ثانوية المراهقين ٢

٣

قامت بي تكاسل ودخلت الحمام غسلت وشها واتوضت عشان تصلي زي ما طلب منها مراد .
وقفت في المصلاية وصلت ليها ركعتين ودموعها جارية دعت انو الله يقويها ويجبرها 💜.
رجعت لي سريرها.... ختت راسها في مخدتها بي حزن واتغطت.
صحت بي صوت الجرس البيضرب ....
قامت بي تعب وفتحت الباب وكانت دي نرجس اختها الصغيره.
نرجس : جيتي بدري الليلة 😀
اكتفت بي هز راسها ورجعت اوضتها ( اصلا الاخوان الكبار محرجين 😀💔)
رجعت لي سريرها ..... كانت تعبانه شديد وما اخذت وقت طويل عشان ترجع تنوم بي سرعة .
صحت تاني بصوت امها .
دلال : فلة .... يا بت .... دا نوم شنو دا الليلة يا بتي ؟ العشاء قرب يأذن .... لا صليتي ولا اكلتي ليك اي شي من قبيييييل نايمه مالك ؟
فتحت عيونها وهي بتعاين لي امها بي استغراب عايزة تستوعب كلامها ......
ردت ليها بصوت مبحوح ونعسان : الليلة اليوم في الجامعة كان متعب شديد .
دلال : لكن ما قدر دا.... خلاص قومي استحمي واكلي وصلي صلاتك وامشي اقري شوية امتحاناتك قربت .
_ طيب .
دلال : يلا قومي قومي  ( حركات السيدة الوالدة 😀💔)
قعدت في السرير وهزت راسها وهي بتمسح في عيونها .
قامت بعد ما امها طلعت .... وغسلت وشها اخدت ليها دش وطلعت لقت ميرنا قاعدة 😀.
ميرنا : بضرب ليك من قبيل ما بتردي لي ؟
فلة :معليش كنت تعبانه شوية
ميرنا : كدي سيبينا من دا اها يومك كان كيف 😉... هزاع عمل شنو ؟
فلة : ولا شي.... باختصار خلاص انتهينا
ميرنا : دقيقة دقيقة ما فاهمة كدي فهميني في شنو ؟
فلة : انفصلنا 💔
ميرنا : فلة كيف يعني الكلام دا 😱
فلة :كدا ؟
ميرنا :والبادر منو ؟
فلة :انا
ميرنا : اخذتي القرار دا وانتي في كامل وعيك ؟ يا بت دا هزاااااع ... نسيتي ؟ انتي معاهو من 7 سنوات
فلة وهي بتقعد بي انهيار وبتبكي : ياخ اي بكامل وعيي وبعدين كفاية تقولو لي معاهو من 7 سنوات 💔.... الكان معاي قبل 7 سنوات واحد تاني والهسه دا واحد تاتي خالص .
ميرنا بتوتر : يا بت اهدي ما تبكي كدا ... اصلا من البداية ما اخترتي حبك صح.
فلة : ومن متين احنا البنختار حبنا ؟؟؟ ما بيدنا .... انسان بيجبرك عليهو قلبك بغض النظر عن كل شي فيهو....وبعدها انت وحظك يا فرحك يا وجعك 💔.... نهائي ما بالاختيار💔.
ميرنا : صح كلامك 😔..... لكن يا فلة انتو بتتشاكلو دايما وبترجعو عادي وين المشكلة ؟
فلة : حصل يوم قلت ليك انتو البينا انتهى ؟
ميرنا : لا
فلة : لانو كنت بمشي وبستحمل وبقول لازم امشي لو انا بحبو لكن المره دي انا جادة 💔.
ميرنا : والله هو الخسران 💔
فلة اكتفت بالسكات ومسح دموعها 💔.
بعد مرور اسبوع :
( اليوم مضت سبعة ايام منذ اخر مرة رأيته فيها....سبعة ايام ولم اسمع صوته الذي اعتدت على سماعه لسبع سنوات.... لم يكن الامر بالسهولة التي توقعتها .... تشهد وسادتي التي ابكي عليها كل يوم في الليل... اصبح لوني شاحب جدا... هالات قاسية تحت عيني... كثيرة السرحان..... تعمدت الابتعاد من صديقاتي حتى افراد اسرتي.... لا اريد اي شيئ ولا اي احد .... اكتفي بسماع الموسيقى الهادئة.... ادمنت القهوة مع انني لم اكن اطيقها..... اصبحت هادئة جدا لدرجة جعلت الجميع ينتبه.... انعدمت شهيتي للطعام..... امضي ساعات طويلة في قراءة محادثاتنا القديمة 💔.... يا ترى هل تشعر بما اشعر به ؟ هل تتألم مثلي.... ام انك بارد كعادتك ؟ ادعي ربي كل يوم في ان يساعدني على نسيانك....ها انا اجلس في مرجيحة في حديقة منزل جدتي .... اتأرجح وانا استمع الى اغنية  Evry time we touch واقاوم دموعي اللعينه التي تصارعني للنزول 💔..... لا اعلم اي ذنب ارتكبته لانال هذا العذاب💔💔💔💔.... فلة).
وطت صوت التلفون شوية لمن سمعت صوت الجرس بيضرب .
ما قامت وبقت بتمرجح نفسها ......
الجرس ضرب تاني .... نادت على اختها الصغيرة ( اللي هي عمرها بقا 15 سنه ) نرجججججس .... تعالي افتحي الباب .
لمن لقت ماف اي اجابة قامت براها وهي بتتأفأف اي شي لازم اعملو انا 😠.
فتحت الباب وفجأة .... بقت بتعاين كدا 😳
بلعت ريقها وهي بتتحسس في الباب بيدها .
ما كانت مصدقة منو واقف قدامها 😱
#مرااااااااااأااااااااااااااااااااااااااااد 😲
دا ☝ كان صوت نرجس المتفاجئة الواققة ورا اختها .
اما فلة لسا شكلها كدا 😳
علا صوت ضحكتو وهو بيقول : مفاجأة صح 😂
( اريتك مفاجئة السرور :) 💜)
اوصفو ليكم بقا عامل كيف ☺.
ولا اقول احسن اخلي اي زول وخيالو 😀
اوصف 😀
ما اوصف 😀
اوصف 😀
ما اوصف😀
اوصف احسن 😂
بسم الله اول شي .... الطول طول لاعبين الباسكيت 😍💔..... جسمو مناسب مع طولو والعضلات بارزة من القميص  الكحلي اللابسو 😍( من بكره اي واحد ينزل جيم لازم لازم 😀💔.. )
شعر اسود فاحم 😍.... و عيون رمادية .... والدقن تقول محدد بي مسطرة ( عيني باردة 😀💔) .
طبعا لمن سافر كان طول فلة او اطول منها بشوية.... هسه هي واقفة وبتعاين ليهو زي الفأرون ☺.... وصوتو خشن 😍😍😍😍💔.
لابس قميص كحلي وبنطلون اسود وشاكي 😍...
ولابس نضارة
( احم تقول الاسطورة 😀.... الاسطورة ما انا 😀.... انو دايما الاولاد البيلبسو نضارات ديل 😍😍😍😍😍😍😍😍😍😍😍😍😍😍😍😍😍😍😍😍.... فتحية لي كل ولد لابس نضارة😍😍😍😍😍😍😍😍....والمابيلبسو نضارات ماف اي تحاية ليكم 😛)
نرجس وهي بتجري عليهو : مراد 😍.
حضنها بشووووووووق وهو بيضحك : والله ماشاء الله العيال كبرت 😂.... مشيت خليتك حاجة كدا صغييييرة 😍.
نرجس : انت برضو كبرت 😍
باس راسها ومسح عليهو وبعدها حول نظرو لي فلة اللسا بتعاين ليهو بي استغراب .....
مراد :ما حتسلمي علي ولا كيف ؟ 😅
فلة : انت ججيت متين ؟ 😳
مراد : هسه 😅.
مدت ليهو يدها وهي بتبتسم بي بطئ : الف حمدلله على السلامه .
مراد : الله يسلمك ياخ 😂
فلة : نورت السودان
مراد : بي نوركم .
نرجس : ادخل ادخل 😍..... حبوبة حتفرح شديد .
( هي حبوبة عايشة لحدي هسه 😀؟ )
عماد جا طالع : منو يا بنات ؟
م مراد 😳؟
مراد : 😅
عماد وهو بيمشي عليهو بشوق : ازيك يا ولدي .
سلم عليهو بشووووووق 💜.... وهو ما مصدق #الصبي اليتيم السافر منهم رجع ليهم تاني وهو #راجل 💜.
عماد : والله نورت المكان .
مراد : بي نوركم والله .
دخلوه جوه..... الجدة ✌.... ماما زينب .... اول ما شافتو وقفت على حيلها .....
جا عليها .... اول شي باس يدينها قبل ما يبوس راسها... ويحضنها عليهو شديييييييييد..... كان ولا زال بيشم فيها ريحة امو ....وبيلاقي فيها حنان امو الفقدو من بدري💔.
ماما زينب : يا حليلك يا ولدي 😭.... سبع سنوات ما بتنزل ساي تقول اشوف امي دي .
مراد : اعفي لي ..... والله كان نفسي لكن كنت مشغول من كل النواحي .
ماما زينب : عافية ليك يا ولد الغالية عافية ليك 😭😭😭😭😭.
المهم بعد سلام طويل جدا وبكاء بسبب الشوق .... مراد طلعو ليهو شنطو وطلع اوضتو الكان قاعد فيها زمان .
كانت معاه فلة واخواتها .
فتح الباب وهو مبتسم بحنين ....
_ الاوضة زي ما ياها .... زي ما خليتها بالضبط .
نرجس : ماما زينب رفضت يغيرو فيها اي شي ... قالت الا ضاحبها يرجع ....
ياسمين : بس كانو بينضفوها وبيشغلو فيها قرآن لكن مانعانا ندخلها حتى 😂.
مراد قعد في السرير وهو بعاين في كل جزء فيها ....
زي الطفل الصغير ......
فلة : اشتقت ليها ؟
مراد وهو بعاين ليها : اكيد...... انا هنا عشت ايام ما بتتنسي سواء سعيدة او حزينه .
فلة : احنا نخليك ترتاح شوية .
ياسمين : اكيد حتكون تعبان شديد.
نرجس : عن اذنك ☺
( الاخوات بيتكلمو بالدور 😀)
المهم طلعو وقفلو الباب وراهم وخلوه براه .
( شعرت برغبة شديدة بالبكاء..... فانا مندهش .... متى ؟ وكيف بهذه السرعة انقضت سبعة سنوات على اخر مرة كنت في هذه الغرفة.... لا ازال اذكر شقاوة اصدقائي بالثانوية عند قدومهم للمذاكرة معي.... كانت ايام اقل ما يقال عنها رائعة.... كنا مجرد صبيان صغار .... نعم نرى اننا كبار وبالغون ولكن اليوم من هم في عمرنا نراهم مجرد اطفال مراهقين.... يا الهي ..... اتمنى ان تعود تلك الايام .... حتى... حتى اختي مارين 💔 تحتل جزءا كبيرا جدا من هذه الايام 💔.... ولكنني الان لست صغيرا.... ولست ابن الثامنة عشر.... ولن يعود اصدقائي كما كانو فقد فرقتنا الدراسة ومشاغل الحياة.... كما لن تعود اختي 💔.... سأكتفي بالذكرى فقط...مراد).
المهم شال هدومو ودخل الحمام اخد ليهو دش كدا سريع ورجع لي سريرو ... ما اخد وقت طويل عشان ينوم ...
صحا من النوم بعد كم ساعة كدا .......
لمن نزل لقاهم عاملين الغداء وبهرججة وموضووووووع.
وعمتو سوزي ( متذكرنها 😂؟) جاتهم وعندها ولد عمرو 5 سنوات ......
كلهم كانو مبسوطييييييييين ويضحكو ويتونسو.... ما عدا 😀...... فلة 💔
كانت بتاكل شوية وتسرح طويل ....
اما مراد كان تركيزو مع فلة ومع سرحانها الطويل بنفس نسبة قضاء ديتول على الجراثيم 😀.
كان عارف شنو الجواها ومضايقها كدا.... وظاهر في وشها .
قامت اول واحدة وهي بتقول بصوت منخفض لكن مسموع : الحمدلله .
سوزي : دا شنو الاكل المشحتف دا يا بت 😳؟
دلال : عليك الله قولي ليها.... عاينيها بقا نحيفة كيف فجأة كدا ابت الاكل دا ما عارفاها مالا .
فلة وهي بتمشي على جهة المغسلة : شبعت ✌.
دلال وهي بتحرك ملعقتها بي طريقة زول متنرفز : لا لا البت دي اصلو ما طبيعية .... اكيد في شي ..... ما بتاكل نهائي .
عماد : مراد ؟
مراد : نعم
عماد : عليك الله يا ولدي  انت زي اخوها.... واعتقد هي صحبتك..... حاول اعرف مالا ؟ بقت انطوائية كدا ما عايزة تقعد مع اي زول.... وشاحبه ومابية الاكل دا خالص...اتكلم معاها واعرف الحاصل شنو وفهمها الحاصل دا ما صح .
مراد : ان شاء الله .
اكل شوية وطلع ليها بره ....
نرجس وهي بتتشابا عايزة تشوفو وهو طالع ليها .
ياسمين وهي بتقرصها في يدها : خلللللي الشمارات 😒.
نرجس : بس كنت عايزة اشوف 😅.
.......................................................
مراد لقاها قاعدة في المرجيحة ...
اتنحنح ( اصدار صوت احم احم من الحلق كدلالة على الاستئذان او التنبيه ☺)
7    وهو بيقول ليها : ممكن اقعد .
رفعت راسها وظهرت ابتسامة شاحبة في وشها :اكيد اتفضل .
قعد وهو منحني لي قدام شوية بي طريقة تخليه قادر يشوفها : كيف الجامعة ؟
فلة : الحمدلله
مراد : تخريجك قرب صح ؟
فلة : اي ... امتحاناتي تخلص وبعدها شوية كدا والتخريج .
مراد : حتبدا متين ؟
فلة : يوم الاحد
مراد : قربتو شديد .
فلة : اي
مراد : اهااااا ودكتورتنا قارية كويس 😉.
فلة : يعني .
مراد : لو علاماتك كلها بين A و B حاجيب ليك هدية حللللوة 😉 ( واحنا مبيتقلناش كدا لي 😀💔؟)
فلة : معناها جهزها من هسه 😂😂😂
مراد سكت وهو بعاين ليها 😍.
اتلفتت عليهو : مالك 😳
مراد : لا بس متستغرب شوية
فلة : من شنو ؟
مراد : معقولة انسانة عندها ضحكة حلوة  زي دي ومخبياها ( معذور ما سمعت ضحكتي 😌💔💔💔💔)
فلة وفي ابتسامة خجولة في وشها : انت شكلو الغربة بقتك حناك .
مراد : لا والله العظيييييم ضحكتك حلوة شديد 💜
فلة : شكرا 😅.
مراد : بعدين ثواني .... احنا ما في الشتاء.... دا شنو الاسود اللابساهو دا ⚫؟
فلة وهي بتعاين ليهو وفي ابتسامة حزينه جدا في وشها: القلبو محروق مفروض يلبس شنو ؟
مراد : قلبك لي اصلا يتحرق ؟ ياخ حماك الله من حرقة القلب ❤.
فلة : انا ما قادرة من دونو 💔
مراد :فلة انا متأكد انك بتحبيهو شديد .... وانا اوعدك اني حرجعكم لي بعض عادي .
فلة : اي بحبو.... بس خخلاص ماعايزاهو .
مراد : انا ما قادر افهمك... طيب لو ما عايزاهو لي زعلانه قدر دا ؟
فلة : لاني بحبو وما قادرة انساهو .... وفي نفس الوقت ماعايزة ارجع ليهو💔... الحكاية بعد دا بقت كرامه .
مراد : والله يا فلة حيرتيني .... لكن.... لكن انا ماعايز اشوفك كدا .... ما اتعودت عليك بالشكل دا .... يعني وين الدكتورة الاحفادية القوية ديك ؟
فلة : كل قوي لازم يمر بفترة ضعف .
مراد : وبعدها ؟
فلة : ........ 
مراد : حيزيد قوة صح ؟
نزلت راسها وغطت بيدينها ...
مراد : فلة ؟
قرب شوية منها ..... بي تردد مد يدو على ضهرها .... كان عايز يربت عليهو عشان يحسسها انو جمبها.... لكن سحب الفكره وفضل يعاين ليها .
بدا يحرك في المرجيحة برجلو وهو بيدندن في غنية ( يا طير يا الماشي لي اهلنا 🎶)
شوية رفعت راسها وهي بتعاين ليهو : اييييييك دي اتذكرتها من وين ؟
مراد : ما نسيتها في يوم ....
فلة بي ضحكة : كنت بغنيها ليك ايام المدرسة لمن تزعل مني 😂.
مراد : وكانت بتغنيها لي امي .... وبرضو كنت انا بغنيها لي مارين .
فلة :الله يرحمها 💔.
مراد : ويرحمنا جميعا .
سكتو الاتنين .....
مراد رجع يدندن في الغنية.... وفلة بقت بتقول معاهو
( كلانا يتألم .... كلانا يتعذب.... تستطيعين اخباري بما يؤلمك.... ولكنني لا استطيع 💔)
.................................................
في مكان تاني :
كان واقف في البلكونه .... حالتو ما احسن منها بس الفرق بيناتهم انو هو بيعرف يكتم جواهو ويمثل انو ما عندو شي لي زول والموضوع ما هاميهو كثير وحيقدر ينساها وهي لا.
كان بعاين للتلفون حقو .... مستني منها مسج ترجع وتقول ليهو انا اسفة ودي مجرد لحظة غضب وانتهت ... زي ما اعتاد كل مرة.... لكن ما حصل .... لا ضربت ولا رسلت..... كان في شي مانعو.... شي هو في نفسو ما قادر يعرفو .
جاهو صوت همام ....
همام : انا جعاااااان 😢
هزاع : يا الله الخلقتتتتت النااااس 😑... يا حبيبنا انت جيت هنا ليك اسبوووووع... اسبوع كامل كل دقيقة بتجيني ناطي وتقول لي جعان.... وريتك المطاعم القريبة من هنا ما عايز تمشي 😑.... وريتك ارقام الديليفري ماعايز تضرب 😑.... قلت لي حاعمل ليك اكل بيت كنت حتحرق المطبخ... ومصر تجيني كلللل شويتين وتقول لي انا جعان .... يا ولد الناس مالك معاي 😑؟
همام : خلاص انتهيت من النشرة دي 😒
هزاع : اها 😒
همام : انا جعان 😢.
هزاع : 😑💔💔💔💔💔💔
همام : جعاااااااان 😢
هزاع : زح زح تلفوني بيضرب .
همام : منو منو ؟
هزاع : الرقم غريب .
فتح التلفون.... وهمام بقا مركز معاهو عايز يعرف دا منو ؟
هزاع : وعليكم السلام ....... لا معليش ما عرفتك والله ..... صوتك ما غريب علي لكن ما عرفتك برضو.......منو ؟ 😳.
همام : منو 😯
هزاع : ياخ والله ما جاااااااادي جيت متين ياخ ؟
همام : هو منو ؟ 😯
هزاع : الف حمدلله على السلامة والله البلد نوووورت
همام :عك النبي منو 😯
هزاع : دا مراد ياخ
همام :احللللللف 😍 جا ؟
هزاع : هاك ليهو لو ما مصدق .
همام شال التلفون وفضل يتكلم مع مراد لي مدة طويييييلة ويسلم .... المهم اتفقو على انهم يتلاقو وكدا ( الخميس ✌).
🌸🌸🌸🌸🌸🌸🌸🌸🌸🌸🌸🌸🌸🌸
ما هي الا ساعات .... والشلة القديمة مجتمعة 😍
هزاع وهمام ومراد وكروزو وبودشي ( عبدالله الصغيرون داك 😂 ).
انس سفروه ماليزيا ..... وايهم داك هاجر على كندا❄❄❄.
طبعا مراد عرفنا شكلو وكروزو برضو.... اما عبد الله داك بعد ما كان كلبوظ الشلة والبيبي حقهم 😂.
بقا طول كروزو 😍...... والصوت والعضلات وحاجة كدا واو 😍🌚.
نكمل في الفصل الجاي 😉
#نهاية_الفصل_الثالث