،بقى يقرب مني شويه شويه عايز يبوسني ولا هو تقريبا عملها عدييل على طوول لزيتو وزحيت منو قولته ليهو عايز تثبت ليها إنو هي م فارقه معاك صح؟؟؟ قال لي نعم؟قولته ليهو واااضح انت بتحاول تعمل شنو ،المرة الإستقبلتنا في بيتكم دي كانت مرتك صح؟سكت وبقى يعاين لي،قولته ليهو تصرفاتك ونظراتك ليها بتثبت الحاجه دي،وانت اسي عايز تعمل معي كدة علشان هي استفزتك وهي العامله ليك البيت دة كلوو كدة وانت عايز تثبت ليها العكس،بس انت محتاج تثبت الحاجه دي لنفسك أول فهمتني؟مسكني قال لي أبدا ي شهد انا عايز أعمل كدة لأنو انتي مرتي ودي حقوقك الشرعيه علي ،لزيتو قولته ليهو والحقوق الشرعيه دي انا م عايزاها كدة تمام الله يخليك خليك بعيد مني اصلا نحن م فاهمين بعض كيف حنعمل كدة؟يعني الزواج حدو السرير بس؟اهااا ولا انت خايف لو م عملته معي كدة م أخلي بالي من عيالك لا م تخاف انا م حألخبط الكيمان تمام 😊؟قام طلع من الغرفه وخلاني،مشيت طلعته الحاجه الكنت لابساها ديك ولبسته لي جلباب ورقدته في السرير وإتغطيت،اصلا كنت نعسااانه نمتتته ،والله نمته نوومهه مخشلعه كل شويه أصحى مخلوعه وارجع انوم تاني😂😂😂صحيت الصباح لقيتو مافي ،قولته لنفسي عاد دة امس خلاني انوم في البيت الكبيير دة برااي؟😱طلعته من الغرفه سمعته صوووت وتبعته اضاني مشيت وصلته غرفه كدة فتحته الباب لقيت همام مشغل اله الرياضه البمشو فيها ديك ،ومركب سماعاتو ،شافني وقف الأله طلع سماعتو قال لي صباح الخير،قولته ليهو صباح النور ورجعته غرفتي وقفلتها ،زمن الفطور طبعا هو الجهز الفطور ودق لي الباب قال لي تعالي الفطور،والزمن داك الساعه ي دوبها 8 نزلته لقيتو مرتب الصفرة دي بطريقه فظيعه والشاي مع الفطور طبعا والله نضيف نضافه ومرتب الصفرة دي بطريقه المرة م بتقدر ترتبها😕،نزلته قعدته هو بدا ياكل وانا غالبني أمد يدي وجعاانه جووع م عادي،وكل م يعاين لي بتزكر عملتو الأمس طوالي بخت يدي في خشمي وبنزل راسي ،فجاة قام على حيلو قال لي انا شبعته بالهنا عليك،ومشى شكلو جاهو احساس انو انا م قادرة اكل معاهو😁،بعد م مشى قولته بالهنا شنوو؟انا ي دووب حأبدأ اكل زي الخلق ،أكلته تماام ولميت الصحانه وديتهم المطبخ غسلتهم ورجعته غرفتي وفضلنا على الروتين دة لمدة إسبووع ملل وزهج وعدم موضوع ،في يوم طلع من الصباح جا راجع المساء فجأة اسمع ليك أصوات في البيت جيت طالعه من الغرفه سامعاه بقول:لجين حبيبي أعملي حسابك م تقعي براحه نزلته تحت اتلاقيت مع لميس في السلم عاينت لي من فووق لي تحت وطلعت مشت وكأنها م شايفاني،مشيت قولته ليهو مساء الخيير،قال لي مساء السرور لجين تعالي سلمي على عمتو يلا ،بقت واقفه وبتعاين لي ،كان معاها اخوها صغير كدة همام قال ليهو ميدو سلم على عمتو شهد انت واختك ،ضحك وقال ليهو دي العرستها في أمي😂؟ولا سمحه زاتها تشبه القرد والله ماما اسمح منها يلاا وجرى على السلم،وااااي طبعا انا في اللحظه دي اتمنيت راسي يتكسر 😭😥💔،قال لي م تشتغلي بيهو دة كلام شفع سااي،قولته ليهو لالا عاادي قولته ليها لجين ازيوو عايزة اشيلها مسكت في ابوها شدييد على طوول اتراجعته عااد جننس الإحراج دة انا م بقدر عليهو يعلم الله😭💔قال لي إتعشيتي؟قولته ليهو م عايزة عشاء لكن لو انت عايز ممكن أجهز ليكم ،قال لي لا نحن اتعشينا بره م عايزين،قولته ليهو طيب،قال ليها لجين يلا حبيبي النوم وجب ،ارح أغير ليك ملابسك دي عشان تنومي ساقها وطلع بيها فوق،دخلته المطبخ علشان اشيل مويه فجأة اشوف ليك ولد كبير جاي داخل المطبخ بقيت اعاين ليهو مستغربه ي ربي دة منوو؟فتح التلاجه شال ليهو مويه وانا واقفه بعاين ليهو ولا سلم لي حتى وعلى طوول طلع مشى طلعته وراهو همام جا نازل قال ليهو خالد جيت؟قال ليهو ايوة ي ابوي العربيه كانت في الورشه أخروها لي،قال ليهو ايوااا طيب بس تاني اعمل حسابك م تقول لي اتسابقته بيها في شارع النيل ولا اديتها لواحد صحبي فاهم؟قاال ليهو كويس وطلع مشى ،بقيت اعاين ليهو معقوله همام عندو ولد كبييير كدة😳انا إفتكرته لميس دي اااكبر واحدة فيهم😳وبعدين دة ولدو كيييف يعني؟اجششششششش هي مرتو دي كانت بتلدي ولادة ولا بتبيض😕😳💔لما شافني واقفه وبعاين ليهو وانا مصدومه قال لي دة خالد ولدي الكبيير عمرو بالتقريب كدة 18سنه بقرا في الجامعه سنه اولى،قولته ليهو ماشاءالله م كنت عارفه انو عندك ولد كبيير😊قال لي هههه م ظاهر علي قصدك وبقى يعاين لي،على طول ختيت يدي في شفايفي وطلعته مشيت غرفتي وقفلتها 😪شويه كدة جا فتح باب الغرفه انا مع فتحه الباب عملته روحي نااايمه ولا حركه م إتحركتها من الخوف لغايه الصباح صحاني قال لي انا اليوم راجع الدوحه،قولته ليهو بخلعه شنوو؟طبعا الشعر منكش وعين مفتحه وعين مغمضه ،قال لي زي م قولته ليك مسافر ،قولته ليهو كيف كيف يعني مساافر والحيقعد مع اولادك منوو؟عاين لي بإستغراب قال لي كيف يعني؟انا حأسافر وحأخليك معاهم هنا وانشاءالله اول م يأجزو حأسوقكم تقضو معاي الإجازة هناك ولا إنتي عندك مشكله؟قولته ليهو ابدا م عندي مشكله،قال لي طيب عليك الله ي شهد عيالي ديل خلي بالك منهم وامسكي دي بطاقه صراف أي شي إحتجتو ليهو حيتوفر ليكم وإتصلي علي تحت اي ظرف ولو حصلت أي مشكله تمام؟قولته ليهو طيب تمام انشاءالله ،لما قام طالع ومودعنو خلاص قدام أولادو باسني في راسي مسااافه وقال لي خلي بالك منهم ،طبعا انا إتكهربته في اللحظه ديك وبقيت اعاين يمين وشمال😪وبالفعل ساافر ،صراحه بعد م ساافر حسيت انو اولادو فرحو كأنو كان كاتم على نفسهم ومتضايقين من قعدتو معاهم،لأنو خالد اول م جا من المطار لقى لميس قاعدة في الهوول قال ليها اخيييييرا الحاج اتخارج ي سلااام ياخ 😻✊قالت ليهو اخييرا ساااي محتاجين حفلهه عديييل😻✊لما شافتني بعاين ليهم قالت ليهو خالد أعمل حسابك علشان الكلام دة حيصلو بالنقطه والشولهه،قال ليها هو نحن كمان بنخاف خلي يصل ساااي،،،م ركزته معاهم دخلته المطبخ جهزته ليهم الفطور ،طلعته مشيت غرفه لميس دقيت ليها الباب قولته ليها الفطور جاهز،كانت مركبة سماعاتها م ردت علي،تاني قولته ليها الفطوور جااهز،طلعت سماعتها وقالت لي انا قولته چعانه؟طبعا بتعطش الجيم😪،على طوول طلعته مشيت غرفه خالد دقيت ليهو الباب وفتحتو لقيتو ماسك تلفونو،قولته ليهو الفطور جاهز لو عايز،قال لي م داير وصاري لي وشو طوالي قفلته الباب وطلعته،سمعته صوت لجين بتبكي جريت مشيت على غرفتها لقيتها واقعه في الأرض شلتها ،واول م شلتها بقت تصرخ زياادة عاااد منعوله نعلهه😭😕💔نزلته بيها تحت دفيت ليها لبن شربتو ليها البت تشرب وتبكي انا المحيرني البيبكيها شنوو 😕😪قولته خلاص يمكن عايزة يغيرو ليها شلتها مشيت حميتها وغيرته ليها ملابسها ورقدتهاا في السرير،شويه كدة الشغاله جات قالت لي ماما قاعدة تحت،قولته ليها ماما؟قالت لي اااي ماما،نزلته قولته معناها خلاص دي ماما فايزة أم همام فجاة اشوف ليك واحدة قاعدة وخالفه رجلها طبعا انا شايفاها من ورا بس،مشيت على إتجاها قولته ليها أهلين،عاينت لي من فوق لي تحت وضحكت قالت لي ي هلا والله بعروستنا الحلوة كيفك؟قولته ليها تمام الحمدلله انا مستغربه طبعا،قالت لي شكلك نسيتيني متزكرة يوم العرس في بيت ناس همام الكبير والجرتق؟قولته ليها لا م نسيتك والله طبعا انا عرفتها مرة همام بس عملته رايحه،الشغاله جابت ليها عصيير قالت ليها ي فاطمه في زول بضيفو في بيتو؟العصير دة حق الضيوف أدي لي عروستنا دي او رجعيهو 😂طبعا انا سكتته سااي هي كانت لابسه ليك الفستان الفنايلي دة وبتاكل في اللبان وعامله المكياج الماخمج ،النصيحهه هي سمحهه سماحه تعقد،عاينت لي قالت لي وين حنتك ودخانك حالتك دي م حاله عروس يختي ولا عشان الحب سافر وكدة،قولته ليها زي م قولتي عشان هو سافر البخليني أتدخن شنوو😊ضحكت قالت لي والله لكن ي برعمه كلامك مقنع لكن بالمناسبه والله همام بحب المرة المجيهه صدمني بجد في إختيارو يعني انا لما قال لي عايز اتزوج ولقيت عروس إفتكرتو جايب ليهو مرة صااروخ تقدر تنافس والله إتوقعتو جايبها خليجيه بس إتصدمته لما شوفتك وإحترته فيهو م تزعلي مني بس انا بحب اكون واضحه وصريحه😘قولته ليها العفو ياخ وأزعل ليييه بس همام شكلو مكتفي من النسوان الصواريخ وم عايز ليهو مرة ينافس بيها مع الخلق ويستعرض بيها كفااايه جدا انو هو مقتنع وبعدين إنتي كنتي صاااروخ لو كان بمسك الصواريخ بجد ☺طبعا عاينت لي بغييظ لدرجهه حسيتها حتكشطني كف 😂 بعد إسبوع المساء قاعدة في الغرفه فجأة سمعته ليك صوت كبايه إتكسرت قولته ي ربي دة شنووو كمان طلعته لقيت ميدو واقع جنب السلم وبرجف ،طبعا انا خوفته وجسمي كلوو بقى يرجف،طلعته مشيت دقيت لي خالد الباب وفتحتو لقيتو ماف ،مشيت لي لميس قولته ليها لميس تعالي،قالت لي مالك ياخ انتي كمان😡قولته ليها تعالي أجري شوفي أخوك مالو ،قالت لي اخوي منو؟قولته ليهو اجري ،طلعت قالت لي ميدوو بي صرخه كدة،قولته ليها مالو؟بقيت تصرخ وتقول وااي ميدو😭😭😭😭😭قولته ليها يااخ فهميني اخوك مالو؟اتكلمي؟والبت بتبكي لسسه انا خلاص قلبي إتقطع جريت شلته لي تووب وشلته الولد وطلعته بيهو الشارع، في بتاع عربيه جا ماشي والله م بعرفو وقفتو بس قال لي خييير ي أخت؟قولته ليهو عليك الله أقرب مستشفى وصلني ليها الولد عندو تشنجات م طبيعيه،قال لي جدا أركبي طوالي ولمن نصل م تخليهو ينوم نهائي حاولي إتكلمي معاهو تمام؟قولته ليهو طيب،قبل م نتحرك جات لميس جاريه قولته ليها أختك وين؟قالت لي في البيت،قولته ليها مخلياها لمنو خليك معاها 😡💔بتاع العربيه وصلني لأقرب مستشفى دخلته جري وانا شايلاهو والله طوول الطريق الولد بتشنج كأنو عندو صرعه ،لقيت ممرضه قدامي قولته ليها لو سمحتي ياخي الولد دة بتشنج،قالت لي دخليهو رقديهو هنا ،رقدتو قالت لي من متين وهو في الحاله دي؟قولته ليها تقريبا عندو ساعه كدة،قالت لي لا حولااااا طيب دقيقه ،طلعت مشت جابت ليها دكتور وجات قال لي ساعه بتشنج وانتو كنتو وين؟قولته ليهو والله انا فجأة لقيتو واقع،قال لي طيب الحاله دي بتجيهو طوالي؟قولته ليهو والله م عارفه،قال للمرضه اديهو حقنة... وتاني م حنقدر نعمل ليهو شي لو م عملنا صورة أشعه في الراس لأنو حرارتو طبيعيه م اظن عندو اللتهاب او حمى توصلو لدرجه انو يتشنج ،قولته ليهو طيب،وانا م طلعته من البيت ولا بي جنيه ولا شلته تلفوني حتى ،وم حافظه رقم زول من ارقام اهل الولد،لقيت لي واحدة كدة في المستشفى وقفتها قولته ليها ممكن اشتعمل تلفونك دة؟قالت لي اتفضلي شلته التلفون واتصلته على عمتو بدريه حكيت ليها الحصل والله جاتني بعد نص ساعه بس وجابت لي معاها قروش،بعد م عملو ليهو الفحوصات،الدكتور قال لي لا حولااا الولد دة انتو أهملتوهو كتير خلاص،قولته ليهو ليه مالو ؟قاال لي عندو كهربه زايدة في الراس عمرو كم هو؟قولته ليهو والله م عارفه،قال لي م عارفه كيف انتي م أمو ؟قولته ليهو لا ،قال لي المشكله دي عندو من صغير معقوله م لاحظتو للتشنجات البتجيهو؟م اخد اي علاجات ابدا؟قولته ليهو والله م عندي علم انا ،طبعا الدكتور غضب مني غضب اي شي بسألني منو بقول ليهو م عارفه،قال لي م حنقدر نطلعو من المستشفى الا بعد 48ساعه لأنو في علاجات لازم ياخدها خلال الساعات دي،وبعد م نخرجو في دواء حأكتبو ليكم يداوم عليهو م تقطعو منو نهائي وشهريا عندو مقابله تمام؟قولته ليهو طيب،فضلنا انا وعمتي معاهو ،ركبو ليهو دربات وكل شويه الدكتور بجي بفحصو ،تمينا يومين في المستشفى وانا والله راسي شطب بعدو م فكرته في أي شي ،بعدها خرجونا اليوم التاني المساء حوالي الساعه 10 كدة طلعنا مشينا البيت ،دقينا الجرس الشغاله. فتحت لينا اول م شافتتا قالت لي هييي ميدوو جاااا،وجرت على الهول وبقت تقول ليهم جابو ميدو،دخلنا بس أشوف ليك الناس دي كلها واقفه والبيت ملان،شويه كدة أحس ليك بي زول بديني كف طااااخ وقلعت مني ميدو وقالت لي انتي أحن عليهو مننا ي حيوانهه😡والله دي أكتر لحظه شوفته فيها شعاع بجد 😭💔طبعا م استوعبته الكف الا بعد مساااافه عاينته للمرة ،عمتو بدريه قالت ليها هييييي وعايزة تضربها مسكتها قولته ليها عمتو لا😥 عمتو مدت ليها اصبعها على عينها قالت ليها اووووعى فهمتي والله يدك دي تاني تمديها على البت دي الا أكسرها ليك قدرها انتي لما تمدي يدك عليها انتي بتلديها ي عواليق😡طبعا البيت فيهو أم همام وأخوانو وفي تاني كم نفر،أم همام قالت ليهم روقو ي جماعه معليش ،هاشم قال ليها سهاام دة شنوو التصرف دة😡قالت ليهو هاااشم هييي شوفته دة ولدي ورفعت ليهو أصبعها 😡قال ليها أول شي نزلي أصبعك ي بت الرجال ي محترمه،قالت ليهو م بت رجال ولا محترمه ولا دايرة معاكم إحترام زاتو ،ام همام قالت ليها سهام لا إله الا الله اسي نحن في مرض الولد ولا في المشاكل؟عمتو بدريه قالت ليها انتي كان قلبك على عيالك صحي م كان مشيتي خليتيهم اسي انتي عارفه ولدك دة عندو شنو؟سألتي منو؟إطمنتي عليهو؟قالت ليها انتي م بتوصيني على عيالي😡قالت ليها والله شكلك محتاجه يوصوك لما ولدك من صغير عندو مشكله في الراس وانتي تكوني م عارفه شن فايدة امومتك ي الفارغهه😡مسكتها قولته ليها عمتو ألله يخليك خلاص تعالي سوقتها وطلعته بيها الغرفه فوق قالت لي انتي عويرة البيبكيك شنوو زي دة تمسكيها تمعطي ليها شعرها لمن الله يغفر ليك ،وبعدين انتي م غلطتي طوالي شيلي التلفون وإتصلي على راجلك كلميهو،قولته ليها لا م بكلمو ولا شي،قالت لي اقعدي اتعولقي لي والله تروحي ضحى انا ماشه البيت،قولته ليها ماشه لشنو الزمن إتأخر،قالت لي م بقدر أنوم هنا ولا ثانيه ماشه بيتي عشان لو نمته هنا اهلك ديل بجزهم ليك جز الحمام 😪😡قولته ليها طيب بعد م مشت بشويه كدة جات ماما فايزة أم همام داخله وكانت بتتكلم بالتلفون وبتقول اااي ماف حاجه ضربتها في لحظه زعل بس والله م قاصدة شي وصراحه معاها حق تزعل اي صح صح طيب هاك اديك مرتك إتكلم معاها ،مسحته دموعي قالت لي هاكي دة همام داير يتكلم معاك شلته التلفون اول م قولته ليهو الوو قال لي متين انا مشيت لمن أهملتي العيال ديل كدة💔قولته ليهو نعم ؟قال لي انا قولته ليك خلي بالك من الشفع ديل كنتي وين لما الولد دة وقع؟😡....
يتبع.....
