قبس

#بارت1

#قبس

بقلم #Noor_H

دايما نسمع انو الحب شعور حلو بالاخص اذا كان متبادل
وحلاته بعذابه
لكن ...!
هم فكرتو بيوم ل اي درجه ممكن يأذيكم الحب والتعلق بالحبيب؟ !
اني عرفت 😔

الابطال

احمد: خريج اداره واقتصاد

30 سنه
اسمر وطويل وعيوني سود
يعني مواصفات عادي

قبس: خريجه هندسه 26 سنه
بنيه محبوبه قصيره حنطيه البشره وعيون خضر 😍

نسرين: صديقه قبس ونفس المرحله والهه دور بالقصه

#البارت1
احمد: اني احمد طالب اداره واقتصاد
عندي 3 اخوان اني الوسط
طبعا كولهم متزوجين وساكنين ويانه بالبيت لان والدتي متقبل يطلعون
وتحب تكون مسيطره ع كل الامور
هي تزوجهم بكيفهه وتأمرهم بكيفهه
ماجنت حاب تصرفات والدتي ودايما اعارضهه بس مهما يكون تبقه والدتي
وهي الي تعبت علينه
لان والدي متوفي من 10 سنين
دائما تحاول تقنعني لحتى اخطب بنت اختهه واني ارفض
مو ارفض البنت نفسهه لا ابدا البنت اصلا مامختلط بيهه ولا اعرفهه هي شنو بس ارفض الفكره
اريد وحده تعجبني افهمهه تفهمني احبهه تحبني
اريد اختياري اني حتى ما ألوم شخص ع اي شي سيئ يصير وياي
اقرب شخص الي هو ابن عمي حسين
جان كلشي يعرف عني يعني روحي وتوأمي
طبعا هو خريج قانون
قصتي بدت لما كنت بالجامعه م4

لما كنا ندرس حسين كان يحب بنيه من الهندسه اسمهه نسرين
اني اعرفهه شخصيا بس مو دايما اشوفهه بس لما تجي ل كليتنا
بيوم كملنا محاضرات من وكت وحسين كالي تعال
وياي للهندسه
احمد:وانت تاخذ حبيبتك وتعوفتي 😒
حسين: هههههه شأسويلك كبل وخلصنه
احمد: لايابه مالي بهالسوالف اني من اقرر اخطب رأسا
حسين: دنجب انت اول الگه وحده تقبل بيك
ديله لاتلغث بس امشي
احمد: الله ياخذك 😒
حسين: حماده حبيبي بنفس اليوم يارب 😂

احمد:رحنا ع الهندسه جانت ساعه 11:30 تقريبا
جانو طلاب هواي بس الخبل راح ع المرسم مال الهندسه
اول مادخلنه صارت بوجهي حوريه 😍😍
ويلاه قلبي
شنو هالعيون
هالمخلوق وين جان
ماشاء الله
اول مره اشوف هيج جمال
بنوته شكلهه طفولي عيون خضر وحنطيه
😍😍😍😍
الحلو بالموضوع انو حسين يعرفهه
خرب يومه يعرفهن كلهن
حسين: مرحبا
قبس:مراحب
هلو حسين شلونك
حسين:الحمدلله تمام وانتي
قبس: الحمدلله
حسين: وين نسرين مااشوفهه وياج
قبس: اي هسه راحت تقدم مشروعهه هسه تجي ماتتأخر
حسين: اها تمام
اي شخبارج شخبار الدراسه!!!
قبس: الحمدلله مسحولين 😁
احمد: احم احم
حسين: هههههههه تصدك نسيتك
احمد: متشوفني مردت اجي وياك 😒
حسين: هههههه نسيت اعرفكم
قبس هذا احمد ابن عمي وصاحبي
احمد هاي قبس صديقه نسرين
قبس: اهلا وسهلا تشرفنا
احمد: 😍😍 الي الشرف والله
قبس: من رخصتكم اروح اقدم المشروع
ونسرين هسه تجي
حسين: براحتج

احمد: لك شنو هالجمال شنو جابه تهريب من الجنه 😍
حسين: ههههههه وازيدك من الشعر بيت مو بس جمال
قمه بالادب والاخلاق
لو تسمع كلام نسرين عنهه
الله يحميهه ويحفظهه لاهلهه
احمد: اميين
حسين: هاااا ولك غرگت 😂
احمد: 😂 والله شكلي هيج
اخيك بعد ماتجي بدوني سمعت 😂
حسين: 😂😂😂😂

قبس: اني قبس طالبه هندسه م3
بابا وماما مهندسين يعني عائله هندسيه 😂
اقرب صديقه الي هي نسرين
اني وحيده اهلي ف هي اكثر من اخت بالنسبه الي
طبعا هي تحب ولد من القانون اسمه حسين
فد انسان خلوق ويموت عليهه
وهي هم كلش تحبه
بيوم هو اجه للكليه بس هي جانت مموجوده وجان وياه ولد بس ماحبيت نضراته
بعدين عرفت انو هو ابن عمه
بعدين استأذنت منهم ورحت قدمت المشروع
لاگيت نسرين
لج حسين اجه منتضرج يم المرسم
نسرين: ياحياتي اتأخرت عليه
قبس: 😒😒 الله ياخذج

قدمت المشروع واتصلت ع نسرين بعدهه وي حسين ف طلعت للبيت
مثل كل يوم غيرت ملابسي واتغديت ونمت وبعدهه ابدي ادرس وقبل ماانام احجي وي نسرين شويه وانام

احمد: بعد ماشفت قبس شغلت عقلي وقلبي
كل ما اصفن تجي ع بالي
قررت اروح مره ثانيه للكليه وي حسين

اليوم التالي ....

قبس: كعدت الصبح سلمت ع ماما وبابا وبدلت وطلعت
وصلت للكليه شفت نسرين وحسين ووياهم ابن عمه

احمد: كعدت الصبح بدلت بدون مااتريك ورحت ع حسين ورحنا ع الكليه
رحنا ل نسرين بقينه نسولف ونضحك وبالي يم قبس شوكت تجي واشوفهه
شويه واجت
قبس: صباح الخير
الكل: صباح الورد
نسرين: وينج ولج صارلي شكد منتضرتج
قبس: امممم اصلا مكيفه ماخذه راحتج 😉
مو حسين
حسين: هههههههههه لا تعزفين ع الوتر الحساس
احمد: ادري هسه انتو واكفين وتتغازلون احنا شنو ذنبنا
حسين: مشكلتلك شكد كلتلك كبل وحتى اخلص منك واخذ راحتي
نسرين: اي احمد صدك شوكت تره ماضل شي راح تخلصون
احمد: هههههه تره مكاعد ع قلبكم
نسرين: اني قبس عندي وحسين عنده احمد 💔
تره مصختوهه ع يوم اتبره منكم
نريد ناخذ راحتنا
قبس: 😒 دگومي كدامي يله راح تبدي المحاضره
نسرين: ههههه سجاجه عابت
قبس: يله عيني من رخصتكم
احمد: براحتج عيني 😍

قبس كلش عجبتني
ويمكن حب من اول نضره 😂😂
بس من صدك بيهه براءه اطفال
بس يعجبك تباوع عليهه
صرت كل يوم اروح وي حسين لحتى اشوفهه

بس حسين جان يشك بيه ويسأل بس اكوله ماكو شي
الا ان بيوم كلش لح عليه
ف حجيتله انو معجب بيهه
حسين: اخييراااا ههههه لك احسن شي صار
والله تستاهلهه خوش بنيه دره من الله
الله يكتبهه من نصيبك
احمد: بس مااعتقد
حسين: ليش
احمد: عمتك وقبس
ممكن تكون معجبه بشخص او تحب شخص او اني مو طموحهه
وعمتك يرادلهه واحد يقنعهه
حسين: عمتي ابوي يقنعهه وقبس نخلي نسرين تجس النبض
احمد: ياريت والله
حسين: تمام هسه اخابرهه

قبس: مشت الايام عاديه ماكو شي جديد
حسين وابن عمه زادت جيتهم وكمت اضوج من ابن عمه
ف احاول ماابقه يمهم هواي
الى ان بيوم اجت نسرين
وجانت تريدني بموضوع مهم

يتبع ....