قصة غرور رجل وكبرياء امرأة)
الجزء التاسع....
للكاتبه.... ياسمين
كتلها نسرين شغلة حياة او موت فهميني زهراء وينها كلتلي زهراء انخطبت كتلها شنو كلتلي
اي انخطبت لازم عليك حلال وعليها حرام
مشيت وعفتها حسيت انضربت على راسي
شكد غبي اني شلون ضيعتها شلون
شسوي ياربي شسوي ؟
زهراء :بعد ماعرفت زواج قتيبه كلت يعني
يعني سواها وكل حبه الي حجه عنه كذب
جنت بالدوام واحد من الجامعة اجه خطبني
واني قررت اوافق لان خوش ولد وابن ناس معروفين ولازم انسى قتيبه
اجو خطبوني من اهلي واهلي وافقو
وصارت الخطبه
واني اخذت اجازه اسبوع حتى ارتاح
وامير خطيبي يحاول يتقرب مني بس
اني مدا اتقبله بس لازم اتعود راح يصير زوجي😥
حضرت نفسي لازم اداوم خلصت اجازتي
واني شايله هم بس لا راح اشوف قتيبه
ماعرف شلون هيج صار وشلون هيج حبيته
واحنه حتى علاقه ماصارت بينه المهم اتصل بيه امير كلي اني راح اجي اوصلج كتله ماشي انتضرك
اجه الصبح امير اخذني طويل الطريق يحجي وياي واني بس حد الجواب كلي زهراء شبيج
معقوله بعدج خجلانه مني ترى انتي صرتي زوجتي
كتله اعذرني فتره واتعود عليك كلي ماكو مشكله
بس حسيته شويه ضاج ياربي اني شسويت بنفسي
وصلنه الجامعة اول مانزلت من السياره قتيبه صار بوجهي ونظراته كلها غضب
سويت روحي كانو ماشفته راسن لزمت ايد امير
وطبينه جوه وامير حسيته كلش فرح طبينه واجو اصدقائنه يباركون النه امير كلي اني عندي محاضره بعدين نتشاوف كتله اوكي
الكل راح كعدنه اني ونسرين بالحديقه وحجتلي شلون قتيبه جاي يسأل عني ياربي شلون عالم
ولا خجلان
نسرين كلتلي باوعي منو اجه باوعت قتيبه
ياربي شراح يخلصها وياه اجه كال الف مبرؤك
كتله شكرا كلي ليش هيج سويتي كتله لازم
عليك حلال وعليه حرام كلي شوفي راح اكلج كلام خليه ترجيه بأذنج ورب السموات ماراح تكونين لغيري
كتله ابد مو من حقك انت مزوج واني اعتبر مزوجه عيب هذا الكلام وماسمحلك
ادمر حياتي ضحك كلي لازم عبالج ماعرف
انتي تحبيني وماعرف ازوجتي حتى تنسيني
كتله لا انت حيل زودتها ترى ماسمحلك
كلي لا اني ماسمحلج اضيعين حبنه
كتله شنو تره ماسمعتك زين رحت ازوجت وهسه اذكرت الحب وبدون خجل كلي كل انسان
عنده ظروف واني ظروفي جبرتني
كتله شوف خطيبي وياي بالجامعة وماريد مشاكل كلي من عيني تدللين وراح
كتلها ولج نسرين شلون ويه هذا
لا يروح يحجي شي يم خطيبي كليلي شسوي
كلتلي لو بمكانج اروح ازوج قتيبه كتلها أي مو انتي مخبله ولج اني مزوجه ليش هيه لعبه
قتيبه: من شفته ويه خطيبه خلص جنيت بعد مابقى عندي عقل رحت عليها وكتلها ماراح اخليج تكونين لغيري
شسوي اوف قتيبه انت ضيعتها وشلون راح ارجعها لازم اشوف حل ماتحمل اشوفها ويه هذا مادري منين جابته والي عرفته من اين عمي
انو رفضته بس ماعرف شنو السبب يوميه صرت ارجع من وكت للبيت على امل تجي وحده لان بالجامعة ماكدر احجي وياها ابراحتي بس هذا يوميه يوصله للبيت
فد يوم اتريكت واريد اطلع للدوام وكفت اريد اسد الباب رفعت راسي شفته اجت تمشي وحده كلت أي الله جابج صحت عليها كالت نعم
كتلها اريد احجي وياج كلتلي كافي عاد عيب عليك اني مخطوبة على اقل احترم هذا الشي
جريته من زنده وطببته للبيت
رادت تصيح خليت ايدي على حلكه كتلها اشش خليني احجي كتلها ولج اني احبج افهمي عاد ترى شلعتي كلبي وخرت ايدي من حلكه
كلتلي قتيبه بعد ايش خلص كلشي انتهى
كتلها لا بعد الطريق كدامنه كلتلي قتيبه
هذا ياطريق اني مزوجه وانت مزوج
كتلها بس كولي أي والله ماخليج تصيرين لغيري
لو اسويه دم كلتلي لا عفيه ماريد مشاكل كافي
ابعد مني اتقربت منه كتله زهراء تحبيني
كلتلي قتيبه كافي خليني اروح عيب والله
كتلها بس جاوبيني اتقربت اكثر وحظنته
دفعتني كلتلي كافي عيب عليك ليش هذا تصرف
رجال
كتلها ماعوفج اذا ماتحجين اريد اعرف
اني اعرف شنو بكلبج بس زهراء اريد اسمع
من لسانج كلتلي قتيبه اذا ماتعوفني هسه
اصيح والم الناس عليك كتلها والله اكون ممنون
اكول احبها واخلي كل الناس تعرف حبي الج
صاحت عليه كافي حرام عليك اذا تحبني
ليش رحت ازوجت كعدت خلت اديها على عيونها وتبجي من شفت دموعها ماعرف شصار بيه
كتلها والله ماجنت اعرف والله جنت مجبور
افهميني
كلتلي قتيبه ......
