ثانوية المراهقين ٢

٦

قبل ما نمشي بعيد :
عروة وصمصم العسول داك فاكرنهم 😂.... الشباب كبرو واتزوجو ...... والاتنين هسه شغالين في قطر .... وبي عيالهم .... عروة اتزوج يمنى بنت جيرانهم الزمان ديك 😍.... وصمصم عقل جدا لكن احيانا بيقوم على جنو داك لمن يكون مع اصحابو .
المهم 😃..... نمشي لي فلة .
شوفتها لي هزاع كانت سبب قوي لي فتح جرحها تاني 💔..
كانت بتتناسى فيه بالعافية .... وبقدر الامكان ... وبتحاول تتسدى لي كرامتها وعزتها .... ولي كل لحظة جرت وراهو فيها وادتو فرصة وهو ما كان بيستحقها .
______________________________________
الساعة ٧ :
الشباب اتلاقو ( التوأم ... مراد ... عبدالله .... كروزو ) .
مشو محل كدا بتاع شيشة🙊... قعدو لوقت طويل وهم بيضحكو وبيتونسو وبيتذكرو في حاجات كثيرة .
واكثر واحد كان بيضحك وبيضحكهم هو هزاع .... كانو ما كان ماري بي مشاكل .... ونرجع ونقول اكثر ناس بيضحكو وبيضحكونا معاهم جواهم بيكونو حاجة عكس الهم مبينها😔
هزاع : تتذكر يا كروزو كنت معفن كيف .
عبدالله : متنمر 😂.
كروزو : ما تذكروني ياخ 😂.
همام وهو بينفخ في الدخان : تتذكرو لمن اضاربنا في الساحة الخلفية حقت المدرسة ؟
هزاع : كييييف دا يوم يتنسي ياخ 😂.... دق نضيف .... اضربنا ضرب لكن .... الحيوان ضربني في بطني عايز يقتلني😂😭
كروزو : مع البلاك شيرتز صح😎
مراد : كان يوم ياخ عجيب .
همام : بالذات البنات لمن اتلمو زدنا زيادة بس مصارعة😍
كروزو : عاملين شفوت وكدا😎
عبدالله : والله يا محمد كنت حقار عديييييل .
كؤوزو : الله يغفر لي ياخ 😂..... ماضي مؤلم .
مراد : ندمان ؟
كروزو : شديد ياخ م عارف كنت كدا لي .
هزاع : كلنا نادمانين كنا مراهقين بس .
احم احم 😎.... اسمحولي اتكلم ... الكلام لينا كلنا كشفع لسا م اتجاوزنا ال ١٨ سنه 😂.... بالذات الاولاد ... شفتو الشفتنه والحركات البنعمل فيها هسه دي بكره كلها بتبقى لينا بمبية وحنندم عليها لمن نكبر 😂.... حنقول دييييم ياخ معقولة كنا وهميين كدا 😂.... حتكبرو وتشوفو 😎.
كروزو : لكن بغض النظر عن اي شي كانت ايام حلوة والله .
مراد : اكيد .... حلوة شديد يعني مرات بتمنى ترجع لينا تاني .
هزاع : بالجد 💔
عبدالله : متذكرين مهاب ؟
مراد : اجمل شخصية لاقتني .
كروزو : الزول دا ادبنا اددددب في الدنيا دي .... بالذات اخر ايام خلانا نمشي زي الصوت .
همام : يا حليلو ياخ .
عبدالله : كان حربي عديل 😂.... الوحيد القدر علينا .
هزاع : والوحيد القدر يحلق لينا شعورنا 😂.
همام : يا ربي بنقدر نلم فيه تاني ؟
عبدالله : اكيد .... غايتو هو مسك المدرسة خكاية سنتين تاني وبعدها خلاها .... وكمان قالو اتزوج  ريم .
كروزو : خلاص اسكت والله ابكي ليكم هنا 😩.
هزاع : عشان الذكريات ؟
كروزو : لا عشان دكتورة ريم كانت مزه قاطعة والله 😭
علت صوت ضحكاتهم على كروزو 😂😂😂.... فضلو سوا لوقت طويل قبل ما يرجعو علي بيوتهم .
________________________________
مرت حكاية ٤ ايام والحال على بعضو من كل النواحي .
٤ ايام وهزار كل يوم مع كروزو .... بتجيهو في الشغل وبيطلعو دايما ..... وليم ساكته وبتقاوم في الشعور الجواها.... وعتابها لكروزو جا على هيئة هدوء شديد ما بيشبها
...................
كروزو كان في مكتبو طلع بي سرعة لمن سمع صوت ليم العالي وهو بتصرخ .
فتح الباب ولقاها بتتشاكل مع هزار .... هزار كانت بتعاين ليها بي خلعة وفي دموع في عيونها ..... اما  ليم بتصرخ بصوت عالي : انتي اتعديتي حدودك وانا شايفة احسن تحترمي نفسك .
كروزو بخلعة :  في شنو يا جماعة ؟
هزار وهي بتمسح دموعها وبصوت مبحوح : دي الاشكال الموظفها معاك صح ؟
ليم : ياااااا سلاااااام والله ؟ انتي هبلة ولا شنو ؟
كروزو بنهره : ليم دا شنو .... احترمي المكان الانتي فيهو وم تعلي صوتك كدا .
هزار طلعت من المكان بي سرعة .... كروزو عاين لي ليم بي غيظ ولحق هزار .
ليم بقت فاتحة عيونها بوسعها وبتحاول تستوعب في انو كروزو نهرها عشان هزار .... حتى قبل ما يفهم الحاصل شنو .
يلا شنو يا جماعة في المشاكل ابعدو من الصوت العالي عشان حتى لو مغلوط عليكم حتطلعو انتو الغلط 😀.
شوية كدا كروزو جا ومعاهو هزار ودخل مكتبو .... اخد وقت قبل ما يطلع معاها .
ليم كانت ساكته بس وم قالت اي شي .... كل العملتو ختت طلب استقالة في مكتب كروزو وطلعت من المبنى كلو ومشت بيتها .
كروزو كان مع ليم في عربيتو .... وصلها شقتها .
كروزو : ما تزعلي يا هزار .... هي م كدا والله.... ولا دا طبعها بس حتكون اتعصبت .
هزار : بعد دا كلو بتدافع ليها ؟
كروزو : انا م بدافع ليها .... بس قلت ليك الحقيقة .
هزار : طيب .... تمام .
ونزلت من العربية ..... مشت بي سرعة على ناحية الممر البدخل لي جوه .... كروزو حصلها : يا هزار .... استني ياخ ..
هزار : استنى لي ؟ انت شايفها م غلطانه بعد كل الردح والكلام الفارغ القالتو لي دا .
كروزو : انا م غلطتك ابدا .... وم برئتها .... بس وريتك انو دا م طبعها والله .... اصلا هي م من النوعية البتصرخ كدا وتعلي صوتها ع الناس مهما حصل .... بعدين زي م انا سمعت منك مفروض اسمع منها برضو.
هزار : طيب نهرتها لي ؟
كروزو : لانو م صح تصرخ في مكان الشغل مهما كان .
ليم قررت بدل تمشي بيتها .... تجي لي صحبتها ساكنه في نفس المكان النازلة فيهو هزار 😒....
وصلت ووقفت عربيتها ونزلت .
هزار : بس وخلاص ؟ وتسمع كلامها معناها م مصدقني .
كروزو : يا هزار انتي م تحاولي باي طريقة انو تطلعيني انو واقف معاها . انا م قلت ما مصدقك لكن قلت ليك انو زي م سمعتك مفروض اسمعها عشان اعرف الغلطانه منو .... وبعدين ليم مستحيل تهيج كدا ساي .
سكتو لي مسافة ..... هزار كانت بتعاين لي كروزو .
قربت منو ومشت يدها في دقنو : كروزو .... انا بحبك
حاول يستوعب الهي بتقول فيه .
هزار : من زمن كنا في الثانوي ولحدي هسه ما قادرة انساك .
كروزو وهو بيزح : دا شنو البتقولي فيه دا .... الكلام في الثانوي دا صفحة وانطوت وكبرنا واتغيرنا .
ختت يدينها في خصرو وراسها في صدرو : دا بالنسبة ليك انت .
ليم في اللحظات دي كانت فاتحة خشمها بي ذهول من الشايفاه .... هزار كانت مدياها ضهرها ..... كان شايفة كروزو وهو مدنقر راسو وبعاين للضب الملصقة فيه دي ....
اتراجعت بي سرعة .... وقفت جمب الباب وهي بتشيل في انفاسها قبل ما تجري بي سرعة ناحية عربيتها .
كروزو بعد هزار منو : هزار اوعي لي نفسك .
هزار : اكذب عليك يعني ؟
كروزو : اطلعي فوق وارتاحي وبضرب ليك بعدين .
هزار وهي بتبكي: محمد عليك الله
كروزو : ممكن لو سمحتي تسمعي كلامي ؟
عاينت ليه لي مسافة طويلة .... قبل ما تهز راسها وتطلع .
اما هو هزا راسو وهو متابعها بي نظراتو .... بعدها طلع ورجع ع مكتبو .... كان مفتكر انو حيلاقي ليم هناك .
لمن دخل مكتبو اتفاجأ بي ورقة طلب الاستقالة من ليم .
كرفس الورقة ورماها .... وضرب لي ليم ..... كان تلفونها مغلق .... قعد في الكرسي وهو م عارف المشاكل فجأة جاتو من وين .
كمل دوامو .... وكان تفكيرو منحصر فيها.
رجع بيتهم .... كان بيضرب ليها كثير والتلفون لسا مغلق .
ضرب لي امها وسالها منها ..... الام استغربت وورتو انها لسا ما جات ..... والقلق ملاها .
كروزو : م تخافي يا خالتي بتكون قريبة وبعدين ليم م النوع البيتخاف عليه .... طمنها بكلامو.... وبقا بفكر هي حتكون وين هسه.... خاف يكون حاصل عليها شي .
هدومو م غيرها وطلع يفتش عليها وم وقف اتصالات عليها .... لفا الخرطوم شارع شارع .... زقاق زقاق .... زنقة زنقة  كل المطاعم البتمشيها والمحلات الاتوقع تكون فيها 😀.... وم لقاها وتلفونا لسا مقفول ... شوية كدا امها ضربت ليه ..... قلب بقا بيعمل كدا دقدقدقدقدقددقدقدقدقدقدق .... كان خايف تقول ليه حصل ليها شي او لقيناها ميته او حاجة 😂.
اول ما رد طمنتو انها جات وتلفونها قاطع شخن .... وكانت مع صحبتها .
حاول يصدق الكلام ورجع بيتو .... دخل الواتسب رسل ليها : ليم انا بقول عليك عاقلة اثبتي لي الليلة انك مخك مخ اطفال .... اول شي كيف تطلبي استقالة مني ؟ وعشان شنو ..... كان زعلانه مني وريني لكن ما تستقيلي .... بعدين من متين تلفونك بقطع شحن ؟ قفلتيه صح ؟؟؟ شوفي ضارب ليك كم مره .... قلقتيني شديد .... عليك الله اول ما تشوفي رسالتي دي ردي علي ضروري لازم اتكلم معاك .... وبكره تجي دوامك عادي ... مفهوم ؟ رجع بيتو واخد دش .... كان تعبان شديد رقد في سريرو ونام .... لمن صحا الساعة كانت ٩ م .... فتح الواتسب .... لقاها لا دخلت لا قرت كلامو  .... اتغاظ شديد واستغفر ربنا وضرب ليها لحدي م الخط يقطع وما بترد عليه .
خجل يضرب لي امها ويسأل منها .... م عرف يتصرف كيف .... الحاجة الطمنتو انو حاجاتها لسا في المكتب واكيد حتجي تشيلها .

هزار ضربت ليه .... م كان عندو اي مزاج ليها .... م رد ... كان تفكيرو كلو مع ليم .
الساعات مرت كانها سنوات ... وجا الصباح جهز نفسو للشغل .... وقبل ما يطلع ابوه ضرب ليه .... وسالو من اخبار الشغل ماشا كيف وسالو من ليم ... كانت اجابتو انو اي شي كويس وماشي بخير .
طلع على شغلو .... لمن وصل م لقاها .... عادة بتجي قباله .... خلا باب مكتبو فاتح عشان لو جات يشوفها ☹.... هزار كانت بتضرب ليه كثير وهو ابا يرد عديييييل .
اليوم عدا وكان كعب شديد بالنسبة ليه .... وليم م ظهرت وماف اي خبر ليها .
هو طلع من الشغل ارتاح شوية في البيت وبعدها طلع على الجيم ..... ارهق نفسو شديد في التمرينات .... رجع ضرب ليها تاني لمن م ردت قرر يسأل منها .... ضرب لي امها ..... سال منها ... طمنتو انها كويسة .
حسا بشوق وغيظ شديدين ليها .
اليوم التاني جا الشغل .... وهو اخلاقو في مناخيرو .
اول ما فتح الباب لقاها بتلم في حاجاتها .
_ ليم ؟
قبلت عليهو ورجعت تاني تلم حاجاتها .
جا عليها وهو ماسك اعصابو : ممكن تشرحي لي العملتيهو دا شنو ؟
ليم : عملت شنو ؟
كروزو بصوت معصب: بضرب ليك دشلمية مره ما بتردي .... ومقدمه استقالة وما بتردي على رسايلي لي دا كلو ؟
ليم : انا ماف اي لازمه لي هنا
_ كيف يعني ؟
_ كدا ... زي م سمعت .... لانك م كلفت نفسك تعرف القصة اليوم داك وعليت صوتك علي ومشيت مع حبيبتك .
_ حبيبتي شنو انتي مجنونه ؟ دي صحبة قديمه بس لا اكثر ولا اقل .... و انا م وققت معاها .... بس انتي صوتك كان عالي شديد .... وانا زي ما سمعت منها .... كنت عايزة اسمع منك .... والدراما العملتيها دي ماف داعي ليها .واستقالتك مرفوضة
_ ما على كيفك يلا .... وم عايزاك تسمع مني اي شي .... انا عارفة نفسي م غلطانه م بهمني رايك .
كروزو ابتسم : انا م اتوقعت في يوم اسمعك ببتكلمي معاي بي اسلوب زي دا ابدا .
ليم وهي بترفع يدها الشمال عشان يشوف الدبلة الفي يدها : بغض النظر عن اي شي ..... انا انخطبت .... حبيت اوريك والشغل وقفتو م عايزاه .
كروزو بقا زي الكاشحين فيه مويه : ش.... شنو ؟ اتخطبتي ؟ وانا اخر من يعلم ؟
_ جات بي سرعة وكدا .
كروزو وهو بيعض شفتو السفلية بغيظ : اه ... طيب كويس .... واها اسمو منو وشغال وساكن وين ؟
_ اسمو خالد .... ساكن وشغال في السعودية
_ اها طيب كويس .... مبروك .... وغريبة يعني م حصل حكيتي لي بيه .
_ اقضوا حوائجكم بالكتمان 🙂.
_ تمام يا زولة ربنا يكمل ليكم بالخير ...
_ امين .
_ وهو زول كويس وكدا ؟
_ جدا جدا ماشاء الله عليهو خلقة واخلاق
كروزو وهو بيبلع ريقو : تستاهلي كل خير .
ليم : شكرا .
لملمت باقي حاجاتها واتوجهت على الباب .
كروزو : ليم اعفي لي وم تزعلي مني واعرفي انو انا م وقفت ضدك لكن باختصار صوتك العالي بس هو الخلاني اتكلمت معاك بي طريقة م عجبتك وانا اسف عليها .... وبتمنى تعيدي التفكير في موضوع الاستقالة دا .
ليم : ان شاء الله
وطلعت وخلتو م قادر يقيف ع حيلو .... قعد في كرسيه بعدم تصديق .... خبر خطوبتها جاهو زي خبر الموت .... في اللحظات دي اتأكد تماما من انو بيحبها وبيعشقها كمان .
نتابع في الفصل الجاي 😉
#نهاية_الفصل_السادس