قصة هيل الحب( ج٦) للكاتبة ياسمين
هوسه بس ماشوف غير دموع عيوني ادور عليه
بس ماكو الناس راحت اجه الوقت الي اتمنيت
ما يجي دخلت للغرفه كاعده ع الجربايه
من شافتني ابتسمت
واني نار صارت بكلبي اتمنيت الي كاعده دموع
اباوع عليه ساعه اتخيله دموع وساعه اشوفه هيه
دخت المهم صار الي واحس نفسي كانو بسجن
مروه..حمدان شبيك
حمدان...مابيه شي
مروه....لا والله بيك ظايج وعبالك مجبور بيه
حمدان....شبيج يا مره كتلج ماكو شي اني هذا
طبعي
مروه...لا ميصير هيج هاي اني عروس وانت كالب وجهك
حمدان....كتلج ماكو شي شكد تلحين طلعت وخليته
بالله شلون مشكله شراح يخلصه وياها
مر سبوع على زواجنه مروه بس تحجي وماتسكت
روحي طايره على دموع شحاله هسه
طكت روحي
مرت ايام لا اشوفه اباب ولا على سطح
مروه طبعه ابد مو حلو كلشي مايعجبه
التهيت مابين دوام وبيت
بس ابد مروه مادخلت كلبي بس قدر ماكدر
ماقصرت وياها
هيه هم ماله ذنب بيوم رجعت من الدوام
وصلت الدنيا ظلمه
توني سديت باب السياره دموع طلعت من الباب
ويه امه اجت عيني بعينه شفت الحزن والعتب
بعيونه امه اجت تمشي عليه سلمت عليه
شلونك حمدان يمه
الحمداالله خاله انتو شلونكم
والله يا يمه هاي البنيه شلعت كلبي
حمدان...خير خاله شبيه
ام دموع...والله يا ابني مريضه
ويوميه يم المظمد
حمدان...سلامتج بس ليش من كلت ليش دموع
خنزرت عليه شكله شاحب جوه عيونه ازرك
ام دموع...شلعت كلبي ماتاكل يلا يمه احنه
نروح سلملي على امك
حمدان...الله وياج خاله اني شسويت بنفسي
وشسويت ابنت العالم علقته بيه وتالي
عفته لا مستحيل بعد اسكت
طبيت للبيت ادور على ابويه
ام حمدان....خير اكو شي
حمدان...لا يمه ماكو شي
مروه....الله اكبر هسه سلم كول شلونج لو
ما الي وجود
حمدان...مروه ترى روحي طالعه اسكتي احسن
طبيت لغرفة ابويه دا يلبس
ابو حمدان...هلا حمدان شوكت وصلت
حمدان....هسه وصلت يابه اريد احجي وياك
بس بروح امك وابوك هاي المره لا تردني
يابه دموع اريده اريده
ابو حمدان....وليدي شجاك مو عندك مره
حمدان...يابه دموع غير وانت انطيتني كلام
وهاي صار فتره على زواجي
ابو حمدان....زين اصبر منا لفتره
حمدان...لا يابه والله بعد ماكدر اصبر كلي
لو اي لو لا ترى صدك روحي طلعت
ابو حمدان....اني مادري هلكد تحب البنيه
حمدان....كعدت بالكاع حسيت حيلي انهد
اي يابه احبه احبه ودا اجرع المر
باليوم اموت الف موته ....اول مره احجي ويه
ابويه هيج بس من كد ظيم كلبي
ابو حمدان...كوم وليدي ودموع الك من باجر
اني بنفسي اروح وماتصير غير الك
حمدان...كمت بست ايده وطلعت فرحان
ياربي هاي المره سهله عليه
طبيت للغرفه
مروه...ها اشوفك فرحان اليوم
حمدان....مروه اريد احجي وياج بكل صراحه
مروه....خير صاير شي
حمدان....اني راح ازوج وباجر راح اخطب
مروه....شنووووو ليش ليش اني شنو ناقصني
حمدان...ماكو شي ناقصج بس هاي البنيه
من زمان اريده بس ماصارت قسمه
مروه...هاي يابنيه والله اله اسويه فضحيه
شلون تريد تجي على ضره
حمدان....شنو عيدي كلامج والله راسج اكسره
اني انطيتج وجه زايد ازوج غصب عنج
لا عبالج من جيت اكلج معناه اخذ موافقتج
لا متوهمه جيت انطيج خبر
وسديت الباب وطلعت لا هاي الناقصه
نمت بالصاله اصلآ ماعرف نمت لو لا من الفرحه
وجه مروه بعد ماشفته
العصر رحت للغرفه ابدل
مروه...حمدان لا تزوج عليه
حمدان...مو اول واحد اني ازوج
مروه .....حمدان اموت نفسي اذا ازوجت
حمدان...لا تخافين ماراح تسكن وياج
مروه...لعد وين
حمدان...راح اطلعه بيت وحده
مروه...اي عيني بعد ماوصلت بيت بيت وحده
حمدان....اني علمودج تردين بيت وحدج بكيفج
ماريد اظلم احد لبست وطلعت
ابويه واخواني وعمامي الكل راح من دخلنه
اتفاجئو احنه مانطينه خبر هيج رأسن
ابو حمدان....ابو احمد اليوم جينه عليك بطلب
ابو احمد...كول شيخ انت تأمر
ابو....حمدان احنه جينه نخطب بنتكم المحروسه
دموع لابنه حمدان وان شاء الله ماتفشلنه.....اتبع
