قصة غرور رجل وكبرياء امرأة )
الكاتبه :ياسمين
(الجزء الخامس )
زهراء : طلعت للحديقه🌄 وكوّه اجر النفس
سمعت صوت وراي اذا متتحملين تشوفيني
ويه غيرج .
رفعت راسي عليه انتَ يمكن مصدك نفسك
كلي لا واضح من هاي اختنكتي وطلعتي
كتله أي والله اختنكت مامتعوده على هيج جو.
صدك نسيت اكلك مبرؤك تستاهل هيج وحده
😏😏 كلي الله يبارك بيج وخلي نشوف
خطيبج كتله اووي خطيبي يخبل
مو مثل بعض ناس لزمني من زندي حيل كلي
شنو تقصدين ترى انتي دا اطّولين السانج حيل
كتله مشيت وعفته ودخلت جوه.
قتيبه :طبيت بعد العقد جوه وجنت ضايج
لان مامقتنع بالزواج بس ماكدر اكسر خاطر امي
دخلت جوه كعدت يم فاطمه .
رفعت راسي واشوف زهراء طالعه تخبل
بس شكله ضايجه شفته تحجي
وي اختي اشرت لاختي 🖑شكو .
ماجاوبت كتلها فاطمه عندي اتصال شويه وارجع
طلعت برى وكفت اباوع عليه شلون تستنشق هوى ابتسمت😁 ورحت عليها كلت خلي اغثها بالكلام 😈.
هم رجعت طولت لسانها 👅 ومشت وعافتني
بيني وبين نفسي أني شكو منزل نفسي
اله والله يازهراء منا وهيج .
اذا اشوفج بمكان اعتبر نفسي كأنو ماشفتج
كد ماضجت منها شربت جكاره وطبيت جوه
لمحتها واكفه سويت روحي ماشفته وكعدت احجي ويه فاطمه .
زهراء: طبيت جوه وعفته بالحديقه
بس اني ليش هلكد اطول الساني عليه
ديله خلي يروح شسويله كعدت احجي وي اخته
شفته دخل وراح كعد يم خطيبته ويضحك وياه
كبر شلون متراهمين خلصت الخطبه اتصلت على وسام وينك يله راح اوكف عل الباب انتضرك.
كلي اي جاي طلعت وكفت برى اجه وسام
وياه ولد مرتب كال يله زهراء سلم عليه الولد
كلي اني ابن عم قتيبه كتله أهلا وسهلا .
واكفين اجو قتيبه واهله قتيبه كال لوسام
تعالو اني اوصلكم ابن عمه كله لا اني راح اوصلهم بكلبي اي عفيه عليك وسام .
رجعنه لكيت صديقاتي هم موجودات كتلهم
اني تعبانه اروح اسبح وانام طبيت سبحت ونمت
كعدت يمكن ساعه 1 عطشانه كعدت نسرين .
كعدي عفيه روحي وياي عطشانه كالت او زهراء
شكو روحي المطبخ جوه جنت لابسه اتراك
نزلت كوه مفتحه .
طبيت للمطبخ وقتيبه كاعد يشرب جاي رفع راسه ورجع يشرب ولا كأنو شافني شربت
مي وطلعت عابت هذا شبيه 😷
رجعت نمت كعدت على صوت الفون يدك
جاوبت وسام كلي زهراء كعدي اني وياج
معزومين على الغده كتله خير وين .
كلي يم بيت عم قتيبه يله اتحضري ساعه
ونروحلهم كتله أي ميخالف
سبحت ولبست بنطرون وقميص اسود
نزلت جوه الحجيه كالت تعاي يمه اتريكي
كتله لا خاله شكرا اني وسام معزومين راح نطلع
اجه قتيبه كال على خير وين معزومين
كتله يم عمامك كلي أي وانتي شكو رايحه
كتله اول شي هذا شي يخصني ثاني شي
اني رايحه وي اخوي الحجيه كالت يمه.
انت مالك دخل خلي البنيه تطلع تغير جو
طلعت وصلت الباب اجه وراي جرني
كلي روحه ماكو كتله قتيبه ترى صدك .
مالك حق طلعت ورحنه ع العزيمه
هم جانو ناس حبابين اتغدينه اني وسام
يمهم ورجعنه .
قبل لا ادخل وسام كلي يله اتحظري حتى نروح
كتله شنو نروح وحدنه كلي أي عندي امتحان باجر ماكدر اتأخر .
طبيت للبيت رحت ع الحجيه كتلها خاله مشكورين وماقصرتو اني واخوي راح نرجع
كالت الف هلا بيكم وامانه تجون انوب
كتلها ان شاء الله نجي صعدت اخذ غراضي
طبيت لكيت قتيبه بالغرفه
كاعد ومنطي ظهره للباب .... كتله شعندك هنا
كال اريد اكول الج شيء....
