قصة غرور رجل وكبرياء امرأة)
الكاتبه ياسمين
(الجزء الرابع )
كتلهم معزومين باجر على خطوبتي انتو وهواي
طلاب زهراء مارفعت راسها
نسرين كالت ليش انتو وين بيتكم
قتيبه : كتلها بيتنه بالحله كالت والله ماعرف نسرين : كالت
منو يجي كتلها هواي وعزمت من الاستاذه
نسرين :كالت اشوف اهلي.
نسرين: رجعت ..
سألت زهراء انتي تجين
قتبيه :ضحك كال لا خطيه متشوفيها
مصدومه يمكن ضايجه لان راح اخطب
زهراء : ضحكت ههههاي على منو اضوج
لا عيني متوهم اني هم خطوبتي بعد فتره .
قتيبه :كتلها أي ع الخير
قتيبه: مشيت وعفتهن .معقوله صدك راح
تنخطب اهوووو واني شعليه
زهراء : بكلبي كلت اجه قتيبه وكال معزومين على خطوبتي .
ماعرف ليش ضجت حتى ماكدرت ارفع راسي
واشوفه حسيت كلبي انقبض
رجع كال خطيه ضايجه لان راح أخطب
ضحكت ضحكه عاليه بس مو من كلبي
ماعرف ليش كتله اني هم راح انخطب
يمكن فكرت راح يضوج مثل ماضجت
نسرين كلتلي زهراء شوفي استاذ علي واكف
والطلاب مجموعين يمه تعاي نروح نشوف شكو
دا يحجون كالو باجر نروح للحله نحضر خطبة
قتيبه وهم سفره منطقتهم حلوه اكثر الطلاب
كالو نروح .
نسرين : كالت ها شكلتي
كتله اني اشوف اهلي اذا قبلو اروح.
زهراء : اي لازم اروح حتى ميفكر ضجت
رحت للبيت اتغديت
ورحت ع امي
كتله ماما حبابه كالت خير اكيد اكو طلبات
كتله باجر خطوبه واحد من الطلاب
وكل الطلاب راح يرحون وهم سفره
حتى الاستاذه يرحون
كالت ماكو اخاف عليج والله ماما ماكو شي
حتى نسرين تروح قابل رايحه وحدي
كالت اني هسه اروح اكله واشوف
كعدت انتظر وادعي بابا يوافق
اجت امي كتله ها عفيه بشري كالت راح تروحين
بس اخوج وسام يجي وياج كتله شنو عود ليش
كالت والله هذا الموجود لعد تروحين وحدج
كتله لا لا عادي الف هلا بيه اهم شي قبلتو اروح
رحت حظرت ملابسي لان راح نبات عدهم
شفت عندي فستان اسود يخبل
نص ردن وبيه فتحه من الصدر صغيره
ومن الظهر اي هذا احلى شي
هسه توني غفيت.
اجت رساله من قتيبه.
ها بشري تجين دزيتله اكيد اول الحاضرين
شلون ماحظر خطبتك كتله تصبح على خير
وراي كعده .
قتيبه: رجعت العصر للبيت فكرت معقوله راح
تجي زين قتيبه انت تريدها تجي أي أي اريدها اهوو شبيه اني باجر خطوبتي واني وين بالي
كلت خلي ادزله رساله اشوفه تجي
دزيتلها كالت أي اجي فرحت ونمت
زهراء: يمكن من صلاة الفجر كعدت سبحت
وبدلت لبست بنطرون اسود وياه
قميص ابيض طويل وياه
وحذاء فلات باوعت على نفسي طلعت توب😉
رحت على وسام عزه طبيت هذا نايم وسام وسام
يمعود الساعه 5 هسه تجي السياره
كلي شمدريني نسيت يله هسه بسرعه اتحظر
اخوي وسام عمره 20 سنه اتحظر واجت السياره
وطلعنه الطريق كله اباوع اول مره اطلع منطقه
خارجيه بدينه ندخل مناطق حلوه كله بساتين
وصلنه بستان داخله بيت جبير
وكفت السياره بداخلي كلت معقوله هنا عايش
شكله ولبسه مبين ابن مدينه
نزلنه رحبو بينه كله زلم لابسين دشاديش وعكل
بس نظراتهم غريبه كلت معقوله بينه شي
غريب🤔🤔
وعيوني ادور على قتيبه سمعت واحد يكول
هلا بيكم نورتو الديره باوعت قتيبه
لابس دشاشه بيضه بس طالعه تخبل عليه
كالو اتفضلو احنه البنات دخلنه جوه ع النسوان
كلهم فرحو بينه وخطيه راسن جابو الغده
ونسرين تكلي ولج زهراء شكد حلوه عيشتهم
بلكي احد ينعجب بيه وازوجه كتله ولج اسكتي
فضحتينه👌👌
بس بيتهم من جوه يخبل وام قتيبه كلش حبابه
بقيت وحدي كاعده وياها وهي تحجي عن
حياتهم
اجت بنيه شابه كالت اني اخت قتيبه كالت شنو
ماراح تروحين ويانه كتله لا شلون بس خلي
اكوم ابدل كالت يله خيه كومي
اجت وياي للغرفه لبست الفستان وهي تباوع عليه
كالت اهلج يقبلون هيج تلبسين كتله أي عادي
كتله وانتو كالت لا احنه لازم عبايه كتله انتي
لو تلبسين اطلعين تخبلين خطيه فرحت
لبست وخليت مكياج كلتلي تدرين انتي اكيد
راح اطلعين احلى من العروس
بكلبي كلت أي يارب كتله تعاي اخليلج مكياج
كالت لا عفيه استحي كتله مو بس بنات وحدهم
كالت أي كتله يله تعاي كالت بس عفيه ماريد هواي كتله أي تدللين كتله انتي شكد عمرج
كالت 17 سنه كملنه وطلعنه سيارات هواي
كانو عرس مو خطبه
طبينه جوه واني بس اريد اشوف المحروسه
الي راح ياخذها قتيبه طبيت شفته كاعده
مخليه مكياج اشكال الوان على وجه
حتى اذا حلوه ميبين اجو ناس هواي
عقدو كلها تركص وفرحانه واني ماعرف ليش
اكو غصه بكلبي رفعت راسي طب قتيبه
طالع يخبل كعد يمه 💔
شفته يباوع عليه
اني صدك اختنكت بعد ماكدر اكعد كلت لأخت قتيبه
عفيه اختنكت اريد اطلع للحديقه كالت امشي
اخذتني وطلعنه شفت قتيبه يأشر لأخته شكو
وكفت بالحديقه وكوه اجر النفس
حسيت اكو واحد وراي كلي اذا ماتتحملين
تشوفيني وي غيرج ليش جيتي .....
