الجزء ١٦
بعدك ع بالي
.......................
عزيز
عيونه
تسلم عيونك ... احجي الي شلون ويمتى بديت تحبني
من اول يوم شفتج بيه
من دخلتي للاداره اني قلبي رف عليج
مااعرف ليش
ع الرغم اني شايف بنات هوايه
واشكال والوان
بس انتي احساسي وياج غير
تذكرين من دخلتي للمكتب اول مره
ههه اي
والله من دخلتي وشفت نظرت الشباب عليج تخبلت
حسيت بالغيره عليج كانما اني اعرفج او انتي تعنيلي
ومن تعاركت وياي بالمدرسه
هههههه .... هنا كرهتج وردت اضربج والله
كوى تمالكت اعصابي وياج
تضربني
اضربج واكسر خشمج بعد ... اذا بيوم عليتي صوتج علي
يهون عليك تضربني
مايهون علي اشوف دموعج... مو اضربج بعد
والله كل يوم يكبر حبج بقلبي
بس انتي شلعتي قلبي
زين ومن يوم اجينا لعرس اخوك
اوووه لج انتي هنا خبلتيني
مو بس اني كل الي بالقريه ظل يحجي بيج
حته النسوان
ههههه عود صدك تحجي
والله شبيج ... من شفتج كاعده كانما شيخة الحريم
كسرتي ع الموجودين كلهم حته العروسه
عزيز لاتبالغ مولهدرجه
والله ماابالغ ... واني افكر ويه نفسي
اكول هي لابسه هيج وشسوت بيه
لعد من تلبسيلي الابيض شتسويه
ليش وان شاالله تريدني البس الك بدله عرس
ليش مسار
اشوف نفسي كبرت ع هاي السوالف عرس وبدله
ليش كبرتي شكد قابل عمرج ... توج يله ٢٥ سنه
مسار اني بزواجي الاول ما حسيت بنفسي عريس
لان جنت مجبور وبنفس الوقت صغير بالعمر
هلمره اريد اسوي عرس لاصار ولا دار
ان شاالله عزيز
زين عزيز شلون عرفت بيه اني مطلقه
من والدج ... هو مسولف لابويه عنج
اها ... يعني من بابا
زين وصبا
صبا شفتها قبل فتره ... جنت طالع اني وجماعتي لمطعم
وشفتها بنفس المطعم
وشنو جان شعورك من شفتها
عادي ولا كانما جانت بينا علاقه حب بيوم من الايام
اي
سويت نفسي مااعرفها
بس هي اجت سلمت عليه .. وكلتلي هي طلقت
وانته شنو رديت عليها
كلتلها الله يعوضج بالاحسن منه وعفتها
مسار شبيج ضجتي
عزيز احلف والله نسيت صبا
هههه غرتي مو
عزيز احلف نسيتها
وج والله نسيتها من يوم الي عرفتج وحبيتج
وغلات امي احبج انتي مسار
