# بعدك ع بالي
الجزء ١
بقلم .... رشا الاسدي
الفراق .....
هو نهاية الحب... عندها يرفض العقل استيعاب هذه اللحظة وينزف القلب من الأعماق، لا نوقن بإمكانية رجوع الحبيب بعد الانفصال، فنشعر بأننا قد فقدنا قطعة من جسدنا أو بالأحرى فقدنا توأم روحنا و نصفنا الآخر، فنحس بالغربة و الوحدة بعد أن يبتعد عنا من كان يشاركنا أحلامنا ويؤنس وحدتنا
مع إعلان لحظة الفراق نتالم من الداخل ولا ندري أن لحظات الحنين والاشتياق ما بعد الفراق ستكون أصعب بكثير من لحظة الفراق.
تختلف قدراتنا من شخص لآخر في احتمال قساوة الفراق حسب درجة الحب و مقدار الحنين
قد تتحول ماشعرنا بعد الفراق الى:
كره وعداء ونعتبر مامر بينا درسا قاسيا لا يمكن نسيانه بسبب خذلان من نحب لنا
اوًقد نستسلم للقدر ونعتبر تلك الايام ذكريات جميله نتذكرها متى ما اشتقنا لها ومع مرور الايام تصبح قصة عابرة تضمحل وتمحى
او قد يزداد الحنين والشوق ويكبر الحب يوما بعد الاخر مهما مرت الايام والسنين
ويصبح اقوى وامتن مما كان عليه سابقا
ونبقى ع امل لقاء الحبيب حتى وان كان الامل ضعيف
....................................................................................
٧:٠٠ص يوم ٢٠٠٩/١٢/١
الجو بارد والنوم جوى البطانيه ينشرى بفلوس ماينشبع منه
ندك باب غرفتي ونفتح
يله مسار بابا كالب الدنيا عليج ... ديله كومي
اهوووو مااريد اروح عوفوني نايمه
لج مسار كومي
اششش صوتج لاتكعد رزان
ديله ام رزان كومي وراج دوام
اوف هسه كايمه
اوكفي اوكفي منار هذي مو جنطتي
اي جنتطتج يله باي السايق ينتظرني
لج اوكفي منو كلج تاخذيها
يله باي باي
ولج وخاله من عطري بعد ... نعله ع يومج منيير اني الج
اسمع صوت بابا ... مساااار كمتي لو بعدج
وكفت ع الدرج اي بابا دا اغسل
يله اخرتينا
غسلت وبديت ابدل
لبست بنطرون كابوي وبلوز نيلي وجاكيت رصاصي وشال
نزلت
بابا ... مسار شلقصه بابا اتاخرتي واني وراي دوام
يله هياتني ... صباح الخير
صباح ال... هاي شلابسه
شلابسه هي هاي ملابسي العاديه
لج فهمي مدرستج قرى و ارياف مو بالمدينه حته تلبسين ع راحتج
اووي بابا هذا الموجود اني اصلا مامشهيه اروح هناك
امي ... مسار صعدي غيري ملابسج وحمدي ربج ، الالف الخرجين ظالين سنين بلا تعيين ويتمنون يصيرون بمكانج
عقجت وجهي
بابا ... صعدي لبسي عبايه اسلاميه بسع
اووف شطلعت هاي
يله ع العجل
ياربي والله مااحب اصير مدرسه
صعدت نزعت الجاكيت وطلعت من الكنتور كاب مفتوح لبسته ونزلت
ماما ... ابوج بالسياره ينتظر ... هاج هاي لفه سويتلج
يله رايحه .. ماما محظره ملابس لزونه ع الجربايه
صار يله توكلي ع الله .. بلكي يشوفج شيخ ابن شيخ مناك وياخذج ويفكنه منج
هههه ظاله ع قلبج
باي
باي
بابا ظل يدك بهورن السياره
اجيت اجيت
صعدت بالسياره
مسار سدي دكم العبايه مالتج
صار
بابا ... مسار شبيج بابا ترى مهنة التدريس مهنة مقدسه وعظيمة
والبنيه انسب مهنة الها هي التدريس
هاي مو امج معلمة وصارلها سنين تدرس
وماتقبل تطلع ع التقاعد ع كد حبها لدوامها و مهنتها
واني نفس الحاله
