ثانوية المراهقين ٢

٩

ختا اخر حاجتو في الشنطه وبقا مارق .
طلع لقا صحبو الكابتن المساعد مستنيه ومرقو سوا على المطار 😍😎.
_____________________
اما هناك عند فلة بعد م خلص حفل التخرج واتصورت مع صحباتها واحتفلت وعملت اي شي ... رجعت مع مراد بيتها حبوبتها .
اول م دخلت لفت بي فرحه على مراد : انا م قادرة اصدق انو اخيرا خلصت من الجامعه ... سببببع سنين مرت بالسرعة دي ؟
مراد : كبرنا .
اتنهدت وهي بتقول : وكبرت همومنا 😂.
ابتسامتها زالت بالتدريج : هيييي دقيقة دقيقة انت مش قلت لي لو نجحتي حجيب ليك هدية ؟ وين هديتي 😒؟ اهو انا اتخرجت عديييل 😎.
مراد وهو بيحك راسو : اه اي اي 😅 احسن ذكرتيني .
فلة : مراد انا عايزة اطلع ما عايزة اقعد في البيت او حتى انوم 😭.
مراد : من عيوني بس غيري هدومك وتعالي .
فلة : م عايز تطلع مع بنت لابسة فستان ؟ 😏
مراد : لاااا م كدا 😅😂... لكن يعني ... اقول ليك ارح كدا .
فلة بي حماس : اررررح 😂.
طلعو سوا بالعربية ... فلة كانت مبسوطه شدييييييد .
اعتقد ماف احلى من انو تكون اتخرجت من الجامعه وعندك زول مهتم بيك ومستعد يعمل اي شي عشان يفرحك 😭.
فلة : م عايزة انزل اي محل بس لففني بالعربية ☺.
مراد : جدا
لففها وهو م عارف اي شارع الا هي بتوصف ليه 😂.
كانت مبسوطه وبتضحك وبتتونس وبتغني وصوتها براهو كافي بي انو يشحن طاقة مراد 😍.
فضلو ع الحالة دي واتكلمو كثييييير وفي النهاية رجعو البيت والساعة كانت قرابة ال٣ فجر .
اول م وصلو وفتحو الباب بقو بيدبو برااااحة .
مراد بي همس : م تعملي ازعاج عشان ماما زينب م تقتلنا .
فلة بي نفس الاسلوب : طيب طيب .
اول م دخلو الصالة لقو ماما زينب قاعدة في الكنبه ومتكله على عكازها : كنتو وين يا شفع ؟
الاتنين اتخلعو ونططو عويناتهم من كلمة شفع اكثر من هجمة حبوبتهم ليهم 😂.
مراد وهو بيقعد جمبها وبيخت يدو في كتفها وبعاين لي فلة : بنحتفل بي فلتنا 😍🌸.
زينب : للساعة ٣ فجر ؟
مراد باس يدها : الليلة يومها يا ماما زينب 😂.
زينب بي ضحكة : الله يحفظكم يا اولادي 😂.
فلة جات قعدت جمبها .... حضنتهم الاتنين وهي بتبوس ريسانهم وبتدعي ليهم من قلبها 💜.
بعدها قامو وطلعو فوق .
مراد بي اسلوب طفولي وهو مادي لسانو : لو ما انا كان جضموك 😌😛.
فلة : طيب شكرا شكرا 😂.
بي اسلوب درامي ختا يدو في بطنو ودنقر لي قدام شوية : عفوا عفوا 😌.
ضحكت قبل م تدخل اوضتها .
مشت على جهة المراية وبدت تفك في حلقها فجأة لفت نظرها صندوق في سريرها شافتو بالمراية الواقفة قدامها .
مشت عليهو بي بطئ وهي بتخلل شعرها بيدها ... فتحتو وشهقت بصوت واطي ... ختت يدها في خشمها وعاينت على جهة الباب ورجعت بي نظرها تاني على الصندوق وهي مبتسمه ابتسامه حللللوة 😂😍... كان دي حتكون ردة فعل اي بنت لو لقت صندوق مليان بي كل اصناف الشوكولاتات 🍫 البتحبها ومعاهو بوكيه جوري طبيعي 🥀⚘... ولوحة زيتية مرسومه فيها وعطرها المفضل 😭... هزت راسها وهي بتهمس : مراد .
طلعت باقي اكسسوارها واخدت دش سريع وطلعت ... دقت على باب اوضتو ... م فتح ليها ... حكت راسها وهي مادة شفايفها باستهبال ... حست بي حركة فوق في السلم ..  طلعت من دوت تردد ... ومشت على ناحية الصهريج الكانو بقعدو فيه زمان .
لقتو قاعد ومتربع وبعاين للنجوم 🌉.
فلة : حنين للماضي ولا شنو 😂
مراد باستغراب : انتي لسا صاحية ؟
فلة وهي بتحاول تطلع ليهو : وحنوم كيف بعد الهدية الحلوة دي 😍.
مراد باستهبال : هدية 😳؟ هدية شنو ؟
تقريبا قبل م يكمل الجملة دي اتحرك بي سرعة ومسك فلة الكانت حتقع وتتشقلب بي ورا 😂.
مراد بي ضحكة : هوي انتي قايلة نفسك لسا شابة وخفيفة 😂... عجزتي وعايزة تتكسري كمان 😂.
فلة وهي مخلوعة وبتعاين وراها : واي كنت حقع ؟
مراد : تفتكري شنو انتي ؟ ها تفتكري شنو عايزة تتكعبلي وتكسري ضهرك 😂.
ضحكت بصوت عالي وهي بتغطي وشها .
مراد م قدر يتكلم ولا قدر يشيل عينو منها ومن حلاوتها وحلاوة ضحكتها .
رفعت راسها وعاينت ليهو ...
مراد وهو بيدارك نفسو : بتبالغي لكن عايزة تصحي الجيران بي ضحكتك دي 😂.
فلة : كدي كدي زح لي اقعد .
زح ليها وقعدت جمبو.
وفضلو الاتنين بعاينو للسماء🌉
فلة : مراد
_ احكي
_ بالجد شكرا ليك شديد انا م عارفة لو م انت جيت كان حيحصل لي شنو ؟
_ انا م عملت ليك اي شي انتي ساعدتي نفسك بي نفسك .
_ م كنت حقدر لو م كنت في ... وشكرا على الهدية شديييييد.
_ حاجة بسيطة .
_ انا بحمد ربنا عليك ... ربنا رزقني بي اخو زيك 💜.
ابتسم بي هدوء : وانا كمان بحمد ربنا لانو عوضني بي اخوات حلوات زيكم 💜.
مشاعر فلة لي مراد كانت كلها كأخ ليها وبس بي عكسو هو 💔.
شوية كدا اذان الفجر اذن .
فلة : نصليها سوا ؟
مراد : جدا
نزلو الاتنين تحت صلوا ولقو حبوبتهم برضو بتستعد للصلاة .
بعد م خلصو طلعو تاني فوق تحت الحاح فلة العايزة تشوف الشروق ( شمس السودان التي لا تغيب 🐸💔).
كانو متكلين على السور حق السطوح .... شوية شوية بدت اشعة الشمس تظهر 🌄.
فلة بحماس : ومع شروق الشمس بتمنى كل ايامنا الجاية تكون حلوة 💜
مراد : وانا بتمناك انتي 💜 ( تشرب شاي بالياسمين ؟ 🐸💔)
قبلت عليه وهي بتعاين ليهو باستغراب .
ضحك وهو بعاين ليها : بهظر 😂.
فلة : عارفة 😛.
مراد : خلاص كفاية انا نعست عايز انوم 😴
فلة : طيب يلا احلام سعيدة .
مراد : وليك كمان . ( مرات التعبير عن مشاعرنا قد يجي في شكل اعتراف وبعدها هيييي انا بهظر معاك ساي ... او في شكل غنية بترسلها ويتقول عايز تشوف راي الشخص التاني اللي انت بتحبو فيها )
نزل بي سرعة في السلم ودخل اوضتو رقد في سريرو وهو بيهمس : لو عارفة كمية الحب الجواي ليك م حتقولي لي عارفة 💔.
مرا اسبوع وكانت فيهو اسعد ايام فلة بعد الفترة العصيبة الكانت عايشاها .... وكانت بالنسبة لي هزاع جحيم وعذاب والم.
اما بالنسبة لي مراد كانت زي المخدر المؤقت للالم العايشو من زمان .
واحم احم مراد راجع الليلة .... طبعا ماما زينب باقي ليها حاااار وصراحة م براها كلهم كدا ... فلة ساعدتو ورتبت معاه هدومو وشنطتو .
كانت سفرتو ليلية ... ماما زينب عملت ليه غداء وملت السفرة كلها بما لذ وطاب واتلمت العيلة كللللها سوا .
ماما زينب تشيل وتأكل فيهو ... حشتو حشي 😂... عدمتو النفس .
وفلة تشيل وتضحك عليه 🙊.
ماما زينب : اكل يا حبيبي اكل عملت ليك كسرة بملاح ام رقيقة مخصووووص عارفاك بتحبها وبكره بتمشي للخواجات ديل وتاني م بتلقا اكل زي دا يا جناي .
ياسمينه : ماما زينب كسرة وام رقيقة شنو الحيشتاق ليهم ؟ هو ماشي نيوووويورك نيويورك م حيشتاق ليهم ولا حيتذكرهم .
مراد وجضومو مليانه وماما زينب لسا مادا ليهو يدها عايزة تأكلو : لا لا حشتاق ليهو يا زولة انتي مالك ؟
ياسمينه : 😂😂😂 خلاص طيب طيب اسفين .
ماما زينب : اديك محشي ؟
مراد وهو بيأشر على بطنو : كفاية يا ماما زينب والله شبعت 😂.
ماما زينب : شفت المكرونه بالبشمل دي عاملاها بيديني مخصوووووص ليك يلا هاك اكل منها .
مراد بي ابتسامه زول ادبس 😂: والله كفاية خلاص 😂😭.
ماما زينب : لا وحاط اسم الله تاكل .
عماد : حبوبتك حلفت اكل ساي 😂
نرجس : وزنك كدا حيرمي الطيارة 😂.
ماما زينب : قولي ماشاء الله يابت وزن شنو كمان ؟
نرجس : خلاص سكتنا 🙊😂
ماما زينب : اكل يا حبيبي اكل 😍
مراد وهو بيتكل بي راسو ع التربيزة : والله نفس م قادر ادخلو خلاص يا حبيبتي انتي تسلم ايدك ع الاكل الحلو دااااا .
ماما زينب : خلاص وقت شبعت انا زاتي شبعت .
سوزي : الله يرزقنا من جنس الحب دا يا اخوانا 😂.
مراد قام على المغسلة غسل يدو وجا قعد في الصالة ... شوية كدا لحقتو فلة ضربتو في كتفو وهي بتقعد جمبو : ماما زينب م مصدقة انك حتمشي وعايز تصفحك معديا 😂.
مراد : انا حانفجر والله 😂.
فلة : حتفرق معانا ياخ 💔.
مراد : وانتو كمان والله حتفرقو معاي .
فلة : حتجي متين تاني ؟
هز كتافينو وهو بعاين ليها : م معروف والله .
قاطعهم صوت ماما زينب وهي بتتكلم مع الشغالة : دخلي الصينية دي براحة يا بت .
جات داخلة قدام الشغالة ونرجس الشايلات صواني .
مراد بي انصدام : دا شنو ؟
قعدت جمبو بعد م صلحت نضارتها وابتسمت😁 : عارفاك بتحب عصير الفراولة باللبن وعملت ليك بسبوسة تشربها هسه مع شاي العصرية دا ☺ ( اريتك حبوبتي 😂)
فلة : وووووووب 😂😂😂😂... والله دي ولا حبسة عروس .
نرجس : السكس باك حتروح وحتجي بدالة كرش 😂.
ماما زينب : يا بنت بطلي لماضة وختي الحاجات دي ... كلمي سوزي تجيب البطيخ .
مراد : بموت والله بموت 😂😭.
فلة : البببببس 😂
المهم قبضو عمك ستفوهو ليك ستتتف ... وطبعا معروف الحبوبات لمن يصرو عليك تاكل بيحصل شنو .
مرت الساعات بي سرعة وجا وقت رحيل مراد 😭.
طبعا ماما زينب مشت معاهو وبكت زييييين كدا وودعتو عاد ولد اليتيم ولد بنتها المرحومه 💔.
وصتو على نفسو كويس ودعت ليهو... كلهم ودعوه واتمنو ليه رحلة سعيدة ... مراد شبع عيونو من فلة وبعدها ودعها ومشا.
( فقط لو تعلمين بأن عيناك هما اخر ملاذ امن لي ... مراد )
______________________________
الايام مشت بي حلوها ومرها وفلة كانت شغالة كويس مع المنظمه الطبية الكانت عضوة فيها ايام الجامعه.
بعد مرور شهرين كدا سفروها ماليزيا لي مؤتمر .... كانت مبسوطة شديد وهي شايفة نفسها ماشا كويس وقدرت تتجاوز الحصل ليها .
المهم نجري كدا مع الاحداث ✒🏃‍♀️.
طيارتها نزلت في قطر كونشكن كم ساعة كدا وبعدها على ماليزيا ... كانت قاعدة في واحدة من الكنبات وهي خاتا اللابتوب في رجولها وشغالة بي عمق كدا 💻.
ختت يدها في رقبتها وهي بترفع راسها ... فجأة جا ماري قدامها كبتنين ( احححي انا 🙂) ووراهم المضيفات .
لفت نظرها الكابتن الشاب الطويل .... بشره سمراء 😍 انف حاد 😍 عيون طويلة 😍... جسم رياضي ومنسق جدا 😍.
شعر محلوق فلان ودقن مرتبة 😍 ( ثواني اريد ان اتدردرق 🙂)
تابعتو بي نظراتها لحدي م اختفى .... حست بي غصة في حلقها ( عاد لازم تجيك غصة انا زاتي جاتني 😂) .
هزت راسها وشربت من الموية ورجعت لشغلها .
شوية كدا اعلنو عن رحلتها لمتوجهة الى كولالمبور 🌏✈.
لمن حاجاتها ومشت بي سرعة .... دقايق بسيطة وكان راكبة في مقعدها في الدرجة الاولى .
كانت مسترخية بي كلو ... لحد م بدا المضيف يتكلم ... م كانت اصلا مركزة معاهو او مع كلامو البقول فيه  جملة وااااحدة اللفتت انتباها من كلو .
_ كابتن هزاع عبدالله وطاقمه يتمنون لكم رحلة سعيدة .
هنا حست بي شعور م قدرت ابدا تفسرو هبوط على طمام على قلب شغال دل دل دل دل دل على رجفة كدا على قبضة في الصدر والبطن .