قبس

#بارت14

#بارت14

من سمعت خبر خطبه احمد متت قهر
قبس: اهاا ع الخير
يتهنون ان شاء الله
ام احمد: وليش تكوليهه من وره خشمج
احمد: يووووم
قبس: لا ابدا كلش فرحانه اله
الله يهني
دنگت راسي
ولزمت ايد احمد الصغير ردت اروح
انتبهت للحلقه الي منزعتهه ابد
قبس: بس سؤال اشتريتو الحلقات لو بعدكم
ام احمد: باجر ناخذ العرسان ونروح 😏
قبس: تمام
اتقدمت يم احمد
وحجيت بصوت مقهور ومخنوگ
شوف استاذ احمد 😔💔
هاي الحلقه جابهه الي خطيبي قبل 3 او 4 سنين
من يوم الي لبسهه الي منزعتهه
بس للاسف خطيبي راح ومارجع واليوم سمعت خبر وفاته💔
شوف موديلهه يمكن يعجبك جيب مثلهه الك ولحبيبتك
شوف حتى اسمائنا وتاريخ لقائنا موجود
شي حلو وموديل احلى يجوز يعجب العروس
حطيتهه ب ايده وباوعت لعيونه
وجهه ميتفسر استغراب ع غضب مااعرف شنو صارله
نزلت دمعته يمكن اتفاجئ ب تصرفي
بس مكدرت اسكت وماله داعي باقيه لابستهه ليهسه
اخذت احمد الصغير وطلعت
اجه وراي حسين
حسين: قبس انتضري
قبس: توصلني لو اروح تكسي
حسين: تعالي اوصلج بس اهدئي
قبس: اخذني حسين ع البيت ودمعتي ع خدي
بقيت احمد الصغير يم امي ورحت ع غرفتي قفلتهه وبقيت ابجي
اجت امي حاولت وياي بس مفتحت الباب
انهاريت تماما

احمد: وصلت قبس ع اهل نسرين وطلعنه اني وحسين اتغدينه بره لان البيت كله نسوان للعصر خابرت امي لحتى اوصلهم
رجعت لگيت قبس وياهم
شويه وراحت جابت جنطتهه من رادت تطلع گالتلهه امي ع خطبتي
انقهرت حيل
بس الي استغربت منه
انو نزعت حلقتهه وانطتهه الي
اباوعلهه اي هي حلقتنا
اني جبتهه الهه
بس شلووون
حسيت راسي راح ينفجر
النوب كالت منازعتهه من 3 سنين
يعني من اني لبستهه الهه
وكالت اليوم خطيبي مات
يعني جذب مجانت متزوجه
يعني كل هالمده جانت منتضرتني
اخذت احمد وطلعت راح وراهه حسين
طبعا مو مستوعب الي جاي يصير
گمت اصيح ع امي

شنووو هاااي
احجي شنو هاااي
مو گلتي قبس اتزوجت وسافرت 😡
مو گلتي باعتك
شلون
احجي
لييييش شجاي يصير
ام احمد: ها ما ادري
احمد: شنووو ماتدري
بصياح
انتي شنوووووووو
شنو متدرين
نسرين احجي الله يخليج
قبس اتزوجت بعدي لو لا
نسرين: من يوم الي اجه خبر استشهادك قبس ماتت بقت بس جسد بدون روح
رفضت ترتبط ب اي شخص
لان جانت تحبك
بعدهه اني سافرت وهي ابوهه اخذهه
بعد ماانت رجعت وتقابلتو جانت تريد تعاتبك لان مسألت عنهه بس انت جنت موراضي تسمعهه ولا تسمع احد
حتى حسين جان يريد يكولك شكد اتأذت بسببك شكد عانت
شكد انتضرتك بس مجنت راضي تسمع شي
احمد: اني اسمع ومصدوم
باوعت لامي 😢
انتي هم حاسبه نفسج ام
هاااااا احجي 😡😡😡
هم حاسبه نفسج ام
لج انتي جنتي تشوفيني اتعذب وسكتتي
جنتي تشوفيني شكد اتأذه بغيابهه ليييييش
بشنو اذتج قبس
لييييش احجي 😡😡
من اليوم وجاي ماعندج ولد اسمه احمد اعتبريني ميت
طلعت رأسا اجه حسين
اخذني وبقينه نفتر
بعدهه رحنا ع شقتي الي جنت مجهزهه لزواجنا والي مدخلتهه لان كالولي قبس اتزوجت
حسين: اهدء
احمد: ش اهدء
لك دمرت البنيه 😭
تدري شنو سويت
جنت ملهوف حتى اشوفهه واحضنهه
جنت احلم باليوم الي تصير بي حلالي 😭
رجعت كالولي راحت تزوجت باعتك وراحت لغيرك
جانت تتوسل بيه لحتى اسمعهه
كل يوم تجي تشوفني ومجنت ادير الهه بال 😭😭
كل هالسنين هي منتضرتني وجانت مخلصه الي
شوف بشنو جازيتهه
شوف شنطيتهه مقابل صبرهه
لك حسين من صدك قبس راحت راحت مني 😭😭😭😭

كلش انهاريت مجان ابالي شي غير قبس شنو وضعهه
صارت ساعه 9
اخذت حسين ورحنا ع بيتهم
ابوهه مجان يعرف بالموضوع لان قبس حابسه نفسهه بالغرفه
نسرين رفضت تساعدني وگلتلي قبس عانت بسببي هواي خليهه بحالهه 😭

قبس: مااتمنى احد يحس ب الي اني حسيت بي لا حبيب ولا عدو
الليل كله اني ابچي وقافله عليه الغرفه
حتى بابا حاول شكد بس مفتحتهه
نمت ع گد مابجيت
ثاني يوم گعدت وجنت اتمنى حياتي مجرد حلم
بس للاسف كلشي صار جان واقع
غسلت ونزلت لاهلي
حماده اول مشافني اجه وحضني
حبيبي جان خايف
طمنته وهديته
طمنت اهلي بس مجانو مرتاحين لوضعي
قررت اقلب صفحه احمد بحياتي
ابدي من جديد
اموت قبس الي بداخلي واحيي قبس جديده
قبس ميهمهه بعد او قرب احد
قبس الانانيه الي تهتم براحه بالهه وبس

قبس: قررت ابدي من جديد
اول شي وصلت احمد لاهل نسرين
منزلت بس طلعتلي امهه سلمت عليهه وانطيتهه احمد الصغير
رحت للصالون غيرت كلشي بيه
صح اني محجبه بس اتغيرت لخاطر نفسي
صبغت شعري وهاي اول مره طبعا
غيرت رسم حواجبي
رحت للسوگ اشتريت كومه اشياء
ملابس وجنط واحذيه وكلشي جديد
رحت ع مطعم اكلت وكملت بقيت افتر بالسياره
للمغرب رجعت لاهلي
طبعا موبايلي عايفته بالبيت لگيته كله رسائل ومكالمات من نسرين وحسين واحمد
ومواقع التواصل كولهه مسجات ومكالمات منهم
مااهتميت قفلت الجهاز
جهزت اوراق دوامي لحتى اداوم وابدي من الصفر

يتبع....