Mr. Kupido's Girlfriend

Ikapitong kabanata: Ang karahasan, kamatayan at ang makakatuluyan

Kumuha ng summer class ang mga magkakaibigan sa Master Chef’s School Of Culinary. Isang tatlong palapag ang paaralan na makikita sa kalagitnaan ng Makati. Doon makikita ang maraming estudyante na nakaputi gayon din naman ang kanilang mga instructor na sa hindi inaasahan ay instructor din si Ms. Berta adviser ng magbabarkada sa LUV-high na ginagawa nyang part time job kapag summer ang pagtuturo sa Culinary School. Sa unang palapag ay makikita ang mga silid na kung saan ay nagaganap ang mga lecture tungkol sa pagluluto habang sa pangalawang palapag ay kakikitaan ng maraming rekado, mga kutsilyo at iba pang mga gamit panluto dahil dito makikita ang napakalawak na kusina para sa mga practical lecture ng klase. Sa pangatlong palapag naman ay ang palapag para sa lecture sa paggawa ng tinapay na kakikitaan ng ibat ibang mga gamit at mga iba’t ibang klase ng gawang mga tinapay. Pati sina Stephanie ay nag-enrol doon nang malaman nilang magsusumer class doon si Maxx. Gayon din si Lucy na bagamat walang alam kung ano ang pinapasukan ay nag-enroll din upang bantayan at paibigin narin ang katawang tao ni Maxx.May mga pagkakataon na sina Maxx at Lucy ang nagkakasama sa pagluluto na agad namang kinakaselos ng malditang si Nicole. Gayon din ang panggagalaiti sa galit nina Lucy at Stephanie kapag magkasama sina Maxx at Nicole sa pagluluto na pati rin ang kakabata ni Nicole na si Miguel ay hindi rin maitago ang kanyang pagseselos.

Isang araw habang masayang nagluluto ang buong klase ng kanikanilang bersyon ng adobo ay sya namang pagpasok ng bandidong grupo ng New World Army mga bandidong kilalang kilala sa kamaynilaan bilang mga magnanakaw ng mga bangko at mga paaralan. Mga armado sila ng malalakas at malalaking mga baril, nakasuot ng maitim na jacket at natatkpan ang kanilang mga mukha ng mga bonet. Lahat ay nagulantang at natakot sa kanilang pagpasok, ang ibang mga estudyante ay nagtago sa ilalim ng mga lamesa  habang ang iba ay nagawang makatakbo sa mga fire exit na agad namang hinarangan ng isa sa mga bandido ng mapansin na nagsisilabasan ang mga estudyante dito. Ang mga dalagang sina Nicole, Stephanie at Lucy ay naisantabi ang mga pagseselos sa isa’t isa  at agad na nag-akapan sa sobrang takot. Maging si Tiffany ay napayakap kay Ms. Berta at napaihi pa ito sa kanyang salawal sa sobrang takot. Habang ang dalawang magigiting na binata ay kalmadong nagmamasid at nag-aantay ng tamang pagkakataon upang umatake sa mga bandido. Nabalot ang buong silid ng takot ng mga estudyante at karahasan sa pagkuha ng mga bandido sa mga pera, alahas at mga cellphone ng mga biktima ng mga ito. Nang mga ilang sandali ay nakakita ng pagkakataon sina Maxx at Miguel na umatake gamit gamit ang mga kutsilyo na kanilang gamit sa pagluluto. Naghiyawan ang mga estudyante ng makitang malapit ng manalo ang mga binata sa pakikipagbuno sa mga bandido at nagawa pa nina Nicole, Lucy at Stephanie ang magpayabangan sa pag chichear sa mga ito. Makalaunan ay nanaig ang lakas at tapang ng mga binata at nasugatan nila at natalo ang mga bandido na sya namang pagdating ng mga pulis na tinawagan ni Ms. Berta ng mga sandaling nagbubuno ang mga ito. Maging ang mga taga medya ay nagsulputan parang mga kabute na pumalibot sa buong lugar at agad agad na tinanong ng mga ito sina Maxx pagkalabas nila mula sa gusali.

“Sir, Sir! Ano po ang masasabi nyo sa mga nangyari, madami bang mga nasaktan sainyo ng mga bandido?” usisa ng isang taga medya habang tinututok nito ang micropono kay Maxx.

“Ok naman ang karamihan po saamin, yung iba naiwan pa sa loob at dipa makagalaw sa sobrang takot, yung mga bandido ay nagawa naming matalo at maigapos ni Miguel, hinuli narin sila ng mga pulis”. Tugon ni Maxx habang namimilipit na hawak hawak ang tyan na nasipa ng bandido.

“Ah sir! Sir! Pahuling tanong nalang po anong masasabi nyo sa krimen na naganap bakit kaya dumadami ang mga bandido, maging ang karahasan ay kabibilang nangyayari na animoy parang wala ng pagmamahal sa puso mga tao.” Pahuling tanong ng isang taga medya na nakikipagsiksikan sa kapwa reporter para makunan ng pahayag ang grupo nila Maxx.