ثانوية المراهقين ٢

٧

كروزو وهو بيبلع ريقو : تستاهلي كل خير .
ليم : شكرا .
لملمت باقي حاجاتها واتوجهت على الباب .
كروزو : ليم اعفي لي وم تزعلي مني واعرفي انو انا م وقفت ضدك لكن باختصار صوتك العالي بس هو الخلاني اتكلمت معاك بي طريقة م عجبتك وانا اسف عليها .... وبتمنى تعيدي التفكير في موضوع الاستقالة دا .
ليم : ان شاء الله
وطلعت وخلتو م قادر يقيف ع حيلو .... قعد في كرسيه بعدم تصديق .... خبر خطوبتها جاهو زي خبر الموت .... في اللحظات دي اتأكد تماما من انو بيحبها وبيعشقها كمان .
طلع من شغلو طوالي ومشا على شقة التوأم..... همام نايم وهزاع صاحي ( ومن هنا نعرف انو السناجل ديل اكثر ناس مرتاحين 🤣) .
هزاع بي استغراب : كروزو 😲.... غريبة جاي في وقت زي دا .
كروزو : بس زهجان شوية قلت اجيكم .
قلع جكت البدلة ورماه وقعد.... خلف رجلو ومدد يدينو في ضهر الكنبه ...
هزاع : اعمل ليك معاي نسكافيه ؟
كروزو : ياريت وكثر لي النسكافيه .... عايزو مرررر شديد
هزاع 😯: طيب
مشا عملو وجا .... لقاهو بيدخن .
هزاع : يا ولد مالك في شنو ؟
كروزو وهو بيطفي السيجارة وبيولع في واحدة تانيه : لا ماف شي .
هزاع : متأكد ؟
كروزو وهو بيشرب من النسكافيه ☕ : هزاع لو اكتشفت انك بتحب واحدة شديد وفي وقت متأخر وهي اتخطبت حتعمل شنو ؟
هزاع : فهمني اكثر .
كروزو : يعني البتحبها تتخطف منك .... وتكتشف انك بتحبها بعد فوات الاوان .
هزاع هز راسو لمن اتخيل انو فلة اتخطبت ... رفع حاجبو وهو بيفكر : ارجع الاوان تاني .... مستحيل اخليها لي زول غيري .... مستحيل مستحيل .... ولا حفكر في الموضوع اصلا .
كروزو قلع الكرفته 👔.... وحكا لي هزاع كل الحكاية .
هزاع : انا لو مكانك حقطع لي خالد دا صباعو واختو ليهو في خشمو وارمي الدبلة 🙂.... وين كروزو الحقير التافه داك ؟ اسمعني لو م حاربت عشان حبك ما تزعل لمن زول تاني بحتلاهو .... بالذات لو الواحدة كانت بالجد بتستاهل يحاربو عشانها .
كروزو وهو بيقيف : عاين مع السلامه لازم اتصرف .
هزاع : اعمل حسابك .
كروزو : ان شاء الله .
اول م طلع كدا هزار ضربت ليه ... رد عليها ببرود ... هاجت فيه واصرت انها تقابلو ... وصفت ليه مكان يتقابلو فيه .
المهم مشت ليها بسرعة .
كانت مززززززة 🤤 😍..... لابسة فستان اوف شولدر و اطراف شعرها ويف .
كروزو : مالك ؟
_ انت قلت لي حضرب ليك وم ضربت لي وليك كم يوم مختفي مالك قلقتني عليك .
_ والله انا الايام دي الفيني مكفيني
_ خير ؟
_ كدي انسينا من دا انتي عايزة شنو ؟
سكتت مسافة قبل م تقول : كنت عايزة اقترح عليك نتزوج .
_ شنو ؟!😨
_ نتزوج وتسافر معاي .... محمد انا بالجد بحبك .
ظهرت ابتسامة ذهول في وشو : انتي جادة في كلامك دا ؟
خللت شعرها بيدها : اي 😕
_ هزار انتي شكلك لسا عايشة على وهم الثانوي
_ م وهم يا محمد لكن كل الحكاية انا بحبك وعايزة اعيش معاك بالحلال .
_ يا هزار .... انتي كنتي ولا زلتي مجررررد صديقة بالنسبة لي ومستحيل نظرتي تتغير ليك في يوم والله .... وبعدين ياخ انا م كروزو الزمان احنا زي م قلت ليك بنكبر وبنتغير عليك الله اعقلي .... اعفي لي م نفسي اجرحك لكن الفي بالك م حيتم .... انا بحب ليم والله وهي الانسانه الوحيده المستعد اعمل اي شي عشانها حتى لو كان بضرني انا ( احنا لينا النار 🔥 والزيت الحار 🙂)
هزار : انت واعي لنفسك ؟ ليم دي فيها شنو احسن مني ؟ هاه ؟ الفيها شنو وما فيني انا ... كان على جمال انا اجمل منها الف مره .
_ الحكاية ما حكاية جمال .... ولو ع الجمال هي نظري اجمل بنت في الدنيا كلها .... وبعدين حتلقي البحبك والعايزك في يوم لكن دا م انا .
وقف على حيلو وهو بعاين ليها : اعفي لي
جرا بطرف يدو فستانها الكاشف من جهة الاكتاف .... غطا كتافينها : مع السلامه يا هزار وبتمنى ليك كل التوفيق في حياتك .
ومشا ب سرعة وخلاها مصدومه وبتقاوم في دموعها.
اتحرك بسرعة ع بيت ليم ولي حسن حظو لقاها نازلة .
وقف قدامها وقال ليها بلهجة آمره ومخيفة : اديني مفتاح عربيتك وتلفونك🙂
ليم : لي 🙄
محمد بي وش خالي من التعابير : من دون اسألة ...
ادتهم ليهو بدون تردد وهي بتعاين ليه بي استغراب .
شالهم منها وفتح ليها باب عربيتو : اركبي
ليم : لي 🙄💔
محمد : اااررركككبببييي 🙂
ركبت وهو قفل الباب .... ضربت خدودها بكفينها 😂.... واول م هو ركب رجعت عادي .
امن الابواب واتحرك .
محمد : اضربي ليهو
_ منو ؟
_ خالد 😏
_ عايز منو شنو ؟
_ وانتي مالك ؟ كلام رجال
_ لا ما حضرب ليه
_ حتضربي ليه ولا في كلام
_ في كلام
اتحرك بي سررررررعة رهيبة .
ليم وهي بتبلع ريقها : ف فاكر انك حتخوفني يعني .
فك الدركسون وهو بعاين ليها : في زول قال كدا لا سمح الله ؟
كانت بتعاين لي يدينو البيطق فيها والدركسون الفاكي والسرعة الرهيبة الماشي بيها .
_ عاين نزلني
_ لو م ضربتي ليه م حتنزلي
_ بيزعل
_ خايفة عليه يعني
_ اي ياخ خايفة عليه نزلني
_ لو م ضربتي ليه م حتنزلي م حكرر كلامي دا تاني .
_ عايز منو شنو ؟
ما رد عليها وبقا بيتخطى في العربات بطريقة جنونيه .
ببعت ريقها وهي بتتكلم : نزلني ياخ ... لو عايز تموت دي مشكلتك ... انا وراي راجل وعرس .
ما رد عليها برضو كان بيصفر كانو ماف شي .
ليم : بتكلم معاك يا حيوان .... خالد لو عرفك حيقتلك .
قبل عليها وفي ابتسامه مريبة في وشو : قولي اسمو تاني
ليم : خالد ؟
فجأة من دون مقدمات لقت سرعتو زادت اكثر ودخل بيها في الشارع العكس ... يعني هو بقا عكس العربات .
صرخت بصوت عالي 😂
_ يا حيوااااااااااان حنموت 😭
_ اضربي ليه عايز اتكلم معاه
_ عايز منو شنو ؟ حندخل في الشاحنه خلي بااااااااااالك 😭
_ حوريه اني بحبك وانك حقتي انا بس .... ومستحيل تكوني لي غيري فاهمه ؟ انا وبس .
طارت فوق وضربتو بقوة في كتفو : وانت كنت وين يا حيوان .... لمن بتطلع مع الزفتة ديك وبتقيف معاها .... جات قالت لي انك انت بتحبها وانا ابعد من طريقكم استفزتني ولمن رديت عليها بقت بتتبكى وانت وقفت معاها 😡
محمد : انا م كنت عارف ياخ .... بعدين انا بس نهرتك عشان صوتك عالي ولو كنت عارفها قالت ليك كدا كان اديتها كف .
_ يا راااااجل وبالنسبة للحضن الكنت حاضنو ليها شفتك يا قذر يا وصخ .
_  والله العظييييييم هي براها عملت كدا وانا اصلا زحيتها مني ... انتي م فاهمة .
لفا في اول دخلة ورجع لي شارعو الرئيسي بعد م جهجه الناس في الشارع داك .
_ اقيف انا نازلة
_ لا م حتنزلي لازم اتكلم معاه .
_ ياخ ابيت
_ معناها ارجع للشارع داك ونموت الاتنين .... تموتي يا كلبه ولا يعرسك واحد غيري .
صرخت بغيظ : بكذب علييييك .... اصلا ولا خطبوني ولا شي وم بعرف واحد بالاسم دا .... كنت عايزة اعمل موضوع وخلاص .
_ دقيقة دقيقو يعني ماف خالد ولا  خطوبة ولا شي .
_ لا 😑
_ لي عذبتيني لكن ؟
_ تستاهل ع اساس م عذبتني معاك يعني 😡
_ والله حرام عليك 💔
_ تحرم عيشتك ياخ
رجع راسو لي ورا :  ليم .... انا جادي .... انتي عارفة انا كنت حموت لمن قلتي لي اتخطبتي ؟ والله لو كان الموضوع دا صح وكمل وعرستي كنت مت ....
ليم : ............
هز راسو وهو بعاين ليها : بس المهم هسه انو دا كذب ويا حيوانه م حخليك تاني تضيعي من يدي .... ٥ يوم بس وحعرسك .
_ انت اهبل صح ؟
_ حكون اهبل لو م عملت كدا .
_ ٥ ايام لي عرس مستحيله
_ عايزة تقول لي ٣ شهور وهبل وبرنامج طويل .... لا عندك ٥ ايام بس 🙂..... ودقيقة انتي بتحبيني صح ؟
ليم : اي😍 قصدي لا 😡... لا احب ليك شنو كمان 😒💔
_ م مشكلة بكره اعرسك وتحبيني ☺
_ لكن
_ هش هش ولا كلمه ولاااا كلمه مفهوم ؟ خلاص انتهينا .... ٥ ايام وخلاص .
ليم بقت بتعاين ليه باستغراب قبل ما تضحك بصوت عالي 😂😂😂😂😂😂😂😂.
ابتسم مع ضحكتها : اول مره انتبه لي جمال ضحكتك وانها بترد الروح 😍 ( بيتقال ليكم كلام كدا ؟ ولا انتو من فئتي 🙂؟)

كروزو بي سرعة رهيبة اقنع اهلو واهل ليم ووافقو ليهم .... وانتشر خبر زواجو والناس كلها حتى اصحابو اتفاجأوا بيه شديييييد .... م كانو قادرين يصدقو انو هو جادي في الموضوع كدا .
المهم بعد كم يوم كدا فلة خلصت امتحانات .... وابوها وراها بي انو هزاع طلب يدها .... وكان ردها صادم جدا جدا جدا .... رفضتو للاسف الشديد ..... هزاع جن جنونو ومراد حاول يهديه بس من دون فايدة .... ضرب ليها كثييييييييير وبتقفل في وشو .... ورسل ليها بس برضو بتشوف الرسايل وم بترد .
يوم عرس كروزو كان اخر يوم لي هزاع في السودان .
عرس كان حلوووو ولامي ناس كثار معظم اصحاب الثانوي اتلاقو فيه الا الما موجودين في البلد .... هزاع جا وهو لابس بدلة سوداء.... كان حاجة كدا من المووووت 😍😍😍😍😍..... لكن ظاهر الحزن والوجع في وشو .
وفلة م كانت احسن منو .... كانت لابسة فستان اسود وقاعدة على بعد خطوات منو 💔..... م كان قادر يصدق نهائي انو هي رفضتو وانو ما عايزاه .... م قادر يصدق انو حبيبتو ع بعد خطوات بس منو وم قادر يصلها .
هججو ورقصو في العرس واتصورو وهزاع كان بيحاول يبتسم كانو ماف شي ... مراد كان حاني عليه شديد ونفسو يرجعهم هو وفلة بس شكلو ماف طريقة 💔.
قبل م الحفلة تخلص بي شوية هزاع ودع اصحابو واخوه وناسو وطلع ع المطار وم عارف انو فلة  كانت بتسترق النظرات ليهو وهو طالع .
بعد م خلص العرس بي كل حاجاتو .... كروزو الجميل 😭😭😭😭😭 وليم اتوجهوا ع المطار .
همام : م وريتنا مسافرين وين ؟
كروزو : ماشين الواق واق 😎
همام : ونعم الاختيار والله مكان جميل ورائع وهادي وينفع لي شهر العسل  😀.... استمتع بوقتك .
كروزو وهو بيعانقو وبيضحك :  م توصي حريص 😌😂.
المهم .... مراد ساق فلة ورجعو بيت حبوبتهم في الطريق سالها : فلة ؟ انتي متأكدة من قرار رفضك لي هزاع ؟
فلة : اي
مراد : هو بيحبك لكن .... وعرف غلطتو واعتذر اكثر من مره وجا لحد عندك وطلب يدك لي كدا ؟ وانا عارف انك بتحبيه .
فلة : م عندي ليه شي تاني .
مراد : متأكدة يا فلة ؟
_ اي وياريت لو سمحت م تجيب لي سيرتو تاني 😪💔
هز راسو باستسلام ....
نزلو الاتنين بي سكات
#نكمل_في_الفصل_الجاي 😉
#نهاية_الفصل_السابع