قبس

#بارت11

#بارت11

قبس: كلش اتأذيت بهالفتره
حبيبي الي انتضرته كل هالسنين مو رايدني
متأذيه بوجوده وبغيابه
گدامي وگبال عيني وميريدني
گبال عيني ومااكدر احضنه 😔😔
لشوكت ابقه بهالعذاب

مرت الايام واحنا ع هالوضع
كل يوم اروح اشوفه من بعيد
طبعا هو حتى لو يشوفني ميحجي وياي ومن اريد احجي يعوفني وحدي ويروح

بيوم جنت حيل تعبانه ومتضايقه من الي جاي يصير
مو فاهمه شي بحياتي
مو فاهمه ليش احمد هيج يتصرف شنو صار ليش ميريدني
واني بهاي الدوامه دخلت عليه للغرفه نسرين
قبس: معقوووله 😳😳
نسرين: اي ولج معقوله
شلونج شخبارج لج مشتاقتلج مووووت 😘😘😘😘
قبس: واني اكثر يروحي 😍
حضنتهه وبوستهه
جنت من صدك محتاجتلهه
بقينه نسولف عن اخبارهه
قبس: لج شوكت اجيتو
نسرين: البارحه
لج شكد حاولت اتواصل وياج بس ماكو عبثا
قبس: 💔 اعرف اني اصلا انقطعت عن العالم
نسرين: احمد رجع
قبس: اعرف ومو راضي يحجي وياي ولا يفهمني ليش هيج يتصرف
نسرين: هسه حسين وصلني وراح اله
قبس: ماكو فايده ماراح يكوله بشي
اي احجيلي شخبارج احوالج
نسرين: حسين اخذ الماستر
حماده صار 3 سنين
وقبس جايه بالطريق
بعد شهر تقريبا
قبس: ياروحي 😍😍😍
حماده وين
نسرين: يم امج
قبس: يله تعالي ننزل كلش مشتاقتله

بقيت نسرين يمي اليوم كله
حماده فدوه لقلبه 😍 فد محبوب بشكل
اموووت عليه

مرت الايام واني كل يوم نهايه الدوام اروح ل نسرين اخذ حماده لليل وارجعه
اخذه للمتنزه او للسوگ او للمطعم
يعني عبالك ابني
كلش اتعلقت بي وهو هم حب الطلعات وياي
قربت ولاده نسرين
جهزنه جهاز بنوته الي هي قبس الصغيره 😍😍
كلش منتضره جيتهه 😍
يارب ابعثلهه ايام حلوه احلى من ايامي 😍

احمد: مرت الايام وقبس كل يوم تجي للمكتب مالتي تباوعلي من بعيد وتروح
لو تحاول تحجي وياي واني ماانطيهه مجال
جنت اشوف انكسار بعينهه
جنت اكول ل نفسي يجوز ابن عمهه عايفهه وهسه تريد تجيني
بس بالليل ابقه الوم بنفسي شلون هيج اعاملهه
شلون جان حبي الهه وشلون صار
اجه حسين من السفر
كلش فرحت بجيته
ماخذ ماستر بأمتياز
عنده ولد اسمه احمد شفته شويونه
ومنتضرين بنوته
بيوم خابرني گالي جايك
اني بدلت وانتضرته
مر عليه اخذني ورحنا كوفي شوب
حسين: اي احجيلي
احمد: شنو
حسين: سالفتك
سمعت متريد قبس
احمد: اي نعم صحيح
حسين: ليش
احمد: حياتي واني حر بيهه
حسين: تخبلت
لك هاي قبس ها ال ..
احمد: قاطعته كلتله انت اخوي وصاحبي وروحي من الدنيا اذا حجيت بهالموضوع راح تخرب صداقتنه وخوتنه
طبعا استغرب بس سكت
بس گالي يجي يوم وتندم
الضاهر بعده ميدري ب زواج قبس
مشت الايام عاديه بس حيل اشتاق ل قبس
امي مابطلت من سالفه بنت خالتي ف گلتلهه افكر بالموضوع
حسين ينتضر بنوته تجي
بيوم ساعه 1 بالليل خابرني حسين زوجته متعارضه ولازم ياخذوهه للمشفى
اجيت اخذتهم هو وامه ونسرين
طبعا جانت حالتهه صعبه
طلبت اجيب قبس 😔💔
احمد: من عقلك تخبلت انت
حسين: الله يخليك نسرين كلش محتاجتهه
احمد: استغفر الله
حسين: هسه اتصل عليهه وانت جيبهه لخاطر نسرين سويهه الله يخليك
احمد: اوووووف ماشي ماشي شوفهه
شهالمصيبه هاي

قبس: بيوم ساعه 1 اتصل بيه حسين
بالاول ملحگت عليه لان جنت اشتغل ع مشروع
بالمره الثانيه جاوبت
خير حسين نسرين بيهه شي
حسين: نسرين بالمشفى وطلبتج يمهه
قبس: هسه جايه مااتأخر
حسين: احمد راح يجيج
الله يخليج لاتتأخرين
قبس: هاا اي اوك
فرحت من گالي احمد يجيج بنفس الوقت خايفه ع نسرين
بدلت ع السريع
گعدت ماما انطيتهه خبر
بالبدايه رادت تجي وياي
بس گلتلهه ماكو داعي
سألتني منو ياخذج
كلتلهه احمد استغربت بس مكالت شي
شويه وسمعت صوت سياره ف طلعتله

احمد: بين الفرحان راح اشوفهه وبين الي مجروح منهه
بس استغربت انو هي ابيت اهلهه لعد زوجهه وين وليش مو هو يجيبهه
هواي اسئله تدور ابالي اريد الهه جواب بس ماعندي الشجاعه الي اسمع الاجابه
وصلت الهم رأسا طلعتلي
كان بودي اروح احضنهه ع كد مامشتاقلهه

قبس: السلام عليكم
احمد: عليكم 😏
قبس: شلونك
احمد: بخير
قبس: كلش مو طايق وجودي كنت اريد احجي وياه واسأله هواي اشياء بس من شفته هيج سكتت
احمد: اسلوبي وياهه جاف مااعرف ليش
حييييل مجروح منهه حتى مااريد منهه اي استفسار
وصلنه ع المشفى وقبس راحت شافت نسرين
واجو اهل نسرين هم

قبس: وصلنا ع المشفى رحت ل نسرين
خطيه كلش تعبانه
نسرين: قبس اسمعيني اولادي امانه عندج
لو صار بيه شي انتي اتكفلي بيهم
حمودي يحبج
قبس: كولي يا الله ياروحي ميصير شي
نسرين: كلش خايفه ع جهالي 😭
قبس: ااشششش كولي يا الله
ان شاء الله تكومين بسلامه وتربيهم بنفسج
لاتحجين هيج ياروحي
نسرين: ياارب

قبس: بعد ماوصلت ب ساعه دخلو نسرين لغرفه العمليات
خطيه حسين شكد خايف عليهه
احمد واكف يم زوجه عمه
مرت 3 ساعات ياله انطونه خبر عن نسرين
ولدت ب سلامه بس وضعهه تعبان
ام حسين اخذت البنوته الصغيره للبيت
اني وام نسرين بقينه يمهه
گلت ل حسين يرحون
يرتاحون بس ماقبل
ف احمد رجع للبيت وبقه حسين ويانه
بعد ساعتين تقريبا ياله صحت نسرين
طبعا سألت عن بنتهه طمناهه
صارت ساعه 8
استأذنت
رحت ع الشركه قدمت ع اجازه وشرحت للمدير الضرف وافق وانطاني اسبوع
من ردت اطلع جان احمد جاي للشركه
ماباوعلي 😔💔
رجعت ع البيت طمنت اهلي
ونمت لان هلكاااانه

يتبع...