#بارت5
قبس: اخر يوم من الامتحانات احمد طلب مني افاتح اهلي بالموضوع
وفعلا بالليل حجيت وي ماما
ام قبس: ورائد؟ !
قبس: اني حجيت وي بابا وگلتله ب رأيي
ام قبس: زين انتي تحبي ل احمد؟ !
قبس: لا ماما مو لدرجه الحب
بس يعني هيج ارتاحله والاهم من هذا كله هو يحبني وشاريني
ام قبس: شوفي ماما اني الي يهمني سعادتج وي منو ماكان
خلي احجي وي ابوج ويصير خير
قبس: ماشي ماما
بعد يومين اجه بابا لحتى يحجي وياي
ابو قبس: امج گالتلي اكو ولد متقدملج وانتي موافقه
قبس: لا بابا شنو موافقه
اني موافقتي من موافقتكم
مالي رأي من بعدكم
ابو قبس: زين ورائد
قبس: شبي
اني گلتلك ب رأيي بي
ابو قبس: والله يا بنتي ماادري ش اكولج
خايف لايزعل عمج مني
ومن جهه رايد سعادتج ومستحيل اخليج تعيشين وي شخص مو حابته
زين خلي اقابل الولد وبعدين نقرر
قبس: ان شاء الله شوكت تحب يجيك
ابو قبس: الخميس خلي يجيني لهنا للبيت
قبس: اوك 🙂
احمد: بعد ماكملت قبس امتحانات حچت وي امهه وابوهه وگالتلي ابوي يريد يقابلك قبل مايقرر
مااچذب عليكم بس خفت شويه
خفت ليكون ابوهه يريد الهه واحد غني كلش او اباله مواصفات للشخص الي يتزوج بنته
اجه الخميس ورحت لبيتهم
بالاول استقبلني استقبال كلش حلو
بعدين سألني عن اهلي وعن والدي
ارتاحيت لوالدهه نوعا ما
مبين انسان مثقف وخلوق
سألني تحبهه
احمد: الصراحه لو اختهه
ابو قبس: ههههه بنت عمهه
طبعا الصراحه
احمد: بالبدايه جنت بس معجب بيهه
يوم بعد يوم بعد يوم صارت اغلى من روحي
كنت اروح وي حسين بحجه نشوف نسرين بس حتى اشوفهه واحجي وياهه
يوم الي ما اشوفهه مااعتبره من عمري
ابو قبس: لو صارت من نصيبك كل هالحجي راح يبقه مثل ماهو لو يتغير
احمد: اني طلبتهه من ربي ومن ابا الفضل وانطيتهم وعد اني احافظ عليهه لو رزقني ربي بيهه
ابو قبس: الله يقدم الي بي الخير
ان شاء الله نرجعلكم خبر بعد كم يوم
احمد: براحتكم عمي واي شي تردون تعرفو اني حاضر وتكدر تسأل حسين او نسرين
ابو قبس: ان شاء الله
قبس: بابا خايف من زعل عمو ابو رائد
اتصل عليه وگاله انو شخص اتقدملهه وهي موافقه
مااعرف التفاصيل الي صارت بس الي اعرفه انو زعل
وقرر بابا يروح ل كربلا يتناقش وياه
احمد جان خايف ليكون يرفض
مااجذب واكول مجنت خايفه لان اتعلقت ب احمد كلش
بعد يومين ابوي رجع من كربلا وتصالح وي عمي ووافق ع احمد
احمد: مر كم يوم ع مقابلتي وي ابو قبس
عشت هالايام ع اعصابي الى ان حاجتني قبس بالليل
قبس: احمد راح اكولك شي بس لاتزعل الله يخليك
احمد: فدوه لاتكوليلي ابوج رفض
صارلي كم يوم عايش ع اعصابي
قبس: انت تدري عمو جان رايدني ل رائد وكلش زعل من سمع بالخبر
وابوي راح ل كربلا حتى يشوف رأيه بالموضوع
احمد: ورفض موو ☹☹☹☹
قبس: 😔😔
احمد :خرررررب
رأسا شمرت التلفون بالگاع من حرگتي
لييييش ياربي
بقيت محتار شنو اسوي وشلون اتصرف
مرت نصف ساعه
تذكرت انو قبس منتضرتني
لميت الجهاز جان مطشر كل شي بجهه
وفتحته لگيت منهه رساله ردت روحي بيهه 😍😍
قبس: بعدني مكلتله شي بس ردت اتشاقه وياه
اختفى
دزيتلك مسجات
يمعود
وينك
جذب والله ابوي وعمي وافقو
ابوي راح يراضي عمي لاغير
احمد: قبس والله مابيه شقه
كوليلي الصدك
قبس: اي والله ابوي وافق وكال خلي اهله يجون
احمد: 😔 ليش هيج تسوين بيه
والله مابيه لهيج اخبار
قبس: اسفه بس جنت اتشاقه ماعبالي راح تضوج هيج
احمد: لج شلون مااضوج
لج انتي صرتي كلشي بحياتي
اليوم الي مااحجي وياج لو مااشوفج احسه مو من عمري
انام واكعد ع حلم يجمعنه سوه
قبس شنو انتي متحبيني متريديني ليش هيج تسوين بيه
قبس: اسفه والله 😔☹
احمد: قبس هسه ماكو شي يخوفج
اهلنه ونعرف ارائهم
هسه كلشي ب ايدينه
الله يخليج جاوبيني ترديني لو لا
تحبيني لو جاي تحجين وياي مجامله
قبس: اجذب عليك لو گلتلك مااريدك
مااعرف شنو الحب حتى اكولك حبيتك او لا بس الي اعرفه اني تعودت عليك
مااريد يومي يمر بدون متكون الك بصمه بي
مااريد يمر فرح بحياتي وانت متشاركني بي
اذا كان هذا حب ف اني اي احبك
واذا كان اعجاب ف اي معجبه بيك
احمد الله يخليك لاتعوفني بيوم
احمد: قسما بالله ميفرقني عنج غير الموت
لج انتي هديه من ربي
{ اريــد انـسان...
مامحبوب صالح للعشگ مسموح💞
قلبــي لقـلبـه بــس مفـتـوح 💕}
(علي جمال الكعبي👆)
احمد: بعد موافقه اهل قبس دزيت امي ونسرين وزوجه عمي (ام حسين)
طبعا امي مو كلش راضيه بس راحت واتفقو ع كلشي
بس جان شرط اهل قبس انو ماكو زواج الا لبعد التخرج
وامي متقبل بهالموضوع وبقيت حاير بهالسالفه وتريد عقد وزفه سوه مااعرف ليش
واني جان ابالي بس نعقد حتى اضمنهه الي وبعد ماتتخرج نتزوج
يمكن عبالهه ابطل او شي ماادري
الى ان توصل حسين ل رأي يرضي الجميع
قبس: اجو اهل احمد وياهم نسرين وام حسين
اتفقو وي ماما
بس حسيت انو ام احمد مو راضيه بالكوه تحجي وعبالك بس هي بالدنيا
بس مااهتميت يكفيني حب احمد وخوفه عليه
اكيد راح يكون وياي بكلشي
كان شرطنه انو الزواج بعد التخرج
وكان رأي احمد بس نعقد بس والدته مقبلت كالت تعقدون وتتزوجون سوه بنفس اليوم 🙄🙄
توصل حسين ل حل يرضي الجميع
وهو نلبس الخواتم (الحلقات) حتى نكون كدام العالم مرتبطين وبعد التخرج العقد والزفه سوه
طبعا رضينا بالموضوع
سوينه حفله بسيطه بس اهلي واهله
ولبسنه الخواتم ورضينا كل الاطراف 😍
طبعا جانت الخواتم منقوشه عليهه اسمائنه
قبس ❤ احمد
وبي التأريخ الي احمد شافني بي لاول مره 😍
#يتبع....
أنت تقرأ
قبس
Romanceعندما نحب يجب ان لانصدق احدا غير الحبيب عندما نحب ننتضر من نحب الى ان يفنى بنا العمر عذاب الحب لذته وما يكتبه الله لنا سنناله سواء شئنا ام ابينا
