قصة(هيل الحب) الجزء الرابع للكاتبة ياسمين
ياملعون على منو مخلي عيونك
يمه دموع بنت جيرانه
منووووو لا يمه لا اكيد عقلك بيه شي
انت ابن شيوخ
حمدان...ليش يمه دموع شنو ناقصه
ام حمدان...لا حمدان ناخذ من ثوبنه
همه ناس على كد حالهم وانت الناس
كلها عينه عليك تريد تعرف منو تاخذ
حمدان..يمه شهل كلام ابد ماجنت اتوقع
اسمع منج هيج شي
ترى كلنا بشر شنو هل عقليات
ام حمدان...والله هذا الموجود
حتى ابوك هم مايقبل
اني كتله على بنت شيخ مزاحم وفرح
اذا سمع بهذا الموضوع يزعل
حمدان...يمه غير دموع ماريد هاي شبيكم
طلعت وعفته صعدت السياره وطلعت امشي وماعرف وين
شسوي هسه هذول شبيهم
وره ساعه لا لازم ارجع للبيت وهذا الي عندي
لازم يقبلون
وصلت البيت يمه وين ابويه
ابوك كاعد بالاستقبال هوه وخوك عمار
هاا ماشي رحت
امي تصيح تعال شتريد تسوي
ماعليج يمه
دخلت الله بالخير
حمدان...شلونك يابه
ابو...حمدان الحمدالله شبيك اليوم
حمدان...يابه عندي موضوع وياك
ابو حمدان ...خير ان شاء الله
حمدان.....يابه اريد ازوج
ابو حمدان.... اي بيه الخير خلي نصيح امك
من ذاك اليوم كلتلي تريد الك بنت شيخ مزاحم
خلي النسوان تروح تحجي وياهم ونشوف
حمدان...يابه وين رحت اسمعني اني اريد
بنت ابو احمد جيرانه
ابو حمدان...ليش بنت ابو احمد
حمدان...شفته بالعرس وعجبتني وهمه خوش ناس
سمعتهم طيبه
ابو حمدان...نعم خوش ناس بس يا ابويه
هذول ناس على كد حالهم وانت ابن شيخ ودلال
اصلآ ماراح تتفاهمون
حمدان...على شنو مانتفاهم يعني لان بنت فقير
لا يابه مو كلشي عز ودلال اني فكرت انت
تفكيرك يختلف عن امي بس نفس التفكير
ابو حمدان...احنه نريد الك الخير انت ماتعرف
مصلحتك
حمدان...يابه اذا صدك تحبوني وتردون مصلحتي
تخطبون بنت ابو احمد لان اني ماريد غيرها
قفلت عليه
ابو حمدان... لازم تريد تفرض علينه
حمدان...لا يابه حشاك بس اني الي راح ازوجه
واعيش وياها
من حقي اختار
ابو حمدان...وهذا خيراك مامقبول
حمدان...خير ان شاء الله
ابو حمدان.....وين تعال خلي اكمل كلامي
حمدان .....لا يابه اني طالع
طبيت للغرفه وقفلت الباب واني اعصابي فول
هذول صدك يحجون
ماحسيت بروحي شلون نايم كعدت امي ادك
الباب كوم اتعشه
ماريد يمه مو جوعان طلعت للباب اريد اشوفه
طكت روحي وكفت بالباب ماكو احد
توني كمت اريد اطب للبيت شفته فتحت باب
الحوش تغسل اشرت اله على ساعتي والسطح
انتظرج فدوه لهل وجه ياربي تخبل
شبيهم اهلي والله لو اموت اله اخذه
طبيت للبيت بعد اهلي كاعدين
طبيت بغرفتي احس نفسي مرتبك راح اشوفه
شبيه اني خوما مراهق
الساعه صارت ١١ فتحت باب الغرفه على كيفي
ماكو احد صعدت فوك
اباوع ماكو احد لشويه سمعت حمدان حمدان
وينج هياتني واكفه بالضلمه ولج ليش هين
واكفه ماشوفج
دموع ....احسن اخاف احد يشوفني
حمدان... يعني هين محد يشوفج
دموع....اي صايره ختله
حمدان...اهلج نامو
دموع....اي الكل نايم
حمدان...باوعت يمنه يسرى ماكو احد
عبرت عليه
دموع...عزه وين اخاف احد يشوفنه
حمدان....ماكو احد
دموع....لا عفيه ارجع
حمدان....اتقربت منه بس لا خايفه مني
دموع...لا اعرفك شنو ماخاف بس اخاف من الناس
حمدان...ماكو احد اتقربت حظنته جنه طفله
بحظني احس روحي اسمع دكات كلبه
دموع....عفيه كافي روح
حمدان...ليش هلكد مرتبكه ولج والقرآن احبج
واريدج زوجه الي
دموع....اي روح احجي ويه اهلك ليش نبقى
هيج الناس ماترحم
حمدان....ان شاء الله بس اصبري
جريته من ايده تعالي
دموع...يمعود وين ترى راح أموت من الخوف
هسه احد يشوفنه
حمدان....اشششش كعدت وخليت راسه على
صدري والعب بشعره
دموع...حمدان انت مو طبيعي صاير شي
ليش ظايج
حمدان...لا ماكو شي بس ظايج لان بعيد عنج
دموع...انت حجيت ويه اهلك مو انت البارحه
كلت راح احجي رفضو مو
حمدان...مو بكيفهم
دموع...يعني رفضو واعرف ليش رفضو
كوم حمدان روح لبيتك الظاهر ماكو قسمه
بينه والي دا اسويه غلط والظاهر اني
عديت حدودي وياك بس كلبي جبرني
اني متاكده امك راح تاخذ الك من عمامك
يلا اني اروح
حمدان..شبيج انتي شدا تحجين والله ماريد
غيرج لو شتصير
ولج انتي خبله
دموع...اي خبله اعرف انت هم تعوفني
حمدان....اني اتنفسج شلون اعوفج
تعالي وين رايحه نزلت وقفلت الباب
ورها بالله هسه اني وين انطي وجهي الكل ضدي
هاي مشت حتى بدون ماتفهم شي
مرت اربع ايام واني ماشايف دموع ادز عليها
ماكو واهلي مصرين على قرارهم
ابو حمدان .....حمدان تعال عندي حجايه وياك
حمدان....خير يابه
ابو حمدان...هسه كبل شويه جان شيخ مزاحم يمنه
وكال بنتي ازاهر تعالو اخذوه بهدومه
حمدان ...شنو يعني
ابو حمدان...يعني انطه بنته هديه
حمدان...وانت يابه شنو رديت
ابو حمدان...رديت اتشرف بيهم وين نلكه هيج نسب طيب شيخ امزاحم عنده مواقف وياي ماتنسي
وهو ابن اصول
حمدان...يابه يعني وافقت
ابو حمدان....وافقت وكتله ماقصرت وان شاء الله
هل ايام تجيكم النسوان
حمدان...واني وين بالموضوع
يعني تقررون حتى ع الروحه بدون علمي
شوف يابه اني بنت شيخ مزاحم على عيني وراسي
بس زواج مازوج
ابو حمدان...اي هاي الناقصه تفشلني كدام شيوخ
لا اشو تاخذه وغصب عنك مو كلامك الي يمشي
عليه ........للقصه بقيه
شوفوني تفاعلكم اذا لكيت لايكات أهواي
انزل جزء خامس
