😊قال لي طيب الله يسعدكك ياخ بقدر م فرحتيني بالخبر دة،قفلته منو ،هو بالفعل كان قرار صعب وقتها انا عمري كان 23سنه،وهمام تقريبا 35 فرق العمر وطريقه التفكير ونمط حياتو وحياتي كلها كانت بتختلف والأهم من كدة المسؤليه الكانت حتكون في راسي كانت صعبه شديد،صحيت الصباح لقيت امي بتعمل في الشاي،قولته ليها امي؟قالت لي اي ي بت،قولته ليها انا موافقته على الراجل دة،قالت لي ي بت انتي جادة؟قولته ليها اااي موافقه والله ي أمي زي م قولتو انتو راجل زي دة م بتعوض ولا شنوو؟قامت تزغرد بصوتها الطويل،فجأة خالتو فاطمه ام سلمى رفعت راسها قالت ليها سوسن خيير انشاءالله ؟قالت ليها شهد بتي جاها عريس ووافقت عليهو ي فاطمه😻خالتو فاطمه زاتها بقت تزغرد معاها قالت ليها مبرووووووك عليها انشاءالله سعد البنات كلهن ي يمهه دقيقه النجيك بغادي،سلمى رفعت راسها قالت ليهم الزغاريد شنو ي جماعه؟امي قالت ليها صحبتك اتخطبت يختي،سلمى قالت ليها صحبتي منوو😳خالتو فاطمه قالت ليها شهد ي بت،قالت لي شهد اتخطبتي؟كدة دقيقه جات ناطه بالحيطه قالت لي الخطبك منو ي بت؟ومتين ،وليه م كلمتيني انا كنت وين؟ وهو منو زاتو؟😳قولته ليها والله كل حاجه حصلت بسرعهه انا زاتي م فاهمه حاجه😂💔😥لبعتني في ضهري طاااخ قالت لي تعرفي السرقه ونط الحيطه ي وسخه كدة تعالي دخلتني الغرفه وبقت تسأل فيني قالت لي اها الحصل شنو احكي لي وجبتي العريس دة من وين ي السجم؟قعدته أحكي ليها بالتفاصيل،قالت لي يعني هو اكبر منك بي 12سنه😳قولته ليها ااااااي،قالت لي شهد انتي جادة موافقه؟دة زول عندو اولاد ؟قولته ليها ويعني شنو م عندي مشكله انا😻😘❤قالت لي عاد ياما نعيش وياما نشووف،جات شموخ داخله قالت لي وافقتي😻حيييييينا ياااخ انا زاتي والله لو لقيت عمو زي دة عايزاهو😻😂💔سلمى قالت ليها دقيقه انتو عيله مجنونه على فكرة 😳😂شموخ قالت ليها ي بت انتي كان شفتيهو عمو يفتح النفسسس م بتقولي عندو اربعه اطفال😥💔😂امي فجاة نشرت الخبر في البلد والبلدين عاد م خلت زول م كلمتو،جات خالتي إبتسام قعدت تتونس وتسأل في امي ساااي شويه كدة عندي خالاتي إتنين جو مع بعض،قعدته أعمل ليهم في الجبنه خالتو إبتسام قالت ليها بري ي سوسن ي أختي والله لو دايرة تضيعي مستقبل بتك عرسي ليها راجل مرة والله بكرة يرجعوها ليك مجنونه اسأليني انا دي وكمان عندو عيال يعلم الله يعذبوها ليك عذاب الله أكبر ،امي قالت ليها لكن هو مطلق قالو،خالتي إكرام قالت ليها كان مطلق عشرة راجل المرة دة لا بنضمن لا شي البت صغيرة تتشلهت سااي تعرسو ليها راجل اكبر منها ليييه من عدم الشباب يعني؟م تستعجلو ليها قسمتها بتجيها ،خالتو إبتسام قالت ليها وبعدين هو زاتو شكلو داير واحدة تشتغل ليهو خدامه تحت رجلين عيالو لو م كدة م كان عرسها ولا شي أكيد م من عدم النسوان حواليهو شاف المسكينه العويرة المبهدله دي قال أعرسها ويجدعها وم بجيب خبرها تاني يسافر يلف الدنيا دي كلها وبجي راجع ويعلقها في حبلو مالها ومال الشقى في أرض الله الواسعه دي الرجال كملو يعني؟وبعدين ولا قال شهد ياها البت العندها مقومااات للدرجه التخليهو يختارها احسبوها بالعقل معقوله يكون شايف البنات ديل كلهن يخليهن ويختارها هي ؟شموخ جات داخله قالت ليها اسمعي هنا ي خالتو إبتسام البت كان قسمتها جات كان بتشبه القرد بتعرس وبعدين شهد دي عيبها شنو كدة وريني الحمدلله لا ناقصه رجل لا ناقصه يد وكان العرس بالشكل والسماحه في بنات مكملات الجمال بس لحدي الأن قاعدات في بيوت ابهاتهم ،خالتو إبتسام قالت ليها م قولته كدة انا،قالت ليها قولتي ي خالتي كلامك دة واااضح وشهد كان ساكته ليك سكاتها دة إحتراما ليك بس وكان جينا للعرس حبوبه زاتها جدي عرسها بعد تلاته نسوان واسي لغايه الأن عايشه معاهو وماسكها زي العجب وين العيب في الموضوع؟طبعا كلهم سكتو وبقو يعاينو ليها،امي شموووخ!!!شموخ قالت ليهم اااهم شي راي شهد مش هي موافقه خلاص معناها الموضوع انتهى وبسسس يلااا،،،بعد يومين أهل همام جو علشان يخطبو وكدة،،جاب لي دبله وحباسه وسلسل وساعه،وتلفوون ،دة غيييير الحجات التانيه الجابوها في الخطوبه ،طبعا الناس والحله كلها بقت تسألني جبتيهو من وين الزول دة😂💔،بعد م الخطوبه خلصت سلمى راقدة جنبي في السرير وبتجرب في الحجات قالت لي شهد إنتي شلبتيهو من مرتو كيف😥قولته ليها ي بت شلب شنو حاشا لله لا شلبتو لا شي 😳💔قالت لي عااد لكن كان الشلب طبي كدة نشلب سااي حرام علينا وبعدين طالما هو مطلق معناها حقنا كلها😥💔شويه كدة جات ماريا وتسنيم ويزغردن ،ماريا قالت لي عاااد ي شهد كان انتي عرستي تاني ماف واحدة فينا بتبور 😻😂👋تسنيم قالت ليها ضمنا مستقبلنا غايتو 😂شهد قبل يومين مش كنتي بتحومي في الشارع رجلينك غبشششه وشعرك طاااير😂😂💔سلمى قالت ليهم اسكتن خلاص م تزكروها الماضي الأليم😂😂😂😂😂💔قولته ليهم وسخااااااااااااااات اطردكم؟😒😂💔ماريا قالت لي نحن م جاينك،نحن جاين نشوف العريس قالو يسووو كدي😂👋قولته ليهم الحمدلله فات زاتو ههههههههههههه😂👊💔حسب كلام همام كان عايز العرس يتم سريع لأنو إجازتو قربت تخلص وعايز يسااافر و.....المهم خلال تلاته اسااابيع حبسوني و جهزو الشيله والحجات المهم كل حاجه حصلت سرييع ،يوم العرس الصباح إتصل علي همام،قال لي عايز أتكلم معاك وين إنتي؟قولته ليهو طالعين على الكوفير،قال لي طيب لازم اشوفك تمام؟قولته ليهو طيب تمام،،،،قولته لي سلمى عايني قبل م نمشي الكوفير انا ماشه أشوف همام تمام؟قالت لي اشييي كلها كم ساعه وتمشي معاهو مستعجلين مالكم😂😒قولته ليها بطلي سخافه 😒💔قالت لي طيب،بعد م طلعنا إتصلته عليهو قولته ليهو نتلاقى في المكان الفلاني تمام؟قال لي طيب انا زاتي اسي في أمدرمان جاي عليك ،لما وصل نزل سلم على سلمى ورجع العربيه قولته ليها دقايق وبجيك خليك في الرقشه تمام؟ركبته العربيه قولته ليهو خييير؟قال لي شهد انا حأسألك للمرة الأخيرة إنتي موافقه بجد؟شايفه نفسك حتقدري تستحملي حياة زي دي؟قولته ليهو انت لما إتقدمته لي كنت مقتنع؟قال لي ايوة مقتنع،قولته ليهو بس تصرفاتك بتقول غير كدة؟قال طيب جاوبيني بصراحه انتي بتجيك مكالمات من ارقام غريبه صح؟سكتته،قال لي جاوبي الكلام دة حاصل صح؟قاعدين يهددوك وينبذوك صح؟قولته ليهو وانت عرفته من وين؟قال لي م مهم عرفته من وين المهم الكلام دة حاصل طيب م خايفه على نفسك؟قولته ليهو البهدد بنفز وبجي بقيف قدام الزول وبوريهو وشو ،م بتصل بي ارقام غريبه وبعد م يخلص يقفل الشريحه وانا م خايفه أبدا😊قال لي طيب خلي انا أوصلكم الكوفير،قولته ليهو ماف داعي ماشين بي ركشه،قال لي لا نزل من العربيه إتكلم مع سلمى بعدها جات ركبت العربيه،شغاله تلوي لي في خشمها سااي لغايه م وصلنا الكوفير نزلنا ومشى،سلمى بقت تقول لي شفتي الجلابيه؟الجلابيه شفتيها وووووب علي انا اتدردقته خلاص ي يمه خلقه واخلاق😥💔بعد صلاة الجمعه إتصل علي تاتي مكالمه وانا عرفتو عايز يقول شنو اول م رديت قبل م يتكلم هو قولته ليهو انا موافقه أعقد 😊قال لي طيب❤طبعا الحفلات عملناها حقت حنه بس يوم العرس م كان في حفله ولا شي لأنو همام م كان عامل حفله والكلام دة ،المساء جا ساقني وصلني بيتنا جرتقونا وقرو لينا يس ،وانا من ساعه العقد بببكي ،مؤتمن وهيثم مسكوني وبقو يبكو كأنهم أطفال ولا أبووي ولا حاله امي ،وشموخ كانت كل م تحاول تمسك واحد فيهم وتقول ليهو م تبكى تلقائيا دموعها بتجي جاريه،كانت أصعب اللحظات في حياتي انا زاتي م كنت عارفه روحي ببكي على شنو وعلى شنو بالظبط،بعدها طلعنا ،همام كان معاه امو واخوانو وتقريبا إتنين كدة تقريبا أعمامو حاجه بالشكل دة،المهم بعد البكى والهيصه دي كلها طلعنا،صراحه م حسيت اني خايفه الا بعد م ركبته معاهو في العربيه وإتحركنا بديت اسأل نفسي ي ربي العملتو دة صح؟معقوله ي شهد حتقدري تستحملي وتعافري المعافرة دي كلها؟عقلي بدأ يودي ويجيب حسيت بالخوف صراحه وخوفته شديد كمان ،ونحن اساسا ساكتين ماف زول فينا عايز يتكلم مع التاني،لغاااية م وصلنا البيت ،نزلنا بقيت أتلفت يمين وشمال منتظره عربات أهلو الورانا يجو طبعا😂💔قال لي يلا ندخل،قولته ليهو والباقي وين😥قال لي ناس امي في البيت واخواني كل واحد مشى بيتو واعمامي نفس الشي فضلنا نحن حندخل ولا حنفضل واقفين كدة؟قولته ليهو طيب ،عايزين ندخل كدة جاتو مكالمه ردة ،بعد م فصل قال لي تعالي نرجع الحاجه دي قالت نجي نتعشى عندهم في البيت هناك،طبعا استغربته معقوله في عروس بعزموها عشاء يوم عرسها؟قولته يمكن دي عادات وتقاليد عندهم يلا ،مشينا ،بيتهم ماشاءالله كان كبييير شدييد لمن يخلع ، اول م دخلنا لاقتنا واحدة في باب المدخل وبقت تزغرررد ،سمحه سماحه فاكه ليك الشعر دة وااخر ليك فستان فظييعه بجد ومعاها كم واحدة كدة بدقو في الدلوكه وبغنو ،طبعا همام شكلو إتغير 360درجه ،دخلونا غرفه الضيافه قعدنا جات المرة الإستقبلتنا في الباب قالت ليهو م خليتني حننتك لكن بجرتقكك حتى لو جرتقوك ربطت ليهو الهلال في راسو وبقت تعمل ليهو الضريرة في راسو وتزغرد ،والله المرة فيها سماحه تقطع القلب😻❤امو جات داخله قال ليها امي نحن نمشي،المرة قالت ليهو تمشو وين كان م إتعشيتو ؟من الصباح بنعمل ليكم في العشاء الا تقعدو تتعشو عايز تنوم لينا عروستنا السمحه بدون عشاء يعني ولا شنوو؟ ،سكت وبقى يعاين ليها سااي،شويه كدة جهزو العشاء وقالو لينا تعالو،مشينا قعدنا بعد م خلصنا هو طلع قدامي لما جيت أودع أهلو قال لي بي نهرة م تطلعينا سريييع إنتي كمان😡طبعا كلهم بقو مخلوعين من اسلوبو،المرة الجرتقتو ضحكت وقالت ليهو براحه عليها م كدة ي همام م تزعلها من اول يوم،وانا والله زعلته زعل الزعل عايز يموتني،انا ممكن استحمل ابوي او واحد من اخواني يهرشني وعادي ممكن اضحك بعد م يهرشوني بس زول غيرهم ببكي على طوول،وبالفعل بعد م ركبته العربيه دموعي جات جاريه عشرة عشرة،ياخ انا امي لما تهرشني ببكي خلي زول غريب وم بعرفو، هو كان غضبااان شديد وسايق بأقصى سرعتو عرفتو م سااي ،وصلنا البيت من الزعل والغضب م شايفه قدامي،فتح البيت لقيناهو مضلم اول م فتح الأنوار لقينا ليك البيت مزيين من الباب ،هو بقى يتلفت يمين وشمال،وانا زاتي بقيت واقفه وبتلفت معقوله هوو العامل دة كلوو😕طلع تلفونو وضرب تلفون وقال :امي انتي الجافتح البيت منوو؟طيب طيب تمام،وقفل الخط،قال لي تعالي شال لي شنطتي وطلع فوق وانا طالعه في السلم سمعته جدعة الشنطه طاااخ وصلته الغرفه لقيتها ملانه ورووود وبوالين وشموووع والسرير مالنو ورود ،طبعا انا من الخلعه بقيت اعاين ليهو كدة😳وهو شدة م غضبان لمن لون عيونو إتغيرت دخل الحمام قعد مسااافه استحمه وجا طالع ،قال لي إذا عايزة ادخلي إستحمي،طبعا مترددة قولته ليهو طيب،فتحته الشنطه شلته لي حاجه زاتها م معروفه كلها شبابيك وأبواب حسب كلام سلمى وشموخ وماريا وتسنيم قالو لي أللبسي دة شلتها ودخلته بيها الحمام استحميت ولبستها والله انا زاتي خجلته من نفسي وانا لابسه كدة خلي لمن اطلع بيها كدة😳لقيت بشكير قدامي طوالي جريتو ختيتو في كتفي وطلعته ،اول م طلعته جدع التلفون في السرير بزهج كدة،إتلفت لقاني واقفه بقى يعاين لي من فوق لي تحت وانا بقيت أصلح البشكيير ووووب عاد دي حاله دي ومن جوة بقول لنفسي ماريا وسلمى خليهم يصبرو لي التافهات😭😡💔،جا قرب مني وانا بقيت اعاين ليهو من فوق لتحت وخاايفه يعلم الله لمن عيوني حوصت،مسكني قال لي إنتي زعلانه مني عشان جوطته فيك قدام أهلي؟قولته ليهو لالا م زعلانه ولا شي،بقى يقرب مني شويه شويه خته يدو في خدي و عايز يبوسني ولا هو تقريبا عملها عديييل 😭على طوول لزيتو وزحيت منو قولته ليهو عايز تثبت ليها إنو هي م فارقه معاك صح؟؟؟
يتبع......
