هيل الحب ج11 للكاتبة ياسمين
دموع...ابتسام احبه اح باوعت مروه
باوعت عليه حسيت نار تطلع من عيونه
مروه...وداعت حمدان راح تندمين اني وياج
والزمن طويل
دموع...ليش اني شسويتلج
مروه...بالله لا سوين نفسج فقيره ترى هاي الحركات
مو عليه
دموع...ترى صدك كلامج مامفهوم واني الحمدالله
ماعندي شي
مروه...يصير خير
دموع...ابتسام هاي شبيه
ابتسام شمدريني
حمدان....كعدت من النوم دموع ماكو كمت سبحت
واكف دا اطلع ملابس
الباب انفتح تعاي حبيبتي شوفي شنو البس
اريد اشوف ذوقج
مروه...لا ذوقك احلى
حمدان....صديت مروه واكفه انتي شلون تدخلين
غرفه مو غرفتج بدون مادكين الباب
مروه....انت شلون تعوفني وتنام هنا
حمدان...اني كتلج دموع بعده عروس
مروه...واني مو بعدني عروس وزوجت عليه
البارحه كتلك راح اتحظر وراح انتظرك تالي
تبقه يم ست الحسن
حمدان...مروه الف مره كتلج دموع ماجايه
بطريقج مالج شغل بيه
مروه...طبعآ ماله شغل اكو من يسد عنه
حمدان...مروه اطلعي كافي
مروه....حمدان اليوم انتظرك ماشي
حمدان...الله كريم
مروه...حمدان امانة الله تجي والله محتاجتك
حمدان...ماشي ان شاء الله
بالله شلون راح تخلص غيرة النسوان لبست
وطلعت طبيت للمطبخ دموع اريد ريوك
اي حبيبي هسه اجيبلك
جيبيلي بالغرفه
دموع...اي هسه دقائق شلت الصينيه ورحت للغرفه
يلا حبيبي اكل
حمدان...وانتي
دموع...اني اكلت
حمدان...دموع اريد احجي وياج واعرف انتي
عاقله وراح تفهمين
دموع...شنو احجي
حمدان...انوب يوم يمج ويوم يم مروه
دموع...ليش حمدان بس البارحه اول يوم النه
حمدان...مايصير ياحبيبتي مروه هم اله حق عليه
دموع...اعرف بس مو بهاي السرعه
حمدان...شسوي الخاطري اتحملي مانريد مشاكل
دموع...خلص سوي الي تريده اني هم ماريد مشاكل
دموع...احس راسي راح ينفجر من كال راح اروح
يمه بس ماريد ابين شي ماريد ابين ضعيفه
رحت للمطبخ
دموع...ابتسام اني اسوي الغده
ابتسام...اي حبيبتي سوي
دموع...طبخت الغده واحس راسي حينفجر
وصبينه
حمدان...شبيج دموع وجهج اصفر
دموع..مادري حمدان دايخه
حمدان...روحي ارتاحي دموع
دموع...لا خليني هنا ماريد اصعد
حمدان...ديري بالج على نفسج حبيبتي
دموع...حمدان يحجي وياي ومروه تخزر بينه
احس نفسي دخت حيل بعد ماكدر اكعد كمت
للمطبخ اكيد الضغط نزل عندي طلعت خياره
خليت عليه ملح طبت مروه
شوفي دموع احسلج لا تبقين تقرين براس
حمدان ترى والله اكلب البيت عليج
دموع...شبيج اني وين وانتي وين
مروه...هاي بعد أخاف تكولين ماكالت
دموع...اي اي ماريد حتى اسمع شي جسمي
احسه صار ثلج صعدت لغرفتي
مددت طب حمدان شبيج دموع
دموع...ماعرف حمدان تعبانه حيل
حمدان...كومي اوديج للمستشفى
دموع...لا حمدان يامستشفى هسه
بس جيبلي لبن وخلي بيه ملح
اني الضغظ ينزل عندي
حمدان...اكيد ينزل حظرتج ماتاكلين
خوما طفله انتي
دموع...حمدان الخاطر الله اسكت اسكت
حمدان...رايح اجيبلج لبن واجي
دموع....ماحسيت بيه شلون طلع
من التعب مادري شجاني حمدان جابلي لبن
شربت اجه مدد يمي حسيت نفسي غفيت
حمدان...حبيبتي دموع اكعدي
دموع...ها حمدان
حمدان...ها شلون صرتي كومي اتعشي
دموع...لا حمدان والله ماشتهي اي شي
حمدان...مو بكيفج هسه دقائق واجي
دموع...يمكن فلاونزه صارت عندي جسمي
احسه متكسر ومثل النار
رجع حمدان شوفي شنو جبتلج
دموع...شنو جبت
حمدان...جبت الج تكه وبيه ملح زايد يلا
حبي كومي اكلي
دموع...ليش طلعت حبيبي بهل ليل
حمدان....اششش كومي اكلي
دموع...اني اكل
حمدان...لا اني اوكلج
دموع....ياحبيبي كملت اكل اجه مدد يمي
حمدان كوم روح يم مروه لا تسوي مشكله
حمدان....اشششش مروه شكو عليه انتي
مريضه شلون تبقين وحدج
دموع...حمدان ارجوك حمدان والله هسه تزعل
حمدان...معليج الصبح اتفاهم وياها خليني
وياج
دموع...ماشي حبيبي ابراحتك خليت راسي
بحظنه ونمت
كعدت الصبح دايخه وراسي بعده يوجعني
بس احسن من اليل باوعت
نزلت جوه اكل فد شي وصلت الدرج
مروه...لازم نسيتي شنو حجيت وياج
دموع...مروه اني مريضه وذاك حمدان روحي
احجي وياه اني مالي ذنب
مروه...لا انتي مسكينه ولج صار يومين
ماتخلينه يجي عليه ولج انتي شنو
دموع...هاي شبيج اني ليش ماخليته يجي
اني شعليه لزمتني من زندي حيل
اخ شبيج وخري مني اريد ادفعه مني مني
وهيه دفعتني وكعت من الدرج.....اتبع
