(قصة هيل الحب) للكاتبة ياسمين..
بالبداية اعرفكم عن نفسي اسمي حمدان
من المحافظات الغربيه عمري ٢٩ سنه خريج علوم سياسية
اني ابن عشاير وشيوخ درست ابغداد بس ماغيرت طبعي اني اكبر واحد بخواني عندي ٥ اخوان بس مع الاسف اخوات ماعندي شكد جنت اتمنى تصير عدنه اخت بس الله ما كتب
شغلي حاليآ ابغداد وكل نهاية اسبوع انزل للبيت
الو حمدان وينك شغلت بالي عليك ليش اتاخرت اعذريني يمه طلعت عندي شغله شويه راح اتاخر
العصر ان شاءالله اني يمكم
خوش يمه دير بالك على نفسك صار يمه كملت شغلي قبل لا يصير العصر خلي اروح اخذ غراض من السوك
اخذت فوطه لامي وسبحه لابويه وشغلات للولد عجبتني خطيه افرحهم صعدت السيارة ورجعت
واني امشي وقربت اوصل للبيت قربت اوصل للبيت
شفت بنيه تمشي عثرت وكعت بنص حفره وكفت السياره يمعوده سلامات خوما بيج شي شبيج ماتشوفين الحفره جدامج رفعت عينه عليه بخزره وانت شعليك مقبوله منج يا بنت الناس بس ردت اساعدج
تسلم ماتقصر مالك شغل بيه مشت عني لا والله مو صوجج بنات اخر زمن كملت طريقي
ضوجتني هسه شعليه شلي دخل وكعت او لا شجاني ونزلت هاهيه صارت وصلت البيت طلعت امي هلا هلا وليدي هسه البيت نور يمه منور بوجودج ابويه وين الولد تعال هسه حضرت الك اكل اكيد جوعان ابوك طالع على جيه تعال اكل لكمه
دموع.. رجعت من المدرسه دا امشي وسارحه بهمومي
محتاجه مدرس رياضيات اذا احجي اكيد محد يقبل
ابويه ماله دخل بكلشي وامي اذا حجيت اكيد تتعصب عليه وتكلي بيج خير اقري اوف ماحسيت غير وكعت حسيت روحي طلعت كمت اتلفت لا احد شافني
واسمع صوت رجال من كال سلامات من الفشله ماعرف شكول بس صرت عصبيه هوه شعليه بيه
رجعت للبيت شلونج يمه هلا فوتي ليش متاخره اليوم
يمه الدوام المسائي هوه هيج فوتي كملي شغلج
باجر معزومين على الغده خير وين يم بيت
ابو حمدان اوف يمه كلشي ولا العزايم وجع غصبن
عليج اتروحين بلكي وحده من النسوان تخطبج
يمه يا خطوبه اني ادرس وجع عمرج ١٦ الي بعمرج
جاي يزوجون
كمت مابيه حيل سوالف امي
كمت خلصت كل شغل البيت وما جبت طاري المدرس
بس اتعشيت ونمت كعدت صليت الفجر وكعدت ادرس الحد ماطلعت الشمس كعدت امي واخواني الاصغار
حضرت ريوك ويه امي الكل اتريك كمت غسلت البيت وكملت شغلي
امي تصيح دموع ها يمه يله حضري نفسج اريدج احلى وحده ان شاء الله يمه رحت للكنتور شلبس حايره اني طويله جسمي متروس عيوني صفر شعري اسود طويل عيوني اكبار رموشي طويله عندي زي مغربي عجبني خلي البسه لونه احمر لبسته وخليت بس كحل وشويه حمره وشعري فتحته على طوله وشلت جم خصله منه فوك امي ادك الباب ولج وينج شصار
فتحت الباب بسم الله تبارك الرحمان يمه بنتي شنو كل هل جمال يمه خجلتيني طبعآ اني مامتعوده اسمع كلام حلو من امي يمه يمه ها ماكتيلي شعدهم نسيت اسالج ولج صدك انتي ثوله مو كتلج عرس ابنهم شمدريني يمه ماسمعتج يلا خلي شال على راسج خلي نروح أبويه وين ابوج راح طلعنه اني واني فتنه للبيت مالهم هوسه من كد الناس ظليت صافنه شكد عازمين
امي دخلت كعدت ويه النسوان اني البنات صاحوني اكعد وياهم وحده من البنات كلتلي تعالي دموع اتكدرين اساعديني كتلها بهذا لبسي لا مو شغل ثكيل نحظر نواعم الغده للنسوان خوش كومي
كمت وياه اني وياها واكفين ع الكنتور انطلع مناشف واسمع صوت انفتح الباب وصاح مها نفس صوت ذاك الرجال مها ها حمدان صديت عيني صارت بعينه
.... للقصة بقية
