحي لي .
فلة : ما هسه .... تعبانه و عايزة انوم 😤.
نرجس : طيب 😑.
دخلت اوضتها... وبي عدم اكتراث رمت حاجاتها في الكرسي الجمبها.... قعدت في طرف السرير ... فركت كفينها سوا.... وهي بتهز رجلها بتوتر.... كان كل تفكيرها منحصر في انو الحصل شنو ؟؟؟؟
لي اتغير كدا ؟؟؟؟
معقول دا هزاع ؟؟؟؟ البنسبه ليها كل شي ؟
من اسوء الحاجات الممكن تحصل ليك... انو زول يكون بالنسبة ليك اي شي .... وفجأة كدا تعاملو يتغير ... وانت تكون ما قادر توصل ليهو انك موجوع من الحاجة دي ... في حاجة مانعاك ؟ احتمال كرامه او خجل من انك تطالب بالاهتمام ... لانو دا الشي الوحيد المابنقدر نطلبو من زول مهما كان... دا الشي الوحيد البيصدر من زول بالجد بحبك .... وفي النهاية الحب عبارة عن اهتمام... بتبقى زي المدمن البيقطعو منو فجأة الحاجة المدمن عليها .
فنصيحة ما تعود زول على اهتمامك وفجأة تقطعو منو 😀.
فتحت تلفونها ... كانت متمنيه بس تلقى رسالة منو بس للاسف ماف ولا شي ... ختت قلب مكسور 💔 في الاستيتيوس حقتها.... على امل انو يحس بيها .
رمت التلفون ومشت على دولابها شالت بجامه ومشت على الحمام .
بعد دش منعش 🚿... طلعت ... من باب الحمام سمعت صوت التلفون بيضرب.... والصراحة قلبها زاتو ضرب مع التلفون حست نفسها حتطير من الفرحة جرت بي سرعة على تلفونها وهي بتقول اكيد دا هو 😍.... بس للاسف وللمرة التانيه يخيب ظنها 💔💔💔... لقت واتساب كول من مراد ❤....
هزت راسها بي اسف قبل ما ترد على مراد .
جاها صوتو الرجولي ❤ : فلتي ( فلتي ولا عمارتي ... ههه : ) )
فلة : انشتاين 😉
مراد : كيفك ياخ ؟
فلة : الحمدلله 😊💔
مراد :sure?
فلة :اي لي يعني السؤال ؟ 😂
مراد : البروكن هارت دا شنو ؟
فلة : لا بس عادي وكدا 😅
مراد : عادي ؟
فلة :اي 😊
مراد : هزاع مش ؟
فلة : ها ؟
مراد : زعلانه منو ؟
فلة : ...........
مراد : انا جمبك ❤.... احكي لي .
فلة : عادي ياخ والله ماف شي 😂... كدي سيبنا من دا كيف مع اختراعك القاديني بيهو هزاع دا ؟
مراد بي ضحكة : زي ما خليتك بتعرفي تنسحبي من المواضيع... ما تغيري الكلام يا فلتي 😉.
فلة : 💔
مراد وهو بيزفر بهدوء : لو ما عايزة خلاص 😉
فلة بصوت مبحوح: هو لي بقا كدا ؟؟؟؟ دا هزاع الزمان ؟ اتغير شديد 💔
مراد : فلة اسمعيني كويس 😊.... اذا انتي كنتي فاكرة انو علاقتكم حتستمر زي زمااااان... لمن كنتو في العمر الحلو داك عمر 17 و 18 سنه ( والله لحدي هسه ما شفنا ليهو اي حلاوة 😀💔) فا إنتي غلطانه.... احنا كل ما بنكبر بنتغير في حاجات كثيرة.... بعدين ياخ هزاع دا شغلو ضاغط شديد سفريات طويلة .... وكل يوم في بلد .... ما بيقدر يكون متاح ليك اليوم كلو ما حيقدر مستحيل.... ياخ دا راسو بقا شاطب .... كل مرة جاييني بفهم جديد.... بس انا مقدر نقطة شغلو دي.... فا انتي لازم تستحملي طيب ؟
فلة : عشان صحبك ؟
مراد : لو هو صحبي انتي بنت خالي و.... وبمكانة اختي الفقدتها 💔.
فلة : مراد دا ما مبرر... بعدين انا مستاءة من شي واحد بس .... انو بقا ماااا مهتم بي 💔..... مهما حصل ماف اي مبرر لي عدم الاهتمام والبيحبك والعايز يسأل منك ويكون دايما جمبك ما حيبرر ليك ولا حيخليك انت توصل مرحلة تبرر ليهو فيها 💔.
مراد : فلة ... الناس ظروف.... وكل زول بي ظرفو   ( 💌) .... واي زول عندو عذر.... الدنيا بالنسبة لينا ما زي زمان يا فلة.... كلنا بقينا مشغولين.... والشي الانا متأكد منو والله العظييييم.... هزاع بيحبك 😊💜.
فلة : مراد ما حتقدر تفهم شعوري 💔💔💔💔.... ما حتقدر تفهم شعور انك بتحب زول وبقيت ما قادر توصل ليهو 💔( لا بئا مسمحلكيش دا مراد هنا يديك دروس يا بيبي 😀)
مراد بي ضحكة : لا فاهم... فاهم جدا كمان.... بعدين تعالي هنا صارة وشك دا كدا ليه 😳؟
فلة بي ضحكة : يا سلام 😂... على اساس شايفني يعني .
مراد : ما شايفك لكن حاسي بيك 😊.... وياخ عليك الله خليك دايما مبتسمة وضاحكة.... الزيك اتخلقو عشان يبتسمو ويضحكو مش يكشرو 😉.
فلة : طييييييب جدا من عيوني 😂.
مراد : خليك دايما كدا اتفقنا ؟
فلة :اتفقنا ☺.
مراد : ...............
فلة : مراد ؟
مراد : نعم ؟
فلة : شكرا ☺
مراد :على شنو ؟ 😳
فلة : يعني صراحة قبل ما تضرب المود حقي كان زبالة الصراحة 😑..... فرقت علي شوية 😀.
مراد :anytime 😉.
فلة : ما نفسك تجي السودان شوية ؟
مراد : والله ياريت لكن ماف طريقة .
فلة :حاول 😢
مراد : ان شاء الله 😉.... يلا معليش عن اذنك وراي شغل ☺😅
فلة :طيب .... good luck 💜
مراد :شككككرا 💜.
قفل التلفون وفي ابتسامه جانبية صغيرة ارتسمت في وشو كانت لازم تظهر بعد ما سمع صوتها 💜.
طيب قبل ما نمشي طويل نعرف شنو الحصل لي اصحابنا في السنين الفاتت :
1_ فلة وميرنا طبعا عرفناهم دخلو كلية الطب جامعة الاحفاد ( اللهي هي سبعة سنوات 😂.... اللي شنووووو ؟ سنة واحد بس ويكملو الاساس 😂.... الناس بتتخرج من جامعاتها وبتعرس وبتولد وهم لسا بيعافرو ويقرو😂)
2 _ هزاع وهمام التوينز 😀... الاتنين قرو في كندا 💃...
هزاع طيران.... وهمام طب .
يلا شنو الباقيين بنعرفهم شوية شوية 😉.
#نهاية_الفصل الاول.