قبس

#بارت7

#بارت7

احمد: خلص وقت اجازتي ولازم ارجع وي جماعتي
قبس بعدهه متخوفه من الموضوع
طبعا حقهه لان احنا اصلا رايحين ع الموت
الي شفناه هناك مو شويه
الله يساعد اهل الموصل شلون عايشين
بس مكلتلهه شي بس طمنتهه

قبس: احمد رجع وي جماعته
خوفي عليه يزيد يوم بعد يوم
مرت الايام واحمد لو يتصل 5 دقايق لو ميتصل
بدينه نجهز لزواجنه لان منعرف ب اي وقت احمد ممكن ينزل
اختارينه بدله اني ونسرين
حسين اختار القاعه واتفق وياهم وفهمهم الوضع وبقه ع الاتصال يعني من احمد يتصل نروح نحجز
مر شهرين ع احمد وهو بالحرب
قلبي مابطل خوف عليه
ل يوم من الايام خابرني ساعه 2 الضهر

احمد: الوضع من سيئ الى اسوء
طبعا مااحجي شي ل قبس لان مااريدهه تخاف
لما مااتصل اطلع حجه بالشحن انو ماكو شحن والوضع ميسمح انو جهازي دايما بي شحن
طبعا متصدكني بس نوعا ما تقنع
مر شهرين وكدرت اقدم ع نزول وتحدد يصادف يوم ثلاثاء
يوم السبت خابرتهه
شلونج حياتي
قبس: مشتاقتلك 😔
طمني عنك
احمد: اني تمام ال تمام
وابشرج الثلاثاء اني يمكم
والخميس تكونين الي 😍
قبس: اهم شي عندي تكون بخير وترجع بسلامه وغير شي مو مهم كله يجي
انت بس تعال 😔
احمد: ههههه لاتخافين يروحي
تدرين اني احبج ☹
قبس: واني هم 😔
احمد: انتي شنو 🙄
قبس: 😒 اني هم
احمد: شكد بخيله
يله گوليهه حتى اروح اتغده
قبس: ههههه روح اتغده وتعال وبعدين اكولهه
احمد: ليش ولج ☹
قبس: اذا كلتهه هسه ماراح ترجع تحجي وياي ☹
احمد: ههههههه عابت
زين اروح اتغده واجي
قبس: تمام 😍

كلش ارتاحيت من اتصل احمد
مبقه شي كلهه يومين ويجي
انطيت خبر ل اهلي ول نسرين
هم جان حسين يعرف لان محاجي
صارت ساعه 4 العصر واحمد مااتصل
اتصلت عليه يدگ وميشيله
گلت اكيد التهه فد شويه وارجع اتصل
جنت كلش فرحانه بقرب جيه احمد
كلش مشتاقتله
صارت ساعه 8 بابا كال نطلع نتعشه بره
وفعلا طلعنه وتونسنه
رجعت ب 11 واحمد ماكو منه خبر
دزيت مسج ل نسرين كذلك ماعدهم خبر
بده الخوف والقلق يسيطر عليه
الليل مانمته واني منتضره منه خبر
ثاني يوم نتصل مغلق ماكو واحد گدر يعرف عنه شي
اني اتخبلت
اكيد صايرله شي
امي تهدي بيه ماكو
اتصلت ع نسرين واجتني
بس بالي كله يم احمد
اكيد صاير شي
مر اليوم عليه ب سنه هم ماكو خبر منه
جهازه مغلق ومنعرف شي عنه
مابيدنه غير الدعاء
مر يوم وثنين وثلاث واحمد ماكو
اجه الخميس وهم ماكو اي خبر
اني انهاريت مامعقوله هيج
اكيد بي شي
اهلي ونسرين يهدون بيه واني مو يمهم ابدا
كل دقيقه اتصل ع احمد ع امل انو يرد
حالتي صارت مأساويه
مر اسبوع ع هالحاله
بيوم اجاني والدي هو ونسرين وامي
گالي اليوم اجانه خبر من احمد
قبس: اي وينه 😭😭 ليش مايرد عليه
كولوله زعلانه منه
ابو قبس: بابا اهدي حبيبتي
كلنه ع هالطريق
احمد انطاج عمره 😔
قبس: ههههههههههه شنو هالشقه تره مااحبه
وينه احمد وينه
اصلا اني زعلت عليه
طلعت من الغرفه وكلي امل الگه احمد بالصاله
بس ملگيت غير حسين واخوه منذر
ودمعتهم ع خدهم
طبعا طلعت الهم بدون حجاب جنت فاقده كلش
حسين وينه هذا صاحبك
كوله خلي يجي شنو ميريد يراضيني
حسين: لاتسوين هيج الله يخليج
احمد راح راااح 😭
قبس: هههههه حتى انت طبعا صديقه لازم توگف وياه
بابا كوله زواجنه مايتم الا يجي يصالحني
نسرين: حبيبتي قبس تعالي
احمد بعد ماحجه وياج صاير عليهم هجوم وراح من عدنه 😭
قبس: انتو جذابين جاي تضحكون عليه
ماما عفيه كوليلهم هيج موضوع مينضحك بي
منذر كولي الله يخليك كولي وين احمد
منذر: قبس البقيه بحياتج
احمد راح من عدنه 😭

قبس: مو گادره اصدك شي من الي يگولو احمد وعدني ميعوفني
اصلا جان فرحان بموعد زواجنه
گالي انتي الي
بنيت احلامي وياه
مستحيل يروح
لا مايروح ويعوفني
ام قبس: ماما شجاي تحجين وي روحج
قبس: ماما احمد مستحيل يعوفني انتو فاهمين الموضوع غلط
احمد وعدني يرجع ونتزوج 😭😭😭😭
لالا جاي تجذبون عليه
احمد وينك
وين وعدك الي
مو كلت نبقه للابد
مو كلت مااعوفج
مو كلت بس اتغده واجي
تعال الله يخليك
اني مكلتلك احبك حتى ترجعلي
تعال بس اكولك شكد احبك وبعدهه روح 😭😭
احمد والله احبك لاتروح وتعوفني
مااكدر بدونك 😭
الله يخليك ارجع لاتسوي بيه هيج

حضنتني نسرين واني مو مستوعبه شي
ماگمت اسمع شي ولا اشوف شي نهائيا
كوله ضلام

بعدين شفت نفسي گاعده بمكان مثل الحديقه
شويه واجه احمد گعد يمي
قبس: حبيبي گلتلهم جذب احمد مستحيل يعوفتي بس محد صدكني
احمد: 🙂 منتضرج تجيني لا تتأخرين عليه
كلش مشتاقلج

فتحت عيني لگيت نفسي بالمشفى
واحمد مموجود
صيحت وبجيت اجو الممرضات ضربوني ابره وبعد ماحسيت ع شي

هنا انتهت حياتي
خسرت حبيبي
راح بعد مااشوفه
حياتي مجرد مرور وقت لا اكثر
يومي عباره عن صور احمد بالتلفون اباوع بيهن واحجي وياه وابجي
اهلي فكرو اني خلاص اتخبلت
نسرين تجي كل يوم تبقه وياي بس مااهتم لوجودهه ومرات انسه اني منو وليش عايشه
احمد راح واخذ حياتي وياه

نسرين جابت ولد وسمته احمد
صار عمر احمد الصغير شهرين جابته واجتني
نسرين: قبس شوفي احمد الصغير
شوفي شكد يشبه احمد الكبير
قبس: اباوع بي شكد حلو عيونه مثل عيون حبيبي
اخذته بوسته وحضنته
وبقيت ابجي
ياريت احمد يرجع ولو يوم واحد 😭😭

مرت الايام عليه بثقل الجبال
الي مهون عليه وجود احمد الصغير
كل يوم يجيبو الي من الصبح لليل

احمد مر ع غيابه سنه
كل يوم اتأمل يجي
كل يوم اباوع ع تلفوني ع امل انو يتصل بيه بس ماكو مااجه
عايشه ع امل انو يرجع بيوم او اني اموت واروحله
حيل مشتاقتله
خلاني احبه وراح
علقني بي وعافني
گلي ماراح اعوفج بيوم
ليش عافني 😭😭

حسين اجته بعثه دراسه ماجستير بالخارج
ولازم نسرين تروح وياه
وفرقونه اني واحمد الصغير
هو الجان الي ينطيني امل بالحياه
هم اخذو مني

بعدت عن العالم وعن اهلي
مااحجي وي احد ولا اشوف احد
بس مكابله صور احمد بالموبايل وگاعده
بابا ماعاجبه هالوضع لان تقريبا سنه اني هيج
قرر ياخذنه اني وماما ويسافر بالاول اعترضت بس ماقبل
حجز كلشي وجبرني ع السفر لحتى اغير نفسيتي
وماقبل ابقه لابسه الاسود هم عرك وصياح ياله نزعته
بس الحلقه مقبلت انزعهه
گلتلهم تخسروني
مو كافي بعدتوني عنه يمكن بيوم يجي وميلاكيني
ابو قبس: شنو يجي وميلاكيج
بابا احمد مااات افهميهه مات
قبس: ههه هاي بس عدكم
احمد عايش بكل جزء بيه 😔
احمد مامات ولا راح يموت بداخلي
وراح اعيش بس ع امل انو يجي يوم واشوفه
لو ميت صدك ليش مجابو جثته ليش 😭
ابو قبس: استغفر الله
بابا مايصير تسوين بنفسج هيج كافي شبقه بيج مو ذبحتي نفسج

قبس: بقينه عايشين ب روسيا
بابا قدملي لحتى ادرس ماستر ع امل انو التهي ب الدراسه
فعلا بديت ادرس
نفسيتي بدت تتحسن نوعا ما
نسرين من بعد سفرهه ماعرفت عنهه شي
قررت ابدي حياه جديده
بس بعد عندي امل انو احمد يرجعلي

يتبع...