(هيل الحب) البارت الثالث للكاتبة ياسمين....
عززه شوف بابا
حمدان...شنو
دموع...هسه شتكول هااا
حمدان..معليج انتي بس اسكتي
وصلنه
ابو دموع... ها خير دموع بيه شي
حمدان... عمي لازم احجي وياك
دموع انتي روحي ارتاحي
ابو دموع...خير شصاير
تفضل حمدان اكعد
حمدان .... عمي ليش تردون تبطلون دموع من
المدرسه خطيه اني دا امشي شفته كاعده
ع الرصيف وتبجي خطيه بعده صغيره
ابو دموع...والله امه تريد تبطله تكول حتى
تساعدني بالبيت وهم اتعلمت تكتب وتقرأ
كافي
حمدان... هذا شي راجع الكم بس ديرو بالكم
على بنتكم لان خطيه تحب التعليم
ابو دموع...باجر تزوج وتنسى المدرسه المره شعده
غير بيته
حمدان...على راحتكم اني اترخص طلعت واني
معصب من اسلوبه اصلآ حتى ماسأل ليش صاعده
وياي شكد بارد
طلعت وصلت الدوام بالي بس يمه ابد ماتفارك خيالي
شلون لازم اتقرب منه
بس شلون
من ارجع للبيت لازم اكو طريقه اشوفه بيه
جم يوم خلص الدوام ورجعت للبيت
افتر بالبيت اروح وارجع لازم اشوفه
شلون ماعرف
امي ها حمدان شبيك تحوص
ماكو شي يمه بس هسه شصاير
لو جايبه اخت الي جان مو هذا حالي
ليش يمه شبيه حالك ياستار ماكو شي يمه
طبيت للغرفه وعفته شلون هسه
خلي اطلع بالشارع بلكي اشوفه
طلعت بالشارع كعدت على بابا البيت
طلعت بنيه صغيره من بيتهم صحته
عمو انتي اخت دموع اي عمو
دموع بعده ظايجه علمود المدرسه
اي عمو ظايجه وتبجي زين انتي وين
تردين اتروحين عمو اريد اروح اشتري
زين روحي اشتري وتعالي اكلج سر ماشي
ماشي عمو هسه ارجع
اذكرت عندي دفتر مذكرات ماكاتب بيه
لازم اشوفه حتى لو من السطح لان بيتهم صاير بصف
بيتنه يعني الحائط ع الحائط
جبت الدفتر وكعدت الباب اكتب
(اليوم ضروري اشوفج راح ابقه انتظرج)
رجعت لابنيه عمو شوفي هاج هاي فلوس الج
بس ممنوع تحجين اي عمو والله ماحجي
اي اي تحجين ازعل واذا ازعل تصير مشكله
فهمتي عمو والله ماحجي كول
دموع مو تبجي هاج هذا الدفتر خلي تكتب بيه
حتى ماظوج ميخالف عمو انتي تعرفين
لا عمو ماعرف اني صف ثاني
ها خوش يلا سبعه حتى اني وياج نصير اصدقاء
راحت واني بقيت انتظر اليل
الكل انتبه عليه الكل شبيك وشبيك
صارت ساعه ١٠ صعدت فوك بدون ما احد يحس
بقيت كاعد انتظر وماكو معقوله ماراح تجي
بس لازم ابقه حتى لو لصبح اخاف تجي
واني ماموجود
صارت ساعه ١٢ ونص واني كاعد طلعت روحي
سمعت صوت رفعت راسي واكفه
حمدان... واخيرآ تدرين شكد صار انتظر
دموع...شتريد يمعود
حمدان...اريدج
دموع...والله ماناقصه هسه احد يجي ويشوفني
حمدان....لو ما انتي هم اتريديني ماتجين
دموع...خفت ماجي وتسوي مشكله
حمدان...واني صدكت
دموع...المهم هسه شتريد اخاف احد من اهلي يكعد
حمدان...شبيج والله احبج واريدج
دموع...تريدني تعال من الباب مو من السطح
حمدان.....ههههههه من عيوني ياعيوني انتي
دموع ....يلا لازم اروح اخاف احد يجي
حمدان...بربج دقيقه اكفي احجي وياج
دموع...تفضل احجي بسرعه لازم اروح
حمدان...انتي تحبيني
دموع...ماعرف
حمدان....شلون ماتعرفين
دموع..اي والله ماعرف
حمدان...تفكرين بيه
دموع....عفيه لازم اروح
حمدان...احجي وروحي انتي تحبيني
دموع... اي احبك ارتاحيت يلا باي
حمدان..ولج اكفي وين رايحه
ههههه خبله
اني مو حمدان اذا ما اخذج لازم احجي ويه امي
بس هسه نايمه لازم الصبح
نزلت الكل نايم شكد حاولت انام ابد ماكدرت
من التفكير
ويه صلاة الفجر سمعت صوت كمت لكيت امي
تصلي هااا حمدان اليوم شعجب كاعد
يمه ماجاني نوم
يمه اسم الله عليك خوما صاير شي
اي يمه صاير اريد ازوج
صدك يمه صار سنين انتظر هذآ اليوم
اصبر راح اشوفلك احسن مره
شنو رأيك بنت شيخ مزاحم بنت شيوخ تناسبك
شتكول بنيه حلوه ومعدله
لا يمه اني اريد غير وحده
ياملعون على منو مخلي عيونك
يمه دموع بنت جيرانه
منووووو.......للقصة بقيه
