الجزء -١٨-
بعدك ع بالي
آه ... شذكرج بيه
مانسيتك بيوم
ههههه اي مبين
والله العظيم كل لحظه انته على بالي
من الاخير مسار شتردين
اريدك عزيز ....اريد نرجع سوى
تاخرتي مسار هواي تاخرتي
ليش عزيز .. معقوله نسيتني
لان باجر عرسي
هاااا
اي باجر زواجي ... بس ... ماسالتيني منو
ظليت صافنه بوجه منار ومنار تكلي شبيج
مسار اني راح ازوج صبا
من ذكر اسم صبا طاح النقال من ايدي
جرته منار وخذته وراحت تحجي وياه
طلعت ع البلكونه اشتم هوا
حسيت العبره خنكتني كعدت بالارض ابجي
جت يمي منار ... مو كتلج راح يجي يوم وتضيعيه من ايدج
منار احجي شنو حجيتو
عزيز باجر يزوج صبا
لا مااصدك اكيد يجذب .. هو وعدني ماراح ينساني
ولا يتركني بيوم
بس انتي تركتيه مسار
بس ليش صبا ليش
عزيز حته ينساج رجع لصبا ... لحبه القديم
يكول بلكي تكدر تنسيني جرحي
ايام واني عايش شبه ميت بسببها
لاليلي ليل ولا نهاري نهار
اريدها بس تتصل بيه تفهمني شنو صاير
اريد بس اوصل الها مااكدر
خلتني حتة اش... استغفر الله مااريد اكمل
عمري ماراح اسامحها بيوم
وسالني ليش هيج دايما تتغير علي
ليش كل فتره الها وجه وكل فتره الها رأي
شبيها اختج بيها حاله نفسيه عدها انفصام بالشخصيه
جاوبته .. لا
كلي ... لعد ليش تركتني بعد مااملتني بيها
وخلتني اتعلق بيها اكثر وابني امال
كتله اسال زوجتك وهي تجاوبك ليش مسار تركتك
منار ليش كتليله ... ليش جبتي طاري مرته
كافي مسار ... كافي تتعاطفين وياها
بعد ما خسرتجً عزيز
كافي تفكرين بمشاعر غيرج ...
ودمرتي مشاعرج ومشاعر انسان حبج
مافكرت هي بيج من عزيز راح خطب صبا
ماتصلت بيج وكلتلج رجعيله قبل لا يروح لغيرج
بس تردين الصدك زواج عزيز درس قاسي الج والها
زين يسوي بيكم ... عاشت ايده
هزيت براسي اي ... بالفعل كل كلامج منار صحيح
اني ضيعت حبي بايدي
اني انسانه فاشله وغبيه ومااعرف اتصرف
حيل بيه
بعد كم يوم مهند اتصل بابويه ... علمود يعرفون الرد
جاوبه بابا .... ماترجع
جاوبه مهند .... لعد ناخذ رزان منكم
بابا ... المحاكم موجوده بيكم خير واخذوها
