#بارت2
قبس: بيوم اجتني نسرين
نسرين: قبس عندي موضوع كلش مهم وياج
قبس: يا الله خير
نسرين: اكو واحد كلش معجب بيج
ويريد يتقدملج
شتكولين
قبس: هههههههه شنو شاربه اليوم
نسرين: لج جاي احجي صدك والله
قبس :بابا دروحي شنو معجب شنو هالحجي
نسرين: هسه اعرفي منو وبعدين احجي
قبس: مااريد اعرف ولاتعيدين هالموضوع تره نخرب
نسرين: لج لشوكت تبقين ترفضين
قبس: ماادري بس مااريد مو غصب
نسرين: ماشي بس اذا خسرتي متلاكين مثله
قبس:اي مو هو اخر قطعه
نسرين: ماشي ابقي هيج لما تندمين
قبس: نسرين اخذت ع خاطرهه مني وعافتني وراحت
بس بقه ابالي كلامهه من تكول لو خسرتي متلاكين مثله
زين منو وليش ماالاكي مثله
احمد: حسين حچه وي نسرين بس قبس رفضت
رفضت بدون متعرف منو
كلش ضجت وحسيت خلاص خسرتهه
بس مااستسلمت وقررت ابين الهه اعجابي بدون مااگوللهه
كل يوم اروح للكليه اسلم عليهه واسألهه اذا كانت محتاجه شي
ساعات احسهه تضوج مني بس مااهتم المهم اخليهه تحس ب اعجابي
قبس: بعد مرفضت طلب نسرين حسيتهه ثگلت وياي يعني مو مثل قبل
احمد كل يوم يجي يسلم ويسأل اذا كنت محتاجه شي
ماعرفت سبب تصرفه وهو ع طول السنه هيج
بدينه امتحانات نهايه الكورس الاول
اخر امتحان اجتني نسرين
نسرين: قبس باجر يجي حسين يخطبني
قبس: اهاا
واني اخر من يعلم! !!!
نسرين: هذا الي صار
قبس: ماشي
الله يهنيكم ويتمم الكم ع خير
تستاهلون كل خير
نسرين: قبس اسفه لاتزعلين مني
قبس: لا ليش اصلا شنو اني وازعل
هاي حياتج وانتي حره بيهه
الله يهنيج
نسرين: لج والله مقهوره عليكم
وسويت هيج بلكي تحسين بس ابد ولا رفلج رمش
قبس: ليش مقهوره
وعليكم! ! منو احنا
نسرين: شوفي الولد الي كلتلج معجب بيج ف هو احمد ابن عم حسين
والولد كلش يحبج
كل يوم يجي يحجي وياي ع امل انو تحسين بي
الله يخليج فكري بي
قبس: من حجت نسرين هيج اتذكرت نضراته وشلون جان يجي يسأل
لج نسرين افهميني مااريد ارتبط ب احد
مااريد ااذي احد ولا احد يأذيني
نسرين: وهسه انتي مامأذيه احد! !!!
قبس: 😔😔😔😔
نسرين: ياعيني فكري الله يخليج
احمد: حسين قرر يخطب نسرين
فرحتلهم وتمنيت يجي يوم وقبس تقبل بيه
اخر يوم الامتحانات رحنا ع نسرين لگيناهه وي قبس
حسين: سلام
قبس: اهلا بالعريس
حسين: هههههه شلونج خيتي
قبس: الحمدلله انت شلونك
معنوياتك عاليه 😉
حسين: هههههه طبعا حلمي وراح يتحقق
قبس: ههههه الله يهنيكم ويتمم ع خير
احمد: شلونج قبس
قبس: الحمدلله الله يخليك
انت شلونك
امتحاناتك شلونهه
احمد: الحمدلله ماشيه
قبس: من شفت احمد تغيرت نضرتي اتجاهه يعني عرفت انو تصرفاته من الاهتمام
بس مااهتميت كلش عادي يعني
اجت عطله نصف السنه وحسين خطب نسرين واني وياهه بكلشي وعقدو وصارت زوجته شرعا وقانونا
والعرس يسوو بالعطله الكبيره بعد ميتخرج حسين
احمد: خلصت العطله واني ملتهي وي حسين بالمشيه وبعدين العقد والهوسه
قبس مره وحده شفتهه وي نسرين
خلصت العطله وبدينه دوام
اول يوم رحت ملهوف لحتى اشوف قبس بس ملگيتهه 💔
جانت ممداومه
سألت نسرين كالت مااعرف مخابرتني ولا شي
طلبت منهه تتصل عليهه بس ماردت
قبس: خلصت العطله وبده الدوام
اول يوم كعدت الصبح كلش راسي يأذيني ودايخه
ماما ماقبلت اداوم
رجعت نمت وماكعدت الا بالليل لگيت التلفون كوله مكالمات من نسرين
رجعت اتصلت عليهه وطمنتهه
احمد: كمل الدوام واني بالي يم قبس بالاخص انو هي مترد ع اتصالات نسرين
كمل الدوام ووصيت نسرين بس تعرف شي عنهه تتصل بيه
وفعلا ساعه 8 بالليل اتصل بيه حسين وطمني عن قبس بس كالي هي تعبانه
خفت عليهه عبالك قطعه من روحي
بالكوه خلص الليل بس اريد اطمن عليهه
من الصبح رحت للكليه مالتهه وبقيت منتضرهه لما اجت
شكلهه تعبانه وعيونهه نعسانات 💔
قبس: كعدت الصبح بس بعدني تعبانه ماما مقبلت اداوم بس اصريت انو اداوم
من وصلت لگيت احمد گاعد بالاستعلامات اول ما شافني اجه عليه
احمد: الحمدلله ع السلامه
خيرج شبيج
قبس: هلو احمد
هههه مبيه شبيك ع كيفك
احمد: خوفتينه عليج يمعوده
شلون صرتي
قبس: الحمدلله احسن
احمد: الحمدلله
عفيه ديري بالج ع نفسج
تره ماعدنه غير قبس وحده
قبس: ههههه لايضل بالك
نسرين: صباح الخير
حياتي الحمدلله ع السلامه
قبس: الله يسلمج هاي شبيكم مخبوصين
حسين: والله اكو واحد خبصنه خبص 😉
قبس: 😊
حسيت ب خوف احمد عليه ولهفته لما شافني
دخلنه محاضره بس بنصف المحاضره واستأذنت لان حسيت نفسي تعبانه
طلعت گعدت بالسنتر اجت نسرين
شبيج ولج
قبس: مااعرف بس تعبت
احمد: رحت ع محاضرتي بس بالي يم قبس شكلهه تعبانه
بالمحاضره واتصل عليه حسين
نسرين اتصلت عليه وقبس تعبانه
رحت عليهه شفت وضعهه قلبي اذاني عليهه
رأسا اخذناهه ع المستشفى
شدولهه مغذي وابر ومااعرف ايش
خطيه عدهه فقر دم 😔😔😔
كملنه واخذناهه ع بيتهم
وطبعا حجه حتى اخذ رقمهه من نسرين
قبس: تعبت بالدوام واحمد اصر ياخذوني ع المشفى
بعدهه رجعت للبيت دايخه وتعبانه
رأسا نمت
كعدت ب 9 لكيت رسائل من رقم غريب
اخر رساله جان كاتب بيهه اني احمد طمنيني عنج
رديت عليه عادي هم جان كلش خايف
احمد: منا لما رجعنا واني بالي يمهه
دزيت مسجات كومه
بالليل ياله ردت عليه
ردت روحي وياهه
احمد: شلون صرتي
قبس: الحمدلله احسن
احمد: باجر ماداعي تداومين ناخذلج اجازه هالاسبوع
قبس: لا ابدا ماله داعي صرت زينه
احمد: لاعيني كلنا ماتداومين 😒
وحجيت وي نسرين وماراح تداومين
قبس: هههههه مقررين عني
احمد: اي عيني شعبالج
زين اتعشيتي
قبس: اي نعم
شالسالفه صايرين امي وابوي 😑
احمد: هههههه هيج ياله تسمعين الكلام
ديله هسه روحي ارتاحي ونامي
وعوفي المحاضرات والتلفون
قبس: ههههه ان شاء الله
مشكور ع السؤال
تعبتكم وياي
احمد: والله ازعل منج اذا تعيديهه
قبس: ههههه ماشي مااعيدهه
تصبح ع خير
احمد: تلاگين الخير يارب
سديت التلفون ورحت ب احلام ورديه بطلتهه قبس 😍
قبس: سديت الجهاز واني ابالي جمله نسرين لما كالت ماتلاكين احد مثله
خابرت نسرين طمنتهه وبعدهه اخذت العلاج ونمت
يتبع ...
أنت تقرأ
قبس
Romansaعندما نحب يجب ان لانصدق احدا غير الحبيب عندما نحب ننتضر من نحب الى ان يفنى بنا العمر عذاب الحب لذته وما يكتبه الله لنا سنناله سواء شئنا ام ابينا
