الجزء الثامن:
قتيبه: رحت وكفت يمها كتلها زهراء
كالت نعم تفضل كتلها زهراء
تقبلين تزوجيني كالت شنو نعم ليش قبل فتره
اني حضرت خطبة منو كتلها زهراء وانتي شلج دخل بيه اني احبج واريد ازوجج كلتلي
لو تحبني ما تروح تخطب كتلها والله جنت ماعرف
كلتلي قتيبه ارجوك ابتعد مني اني ماريد اهجم
بيت احد كتلها هاي شبيج وانتي شعليج بيها
كلتلي قتيبه ارجوك سد الموضوع وثاني مره
لا تعيد هذا الكلام وراحت بقيت واكف ومسطور
اني شدا اسوي
زهراء :جنت كاعده بالحديقه واجه قتيبه
طلب مني ازوجه يالله شنو هل ناس اذا يحبني
ليش يخطب
مرت ايام واذا اشوفه بمكان ابتعد هيج افضل
جان يوم ثلاثاء طلعت من المحاضره اول ماطلعت شفت قتيبه واكف ويه ولد
واسمعه يكللهم معزومين يوم الخميس عرسي
احس انضربت على راسي مشيت من يمهم
باوعت عليه بستهزاء
دا امشي سمعته يصيح عليه كتله نعم كلي زهراء
كتله اني مو كتلك بعد لا توكف بطريقي
عيب هاي التصرفات وانت بعد يومين عرسك
مشيت وعفته واحس النار تلهب بكلبي
ياربي خليني انساه منين طلعلي
شكد حظي اعوج
رجعت للبيت صعدت فوك طبيت للحمام
بجيت الحد ماكلت بس وطلعت لكيت
مسج من قتيبه(بستان كلبي وازرعلك ورد بي
انه من اشتاك دربك اروحن وارد بي
نطيتك كلبي الك بس ارجع ورد بي
بغيابك كتلني الشوك كافي ارجع عليه)
ورجع يدك بس ماجاوبت ياربي شنو هذا الحظ
الي عندي ليش من اول حب هيج صار بيه خليه للزمن هوه كفيل مابيدي شي
قتيبه : اني احبه ولا راح اكدر اتخلى عنها
قررت بعد زواجي بفتره اروح اخطبها
هاهيه ماعندي غير هذا الحل
مشت الايام وصار العرس بس ذره فرح ماكو
بكلبي صارت الزفه ورحنه جبنه العروس
الناس فرحانه واني كلبي ممرود
واعرف خليت نفسي بروطه بهذا الزواج
وخسرت زهراء بس صار الي صار شسوي
زفونه للغرفه أحس من طبيت اختنكت
وصار............... بس بدون اي نفس مجرد
واجب عليه سويته اعرف يمكن
ظلمت فاطمه بس مو بيدي
اخذت اجازه اسبوع خامس يوم صحت فاطمه
حضري ملابسي باجر ادوام كلتلي بس اجازتك
بعد ماخلصت كتلها عندي امتحانات لازم اروح
والحقيقه كلبي نار على زهراء لازم اروح اشوفها
بعد ماتحمل ياربي اني ظلمت زوجتي وظلمت زهراء يارب اتوكلت عليك انت حل أمري
رحت لبغداد داومت دورت الجامعه كلها
زهراء ماكو شفت نسرين رحت عليها
كتلها زهراء وين كالت والك عين تجي تسال على زهراء
بقيت حاير شسوي وأسأل منو ؟؟
مرت ايام وزهراء مختفيه كلت ماكو غير نسرين
رحت عليها كتلها نسرين والله شغلة حياة او موت زهراء فهميني وينها
كلتلي زهراء ان.......
