قصة (غرور رجل وكبرياء امرأه )
الكاتبه : ياسمين
(الجزء الثالث )
ضحك وغمزلي هنا اني جنيت
وهاي الخبله شكو واكفه
وياه صحت نسرين تعاي
اجت نسرين وهو يمشي
وراه وكف يمي كلي شنو بس لا تغارين عليه
ضحكت ضحكه عاليه خنزر عليه
كتله بلا زحمه وينك ماشوفك
كلي والي خلق السموات هذا السانج اله ينكص
وراح
قتيبه : اني اعلمج زهراء واني اتقصدت
اتقرب من صديقته لازم اعرف كلشي عنها
مرت ايام واني عيوني عليها من بعيد
صار يوم الخميس داومت
والعصر طلعت لديره اوف يابه ماكو احلى منه
مافكرت بيه التهيت بشغلات العشاير واهلي
طبيت بليل اتعشيت وكعدت ع الحاسبه
اجت امي عليه يمه قتيبه عيب من بيت
عمك صار شكد منطيهم كلمه
علمود فاطمه وانت اتاجل الموضوع
والله يايمه شسوي مشوفين حالي
بين الدوام ومشاكل العشيرة أي يمه
ميخالف بس الشغله ترى طولت
ولا يهمج يمه ان الجمعة الجايه
من ارجع من بغداد نروح نعقد
امي فرحت وتهلهل أي يايمه اني شريد
غير فرحتج بسته من راسه وكمت
مددت صح راح اخطب بنت عمي بس
ماعندي أي مشاعر اتجاها
راح فكري يم ام لسان لازم احصل رقمه
ومن اداوم اكله معزومه على عرسي😂😂😂
زهراء : صادفت عطله جمعه وسبت
حتى من عندي شغله وامر من يم بيته
مقفول هذا وين راح
يوم السبت نايمه وافكر باجر هم اشوفه
لازم احرك كلبه بس شلون ماعرف
بعدين ارجع اكول اني شكو مهتمه بيه
اخاف اني معجبه بيه لالا مستحيل😱😱
انزل نفسي لواحد مثله دوامت الصبح
ماعرف بديت اهتم بنفسي اكثر
شنو يكول عني جنيه لبست بنطرون
وقميص ماروني نص ردن جان
الجو بعده حار
وخليت مكياج
باوعت على نفسي اخبل
شحلاتني
داومت كاعدين اني ونسرين
بالحديقه
رفعت راسي واشوف هذا المغرور اجه
اوف
اجه كال نسرين ممكن دقيقه
كبر وكامت راحت وياه
معقوله اكو شي بينهم ديله واني شعليه
قتيبه : طلعت من القاعه شفت زهراء كاعده
هي ونسرين بس شطالعه تخبل بس هذا
كبريائج اله ما يجي يوم ينكسر
اتعمدت رحت صحت نسرين
كتله نسرين اريد منج خدمه
وعمري مانساه الج
كلتلي تفضل كتله اريد رقم زهراء
اوعدج ماراح تعرف اخذته منج
وافقت واخذت الرقم
بليل اتصلت عليه
كتله الجنيه كاعده نايمه
هاي عصبت راسن عرفتني
من وين جبت الرقم
كتله اني الي اريده اخذه ولا تنسين
احنه جيران
مرت ايام واني اتصل عليه
يمكن حبيت قوته ولسانه الطويل
بس جان اقلب كلامنه عركات واني اتعمد
اخابره وضوجه ومن اتصل وماجاوب
اكله اذا تحبين اجيكم
خطار ههه وراسن
تجاوب
اجه يوم الخميس شفتهم كاعدين بالحديقه
رحت سلمت عليهم هي ونسرين
كتلهم باجر خطبتي وانتو وهواي طلاب معزومين...
