قصة غرور رجل وكبرياء امرأة)
الكاتبه: ياسمين
(الجزء السادس)
زهراء:طبيت للغرفه لكيت قتيبه كاعد ومنطي ظهره لباب كتله شعندك هنا كال اريد أكول كتله تفضل كلي ابقو اليوم وباجر نروح سوى
كتله لا مشكور خيرك واصل شيخ .
بالباب ينتضر طبيت اخذت الجنطه
وكفت اريد افتح الباب كتله اريد اكلك شغله
الشيّخه احلى عليك من المحامي كام اجه
يتقرب مني كلي مافهمت قصدج تستهزئين
لو هذا رأيج كتله والله عاد كيفك شلون
تريد تحسبها احسبها اتقرب مني اكثر حتى
نفسه صار بوجهي كلي انتي ليش
هلكد شايفه روحج وشنو هل كبرياء
كتله هيج يعجبني فتحت الباب وطلعت
قتيبه :سمعت زهراء كالت راح نروح
اني واخوي ضجت حيل قبل لا تصعد
رحت لغرفتها طبت شافتني كاعد كالت شعندك
طلبت منه يبقون ونروح باجر سوى بس
طبعاً رفضت
قبل لا تطلع كالت الشيخه احلى عليك من المحامي كمت اتقربت منه كتله شنو قصدج
استهزاء لو تحجين صدك اتقربت منه اكثر
كالت والله عاد كيفك شلون تريد تحسبها احسبها
وطلعت واني بقيت افكر اني شدا اسوي
ليش البارحه مو قررت ابعد منها اني شدا يصير بيه
نزلت جوه حتى اودعهم اني وسام واكفين
طب ابن عمي احمد هذا شبيه لزك اكيد
مخلي عينه على زهراء اهوو واني شعليه
اجت سلمت عليه زهراء كالت مشكور ع العزيمه
واتمنالك حياة سعيده كتلها ولو تدللين وراحت
صعدت بالسياره وراحو
طبيت للبيت هو يوم واحد بس حسيته يمكن اجمل يوم احسن حل اطلعها من بالي
ولازم ابتعد عنها
زهراء : رجعنه للبيت ماعرف ليش هلكد ضجت
اوف ياربي هذا منين طلع وفوك هذا راح خطب
لا واني حضرت خطبته هاهيه لازم انساه
وصلنه البيت راسن طبيت سبحت ورحت حتى انا اَجن اخواتي عفيه احجيلنه شصار
بقيت احجيلهن بس طبعاً ماحجيت شي عن قتيبه
لان حتى اني ماعرف شي ولا اعرف بشنو دا أفكر المهم ثاني يوم داومت
وماشفته يمكن مالحك يجي
رجعت من الدوام نزلت من السياره دا امشي
وصلت البيت مالته شفت ابن عمه نزل من سياره
شافني سلمت عليه كلي شنو هنا بيتكم
كتله أي وانت كلي والله عندي جامعة وقتيبه
كلي تعال اسكن عندي كتله ان شاء الله بالتوفيق
رجعت للبيت ماعرف حسيت نفسي كلش مخنوكه صعدت فوك لغرفتي لكيت اختي
ليلى الجبيره عمرها 26 سنه
كلتلي زهراء شبيج هاي الفتره انتي ابد مو طبيعية كتله ليلى ماعرف والله حتى اني ماعرف نفسي حجيتله كلشي بالتفصيل من اول لحظه
كلتلي زهراء يمكن اخاف تحبيه كتلها
لا يمعوده حتى هوه خاطب كلتلي
زهراء ابتعدي منه والله بس عذاب الج وهاي بعد نصحتج .
نمت واني كلشي ماعرف حتى مشاعري ماعرفه
شنو نمت وقررت انسى كلشي
ثاني يوم داومت بس مالي خلك حتى اجت نسرين كعدت يمي كلتلي شبيج زهراء
حتى وجهج اصفر كتلها ماعرف بس تعبانه
كاعدين اجه احمد سلم علينه ويسال محتاجين
شي طبعاً اعرف نضراته مو طبيعية واني بالي
ابد مو يمه واكف ويانه
اجه قتيبه بس نضراته بيه غضب سلم علينه
كال زهراء ممكن احجي وياج دقيقه
كتله نعم
كمت وياه كتله تفضل قتيبه اكو شي كلي
احمد شعدنه وياج كتله شنو هل كلام
وشعندي ويه احمد كلي معليه اني احذرج منه
وراح هذا شبيه انوب مغرور وشايف نفسه عليه
انوب عالساس خايف عليه
مرت ايام واني وقتيبه بس نضرات اجه
يوم اني كاعده وحدي بالحديقه
اجه احمد كلي زهراء عندي موضوع وياج
كتله تفضل كلي ابصراحه اني معجب بيج
وعرفت اخلاقج شنو اذا تقبلين اريد اجي اخطبج
كتله والله ماعرف شكلك كلي لا تكولين شي
فكري ورجعيلي خبر كتله ان شاء الله
واشوف قتيبه واكف ويخزر بيه
خلص الدوام ورجعت للبيت دا امشي بالشارع
وصلت يم بيت قتيبه وقتيبه واكف بالباب
كلي اوكفي احاجيج
كتله نعم اتفضل كلي لا مو هنا كتله لعد وين
جرني وطببني بالحديقه مالتهم كتله شبيك اتخبلت كلي احمد شنو جان يحجي وياج
كتله ميخصك كلي احجي احسن
كتله وانت شكو كلي اني..
