كنتي وين لما الولد دة وقع؟😡طبعا انا مستغربه من ردة فعلو قولته ليهو كيف يعني كنت وين انا والله سمعته صوت كبايه إتكسرت بس وطلعته لقيت ميدو واقع في الأرض وشلتو وديتو المستشفى،قال لي طيب ليه م إتصلتي علي وكلمتيني؟وليه م إتصلتي على زول من ناس البيت عشان يجي يوديكم ؟وليييه طردتي لميس ولزيتيها من العربيه لمن رميتيها وم خليتيها تمشي معاك؟؟هدفك شنو من القصه دي كلها؟قولته ليهو لميس قالت ليك انو انا لزيتها ورميتها من العربيه؟؟انا شهد دي؟على العموم الولد كان تعبان انا م فكرته في شي اللحظه ديك حتى تلفوني نسيتو في البيت والله وم حافظه رقم اي زول من اهلك علشان أتصل عليهو حتى القروش إتضطريت أتصل على عمتو بدريه عشان تجيب لي قروش في المستشفى دة كلو كان هدفي وبدل م تكون انصرافي وتتحقق معاي كان تطمن على صحه ولدك اوول ودي الحقيقه تصدق او لا انت حر مع نفسك وطقق قفلته الخط في وشو،،بعد م قفلته منو قعدته أبكي بكى في اللحظه ديك حسيت انو انا غلطتهه غلطه عمري في العرس دة،شويه كدة جات ماما فايزة عايزة تشيل التلفون قالت لي ي بتي قلب الأم دة اصلا كدة وانتي غلطتي لما م كلمتي زول نحن اسي لينا يومين قاعدين منتظرين وم عارفين ليكم إتجاه،طبعا عاينته ليها وسكته لأني عارفه لو إتكلمته لساااني حيفلت في الكلام وم حيسكت،،،صحيت نص الليل عايزة أشرب مويه سمعته لجين بتبكي ،قولته ي ربي معقوله أمها م سامعاها بتبكي؟رجعته رقدته شويه كدة سامعاها بتبكي زيادة،مشيت فتحته غرفتها لقيتها واقعه من السرير شلتها نزلته بيها شربتها مويه وفضلته مسااهرة بيها في غرفتي لحدي م نامت رقدتها جنبي ونمتهه ،الشي العرفتو انو امهم رجعت بيتها ،الصباح صحيت الساعه 6صباحا ،مشيت صحيت ميدو قولته ليهو اصحى المدرسه،قال لي انا عيان م ماشي ،قولته ليهو لا انت بقيت كويس ولازم تمشي المدرسه يلا اصحى،قال لي ياخ م ماشي م ماشي إنتي م أمي ولا بعرفك اتخارجي من هنا يلاا،طبعا غلبني الأعملو طلعته مشيت لي لميس صحيتها قولته ليها قومي المدرسه،رفعت راسها عاينت لي ورجعت ورقدت،تاني صحيتها قولته ليها المدرسه م سامعاني انتي؟قالت لي امشي او لا انتي مالك انتي؟مصلحتك الأساسيه ورا اهتمامك بي كانت انو انتي تلفتي نظر بابا وبالفعل دة الحصل وإتزوجك تاني عايزة مني شنوووو اطلعي من الدوور الإنتي متغمصاهو دة بالله واقفلي وراك الباب،طبعا إتغظظظته غيييظ طلعته مشيت غرفتي وفضلته سرحاااانه وأهز في رجلي وم بقدر أتصل على أبوهم وأكلمو لأنو الوضع حيزداد سؤ وحيكرهوني زيادة ،حوالي الساعه 8ونص دخلته المطبخ اصلا كان نضيف بس محتاج شويه ترتيب رتبتو شويه كدة جات لميس داخله كانت بتتكلم بالتلفون وبتقول:ي ستي انا زاتي كسرته الحنك ،اااي بسس المرة الفاتت لو م ود الكنزي كنا روحنا فيها ههههه ،اول م شافتني قالت :اوكي برچع ليك بعدين ماشي يلا Cuبيبي،فتحت التلاجه شالت ليها بيض بقت تكسر فيهو وترمي القشرة في الأرض ،قولته ليها لميس م دي السله جنبك،شالت ليها بيضه م مكسورة ورمتها في الأرض قالت لي اووووووبس سيريسلي في سله؟م شايفاها وين مكانها ؟وبعدين حتى لو في سله يمكن مزاجي م فيهو فكرة انو انا ارمي القشر في السله علشان كدة م مشكله ي بيبي دامك نضيفه ومضايقه كدة خليني انا اوسخ وانتي نضفييي الموضوو Sooo إيزي ، على بال م تطلع صحن البيض وسخت المكان كلو بالملح والزيت وانا والله م فضل لي إلا أكشطها كفين جني وجن الحقارة وقلهه الأدب بس قولته لي نفسي إتمالكي أعصابك ي شهد😩قاعدة في الهوول جا ميدو نازل وبتكلم بالتلفون وبقول:عمتي شهد قالت لي م تمشي المدرسه عشان انت الليله عيان،اااي هاك ليها ،طبعا انا بعاين فيهو مخلوعه ،اداني التلفون قولته للمتصل الوو؟ماما فايزة قالت لي العيال ديل الليله مالك م قولتي ليهم أمشو المدرسه؟قولته ليها والله ميدو دة عيان ،قاطعتني قالت لي اسمعي ي بت هيي م عندنا حاجه اسمها عيان الود دة ياهو كوويس وادويتو اخدها المدرسه دي م على كيفك وكيفهم كويس؟وبعدين كان ميدو عيان البت الكبيرة مالها مكسرة؟انتي قاعدة في البيت بلهاء ؟إتخيلو المرة دي بتتكلم معي كييف مع اني م حصل مرة اتشبكته معاها ولا إتكلمته معاها فارغ،قولته ليها انشاءالله من بكرة بصحيهم،قالت لي تصحي من الساعه 5ونص تعملي ليهم الشاي ولو ملابسهم م مكويه اكويها ليهم ،وقبل م يجو راجعين جهزي ليهم أكلهم ،وبالليل غسلي ليهم ملابس المدرسه وعشيهم وزاكري ليهم بعداك كان عندك نوم نومي حاجه اسمها نوم بالنهار مافي فهمتي؟قولته ليها حاضر😊قفلت مني ،شووويه كدة تلفوني ضرب عاينته ليهو لقيتو همام ،اول م فتحته الخط قال لي الشفع ديل الليله م مشو المدرسه؟قولته ليهو لا😊قال لي ليييه م مشوو؟قولته ليهو والله لميس دي قالت م ماشه وميد..قاطعني قال لي ياااخي دي شنو التبريرات الهايفه دي؟انا م مخليك من الشفع ديل علشان تاكلي وتشربي وترقدي تنومي تمام؟ولا عرستك عشان كل شويه يجيني تلفون ويقولو لي حاصل كذا وكذا انا عرستك عشان اخد راحتي،وأركز في شغلي م اتوقعتك تكوني عديمه مسؤليه كدة معقوله ياااخ،،،طبعا انا في نص دة كلوو بقيت احاول أبرد اعصابي علشان أقدر أستحمل سكته م رديت عليهو طلعته مشيت المطبخ عملته ليهم أصناف كتيرة بتاعه أكل ودخلتها التلاجه ،المساء شايفه لميس لبست عبايتها وطلعت ،لحقتها جنب الباب شايفاها ركبت عربيه ،العربيه شكلها كانت منتظراها قدام الباب ،قولته لنفسي ي ربي أعمل شنوو؟أتصل على أبوها اكلمو ولا أسكت لأنو الزمن متأخر اسي الساعه 7البت دي ماشه وين بالليل دة؟مشيت لبسته لي عبايه وطلعته واقفه في الشارع،طلعو بنات من البيت المقاصدنا بقو يعاينو لي ويتهامسو ،لما شافوني بعاين ليهم جو سلمو علي ،قالو لي انتي العروس؟قولته ليهم ايوة☺واحدة منهم قالت لي حلاتك ماشاءالله اسمك منو ؟قولته ليها شهد،قالت لي إتشرفنا ي شهودة انا هديل ي ستي ودي اختي هيفاء ودة بيتنا😻❤قولته ليهم عظيم الشرف والله ماشاءالله عليكم،قالو لي الله م ضراك حبيبه تسلمي زي م قولنا ليك دة بيتنا اطلعي علينا وزورينا وكمان نحن انشاءالله حنجيك،قولته ليهم إنشاءالله والله ❤وانا والله ولا مركزة معاهم همي كلوو كان في البت مشت وين،وقفته مسااافه لما م جات مشيت على إتجاه الظلط قولته يمكن اللقاها في الشارع ،وانا فضلته واقفه للساعه 11لما م جات رجعته البيت إتزكرته مواعيد دواء ميدو،وانا راجعه على البيت شايفه في عربيه واقفه قدام البيت ولميس نزلت منها استعجلته علشان اشوف الفيها منو بس م قدرته لأنو الدنيا ضلام ،لميس أول م شافتني داخله وراها استعجلت دخلت غرفتها،لحقتها وفتحته الباب قولته ليها كنتي وين ودة منو بتاع العربيه النزلك دة؟قالت لي اي بتاع عربيه؟قولته ليها م تتغابي انا شوفتك بعيوني،قالت لي شوفتي شنوو تقدري تثبتي؟قولته ليها طيب دقيقه مكالمه واحدة لي ابوك وحيحسم الفارغه دي مشيت غرفتي شلته تلفوني عايزة أتصل على امام رقمو م دخل معاي،تاتي حاولته برضو م دخل معاي،شويه كدة أسمع ليك بتبكي وبتقول:ي بابا انا لو م كلمتها معليش بس انا استأذنتها قولته ليها ماشه المكتبه ازاكر فيها شويه كدة وبعدين عندي حجات عند ماما ماشه اجيبهم واجي وبالفعل دة الحصل وماما وصلتني لغااايه باب بيتنا وهي شافت العربيه وبقت تشاكل فيني قالت لي ي بتاعه العربات انا سفاهتك دي م بتنفع معاي لو عايزة توقفي عربات وقفيها بعيد من هنا في زول عاقل بقول كلام زي دة؟يااخي هي بدل م تركز معاي خليها تركز مع لجين ،لجين دي فاطمه الشغاله لو م حممتها ونضفتها وأكلتها هي م بتشتغل بيها،وبعدين أسألها قول ليها كنتي جايه من وين نص الليل دة لأنو انا ماما لما وصلتني هي كانت جايه من مكان بس جايه من وين علمي علمك 💔فتحته الباب وانا مصدوومه فيها وفي كذبها دة ،عاينت لي وابتسمت ابتسامه خبيثه وقالت ليهو هاك إتكلم معاها،قولته ليها انتي م قصرتي وكلمتيهو بالحاصل كلوو ماف داعي أتكلم معاهو انا طيب خلي تلفونك معاك😊 ورجعته غرفتي لجين كانت نايمه غطيتها كويس وقعدته محموقه😪شلته تلفوني فتحته الواتساب لقيت من همام مكالمات ورسايل،الرسايل كانت بتقول:إذا انتي م قادرة تتحملي الوضع وم قادرة تتحملي مسؤليتهم صارحيني بالواضح كدة بس م تخلقي ليك مشاكل من ماف وتأولي كلام من عندك عليهم وانا خبرتك من البدايه عيالي خطين حمرر ،،رجعته إتصلته عليهو ،اول م فتح الخط قولته ليهو بس سؤال انا فرضته عليك نفسي؟قال لي عايزة تبرري موقفك؟قولته ليهو موقف شنو الأبررو ليك؟انا م غلطته في شي بس واااضح انو انت راجل اضانك خفيفه وبتسمع البتقال ليك ودة السبب المخلي كل حياتك عبارة عن مشاكل معقدة،قال لي م تخليك انصرافيه،قولته ليهو والله انت الإنصرافي م انا ،قال لي انا قاعد معاكم؟م من يوم سافرته كل يوم عندكم مشكله جديدة ،قولته ليهو قصدك المشاكل البخلقوها اولادكك من ماف صح؟قال لي خليك من مشاكل الأولاد اسي انا من سافرته خليتي الأولادديل يمشو لحبوبتهم؟ولا انتي مشيتي سلمتي عليهم؟قولته ليهو م مجبورة والله وبعدين انت من م مشيت م تميت لي اسبوع بالتمام ،،قال لي عايني انا اولادي ديل معودهم يمشو لحبوبتهم كل خميس وجمعه لو م عارفه اسي عرفتي اوكييهه؟وبعدين قالو المطبخ فاضي والتلاجه فاضيه المانعك شنو م تمشي السوق تجيبي إحتياجاتكم وتطبخي ؟البطاقه دي انا م خاتيها ليك عشان تعايني ليها زي المرايه او تصرفيها على حجات هايفه فهمتي؟عشان كدة يوم الخميس لما تمشو ناس امي ادي البطاقه لي أمي وهي حتجيب ليكم مصاريفكم بالإسبوع، طبعا هو كان بلمح لي حاجه وفاكرني م حافهم،قولته ليهو دقيقه انت فاكر انو انا قروشك دي محتاجاها؟وقاعدة أصرفها على نفسي؟ولا قاعدة أستفيد منها في شي؟سكت م ردة،قولته ليهو شوووف حاجه واحدة عايزاك تفهمها م انا البحوج نفسي لي زول اذا كنت انت او غيرك تمام؟وبطاقتك البتحاسبني بيها دي بكرة بسلمها لي ماما فايزة م أنا البتزل بي بطاقه حتى لو كنت خاتي فيها مال قارون م بتهمني ولا بتفرق معي في شي والقال ليك انو المطبخ م فيهو مواد والتلاجه فاضيه وانو انا م قاعدة اطبخ دة عليك الله بكرة اقطع ليك تزكرة انزل السودان وامشي امسكو من يدو وجيبو معاك البيت علشان يشووف المطبخ دة فاضي كيف،قال لي انا م قصدي كدة انتي فهمتي غلط،قولته ليهو لا م فهمته غلط بس انت واهلك وملتك كلها تفكيركم محدود م تملوني فقرر بالله وقفلته الخط في وشو،تاني النوم غلبني،حوالي الساعه 12شلته لجين علشان أرقدها قي غرفتها بس حسيت بي حركه غريبه في غرفه خالد،دخلته لجين غرفتها وجيت طالعه ماشه على غرفتي تاني رجعته مشيت على غرفه خالد وفتحته الباب ،اول م فتحتو اتخلعته ورجعته ورا خطوتين و قولته ليهو خالد ؟؟😳😱😱😱😱....
يتبع.....
