Diaries: A Mayur ff

2nd March Mayank

Bilkul stupid hai Nupur. Bacchon jaisa behavior bhi aur dimag bhi. Party me ayi hai but logon ka koi andaza nahi. Waise jaha kuch gadbad ho na waha Nupur zarur dikhti hai. Bilkul pagal hai. Magar kuch innocent bhi hai. Uski harkaton pe gussa bhi aur kabhi kabhi hasi bhi ati hai. Party me drink ke kisse ke baad use conveyance nahi mil rahi thi. Kisi ki help mangne ke jagah woh raste me na jaane kisse muh phula kar khadi thi.

"Nupur everything alright?"

Maine usse jakar pucha.

"Haan."

Usne kuch gusse me kaha.Before I could respond woh phir khud baat karne lagi

"Nahi. Woh mere driver ka call nahi lag raha tha pehle aur jab laga toh woh kehne laga ki use ane mein dair hojayegi kyun ki tyre puncture hogaya hai. Ab ghar kaise jaungi?"

"Aise muh phula kar khade rehne se toh nahi jaogi."

"Kya matlab?"

"koi matlab nahi hai chalo main bhi nikal raha hoon tumhe drop kar dunga."

Usne mujhe kuch suspicious sa look dia.

"Rannvijay jaise logo ka yakeen kar leti ho par ek genuine help par suspicious horahi ho.Ladkiyaan!"

"Suspicious nahi ho rahi hoon. Soch rahi hoon ki tum har bar mere rescue me kyu ajate ho?Kahi meri saari musibaton ka karan tum hi to nahi ho?"

Usne kuch serious hokar kaha.

"ek kaam karo tum yehi raho.Main jata hoon apne ghar."

"Acha sorry."

Woh haste huye mere peeche ane lagi.

Gaadi mein baith kar usne toh is tarah behave kiya ki jaise maine nahi usne mujhe apni gaadi me lift di ho. Saare apne pasand ke gaane bajaye aur zor se gaane bhi lagi. Pohnch kar usne andar ane ka offer dia aur apne mom dad se milaane par insist karne lagi. Par main koi awkward situation mein nahi padhna chahta tha isliye maine usse keh dia ki mujhe late horaha hai. Bohot pagal hai Nupur. I hope todhi si sensible hojaye.