قبس

#بارت9

#بارت9
من شفت يم الولد هواي موضفين
ردت اروح وبعدين ارجع
الولد رفع راسه ف اجت عيني بعينه
😳😳😳😳😳😳
معقوله
شلون
وليش
معقوله هذا احمد
زين ليش گالو مات
همه ماجابو جثه
زين ليش وشلون
معقوله شبه

احس الدنيا تدور بيه
رحت سألت واحد من الموضفين ع اسمه
وطلع فعلا نفسه احمد
ماعرفت شنو اسوي خوف ع فرح ع امل
مااعرف
خفت اروح احجي وياه ويطلع مو هوه

رجعت ع البيت واني مو مستوعبه شي
شافتني ماما
ام قبس: شبيج يمه
قبس: ماما رجع 😭
احمد رجع اخيرا
كل هالمده هو عايش واني الي متعذبه 😭
كل هالقهر الي شفته ماكان اله داعي 😭
نسرين ليش ماگلتلي
ليش خلتني هيج اتعذب 😭😭😭

ام قبس: ماما منو گلج هالحجي
لعد شلون سوو فاتحه اله
قبس: اني شفته شفته 😭😭
بس مكدرت احجي وياه
خفت بس سألت عنه ونفس الاسم
😭😭 ماما حبيبي رجع
كل هالعذاب الي اتعذبته ورجعلي 😭😭
ام قبس: ماما يمكن انتي فاهمه خطأ هسه اخابر ابوج واخلي يسأل يشوف السالفه

قبس: جنت حيل فرحانه بس بقلبي عتب كلش كبير عليه
ليش خلاني كل هالسنين اتعذب هالعذاب
ليش مكالو مفقود ليش كالو مات
زين هو وين جان وليش مااتصل ماحاول يتواصل وياي
هواااااي اشياء ابالي اريد الهه اجابات
بقيت ع احر من الجمر منتضره والدي لحتى يكولي الموضوع

صارت ساعه 8 بالليل ووالدي مموجود
ولا اكو خبر عن احمد
وره نص ساعه ياله اجه
بس جانت علامات الحزن وخيبه الامل ع وجهه

قبس: الله يخليك كولي الي شفته هو احمد
كولي مجاي اتخيل 😭😭😭😭
ابو قبس: اي بنيتي صحيح الي شفتي هو احمد
قبس: زين وين جان وليش محاول يتواصل وياي
وليش محد كالي كل هالسنين
ابو قبس: اول شي اهدي وهسه اكولج الموضوع
قبس: شلون اهدأ الله يخليك كولي
ابو قبس: بنيتي احمد جان مفقود محد يعرف عنه شي بعدين واصل خبر للوحده مالته انو هو وصديقه اتأذو احمد انقتل وصديقه متأذي وبغيبوبه
وهيج وصل الخبر لاهله
بعد مده اجه خبر لاهله انو ممكن يكون هو الي بغيبوبه
ف ابو حسين ووياه جماعته متكفلين بالموضوع بدون ميحجون شي لحتى ميصير عدهم امل كاذب
بعدين عرفو انو احمد الي بغيبوبه وصديقه الي مستشهد
بهالفتره احنا اصلا جنه مسافرين حتى نسرين وحسين مكالولهم

قبس: زين وره ماصحه من الغيبوبه ليش محاول يتصل بيه
ليش ماحاول يوصلي
ع الاقل يتصل عليك

ابو قبس: اسمعيني بنيتي
احمد بعد ما صحه وصار زين گاللهم ما اريد قبس ولا تكولولهه بشي
قبس: 😳😳😳😳😳😳 كمت احجي بعصيبه
مستحيييييل بابا شلون تصدگ بهالحجي
بابا احمد يحبني
مستحيل هيج يكول 😭😭😭

ابو قبس: والله هالحجي من لسان عمه
ردت اقابله بس احمد ماقبل يشوفني

قبس: اني اسمع ومصدومه
مستحيل
احمد يحبني مايسوي هيج
اكيد هاي من عدهم همه مو حجي احمد

بقيت بس ابجي لا اكل ولا اشرب ولا احجي شي
حتى الدوام مكدرت اداوم
صارت حالتي مأساويه
نقلوني ع المشفى
بقيت يومين وطلعت
كل الالام والمآسي والوجع الي مريت بي رجع عليه من جديد ومن نفس الشخص
ليش شنو سويتله
طول هالمده واني مخلصه اله

قررت اداوم واحجي وياه
وفعلا داومت بالاول رحت للمدير حجيتله ع الوضع وع حالتي
استقبلهه ب رحابه صدر
رحت ع مكتبي كملت شغلي
وبعدهه رحت ع قسم المحاسبه لحتى اشوفه
اول مدخلت من الباب مجان موجود بس الموضفين البقيه
درت وجهي ردت اطلع هو جان جاي من قسم التخطيط
صار وجه بوجه
هو اي هو
اباوعله وهو يباوعلي
نزلت دمعتي
شلونك؟ !
احمد: كلش زين
قبس: ليش ؟!
احمد: يمكن هالشي رحمه الي
خلاني اشوف الناس ع حقيقتهم
قبس: ياناس
احمد: من رخصتج عندي شغل
قبس: اشتاقيتلك 😢
احمد: 😏

قبس: عافني ومشه ومحجه شي ولا كالي ليش
بس مفهمت قصده انو اشوف الناس ع حقيقتهم
رجعت ع شغلي ومن كمل الدوام حاولت احجي وياه بس بدون فايده ميقبل نحجي

ردت بس اعرف ليش
ليش ماگالي انو عايش وليش ميقبل يحجي وياي
وليش ميريدني
كل يوم اروح اشوفه من بعيد وارجع
كل مااحاول احجي وياه ميقبل
تعبت كلش
دايما اسمع اغنيتنا المفضله

انطيني وعد للموت روحي بروحك تشدني
گلي راح اضل وياك بس الموت يبعدني
واحلفلي بشرف الجروح ماتنساني اوعدني
لو بچوني كل الناس اريدك تبقه ساندني
سگف واني انستر جواه اخاف الناس تطردني
كون انت اماني تصير اذا حزني يهددني

وين وعدك الي 💔💔

يتبع...