هيل الحب ج٩ للكاتبة ياسمين
حمدان...ازوجت وحده ماحبه الخاطر احصلج
بس المقابل شنو اتصديني بيوم عرسنه
وتكولين جبان وجذاب
دموع....لعد تريد مازعل وانت عاشرت غيري
ليش عبالك سهله
حمدان....ليش انتي خليتيني افهمج
دموع...حمدان انت كسرت كلبي
تاليه اني اجي على ضره
حمدان....انتي مو اول وحده تجين على ضره
دموع...يعني ماتعترف بالذنب الي سويته
حمدان...ولج انتي شنو كل الي سويته علمودج
وتكولين ذنب
دموع....بس انت
حمدان....اششش كافي ماريد اسمع شي
عبالي انتي الي جايه ندمانه بس والله
الكلام مابيه فايده وياج وخري اريد
انطمر
دموع....كمت من يمه وماعرف شنو الي دا اسويه
شنو فتحت الباب جوعانه
حمدان...وين رايحه
دموع...جوعانه اريد انزل اسوي شي
حمدان....وهيج اطلعين
دموع...ليش شبيه
حمدان...البسي حجاب انتي مو ابيت اهلج
وبيتنه بس ولد انتبهي على نفسج شراح اتسوين
دموع...ماعرف اشوف شنو موجود
ليش انت جوعان
حمدان...يعني يلا روحي
دموع....نزلت طلعت كبه جاهزه وكليت بتيته
وسويت زلاطه
دخل اخو حمدان ليث هاا دموع شدسوين
دموع...والله جوعانه واريد اكل تريد انت
ليث ...اي والله ماتعشيت
ديلا اكعد حتى ناكل
ليث...اكو ببسي بالمجمده قبل شويه جبته
دموع...اي هسه خليت الاكل وكعدنه ناكل
اني وياه
ليث...دموع ممكن سؤال
دموع...اي ليث احجي
ليث...بس مو تخجلين احجي بصراحه الله عليج
دموع...اي والله احجي
ليث...انتي هم جنتي تحبين حمدان
دموع....هههه شذكرك هسه
ليث....اذكرت احجي لا تتهربين
دموع...اني جنت ....دخل حمدان عيونه بعيوني
ومعصب حسيت ماكدر ابلع الكمه
ليث...تعال خويه شلون عشه تعال اكل ويانه
حمدان...لا مو جوعان انتو اكلو الف عافيه
صعدت فوك واني افور اكله جوعان تروح تاكل
ويه ليث غبيه غبيه
كاعد ع الجربايه وعيني على الباب شوكت
تدخل وره نص ساعه يلا اجت
حمدان....هاا زين اذكرتي عندج غرفه
دموع...اسفه بس اخوك اجه وكال جوعان
حمدان...يعني ماتكدرين تكولين هذا العشه
لحمدان
دموع....لا ماكدرت لان فشله
حمدان...من ليث فشله واني شنو
ولج اني زوجج انتي ليش راسج يابس
دموع...حمدان كتلك ماكدرت شسوي يعني
حمدان...والي يغار شلون
دموع...اني نعست حمدان
حمدان...كمت وكفت يمه انتي كلبج حجر
لو شنو او انتي من البدايه ماتحبيني
لو تحبيني مو هيج تصرفج
دموع...لا حمدان أح
حمدان....قبل لا تكمل بسته من شفته حسيته
غير حسيت صرت بغير عالم مابيه غير اني ودموع
دموع...من باسني حسيت نفسي صرت ثلج
جمدت اريد ادفعه ماكدر وخر حمدان كافي
حمدان....لابو الي يتقرب منج بعد
دموع...حمدان افهمني والله العظيم احس نفسي
ماكدر مو بيدي
حمدان...ها خوش من عيوني ارتاحي بعد
من باجر يوم يمج ويوم يم مروه
دموع...هاا يعني هيج
حمدان...لعد شلون هيه هم زوجتي مزوج
ثنين ونايم وحدي
دموع...لا ابراحتك عادي
حمدان...خوش لفيت راسي ونمت
لو بيدي اكوم اطكه بس هذا مو طبعي
دموع...من كال اروح يم مروه شلون واحد ظربني
حيل بس هم ماردت اتنازل كوه كتمت الدمعه بعيني
احبه واغار عليه بس مدا اكدر اسامحه
ثاني من الصبح كعدت الكل نايم خدرت الجاي
وطلعت الخبز من المجمده
حظرت الريوك
اجت ام حمدان عفيه بنيتي السبعه
دموع..خاله متعوده اني اكعد من وكت
ام حمدان...اي يمه لو هيج البنات لو بلا
دموع..كلت بكلبي لا بنت الشيخ
افضل مو اني بنت الفقير سكتت والحسره بكلبي
عبالهم كلشي بالفلوس والشيخه والمناصب
صبينه الريوك الكل كعد
مروه كل شويه تباوع عليه صفح
خايبه اني بحالج
كملنه الريوك ابتسام دموع اني اغسل الماعين
دموع...لا اني اغسله
مروه...اشوف عروستنه تريد تلهي نفسه
دموع...لا حبيبه انتي متوهمه اني ماكدر
اكعد بدون شغل ولا اعرف انام للظهر
مروه...طبعآ متكدرين لان متعوده
واني بنت شيوخ متعوده ع الدلال
دموع...ماعرفت شجاوب بس حسيت نفسي اريد
املخه اكول ابتسام انتي ابوج هم شيخ
ابتسام اي شيخ
دموع...لعد ماشوفج تنامين لظهر
ابتسام...خيه ليش شكالو عنه بنات شيوخ نصير
جايفات حشاج
مروه...حظرتج شنو تقصدين ست ابتسام
ابتسام...ماقصد شي بس سمعتي سؤال دموع
مروه...يعني قصدج اني جايفه
ابتسام...لا حشاج مجرد كلام صار
ام حمدان....هااااا خير شكو صوتجن واصل الشارع
مروه...خاله هاي دموع تريد تخرب بينه
ابتسام...خاله ماكو شي
دموع...ماردت حتى ابرر شي لان صدك احس
نفسي زايده بالبيت احس وجودي وعدمه واحد
صعدت فوك وعفت كلشي كعدت ابجي
صارت مغرب واني ماطلعت
دخل حمدان شبيج دموع ليش كاعده وتبجين
دموع.....حقك ماتدري واني صايره مكفخه
حمدان...كعدت يمه منو وياج دموع
دموع...مروه بنت الشيخ واني بنت المكدي مو
حمدان...حشاج هذا منو الي حجه وياج هيج
دموع..خليت راسي على صدره تعبت حمدان
تعبت
حمدان...ياحبيبتي منو الي حجه وياج....اتبع
