[Ongoing]Love And Hate

♡L & H : 2nd Chapter♡

Waahhhhh!!!!! Lunch na namin ngayon at di parin maalis sa isipan ko yung mga nangyari kanina.

Paano ba naman kasi, nagtama yung mga paningin namin nung transferee at para sakin its not normal kasi di ko pa gaano kilala yung tao. Duh, ikaw kaya maranasan mo yun, hindi ka maiilang?!

"Uy KC, hindi mo pa kinakain yung pagkain mo. Tapos kanina ka pa tulala simula kanina pang umaga. Ano bang nangyayari sayo?" Biglang sabi ni Cherry habang kumakain kami dito sa canteen ng academy.

Hindi pa rin ako sumagot at kinain ko na lang yung pagkain na kanina pa naghihintay sa harapan ko.

"Besh, huy! Magsalita ka nga dyan! At tsaka hindi ka naman siguro tutulala kanina hanggang ngayon nang walang dahilan noh. Kaya please sabihin mo na baka mapagkamalan ka namin na baliw ni Cherry, sige ka." Sabat ni Steff na ikinatango ni Cherry.

"Wala lang yun. Wag niyo na akong problemahin."

"You know KC, concerned lang naman kami sayo at siyempre nandito kaming mga bff's mo para damayan ka. Kaya sabihin mo na kasi diba Rule #1 natin na no secrets sa ating tatlo."sabi ni Steff. Ang drama naman nito! Di lang ako kumakain eh.

"Ang drama mo Steff ha! Sige na nga sasabihin ko na baka itakwil niyo kong kaibigan eh."

"Ganto yun kasi....."
Yun nga kinuwento ko sa kanila na nagtama yung mga mata namin ni AJ. Tapos alam niyo ba kung ano yung mga reaction nila?! Para silang sinabuyan ng asin dahil sa sobrang kilig. Ano bang nakakakilig dun?! Sabihin niyo nga sakin.

"Huy! Tumigil nga kayong dalawa! Pinagtitinginan na tayo ng ibang mga tao dito oh. Mahiya naman kayo." Sabi ko.

"Sorry Besh, kinilig lang talaga kami ni Cherry sainyong dalawa ni AJ." Sabi ni Steff sakin habang kinikilig.

"Tangi! Coincidence lang yun na nagtama yung paningin namin noh. Wag kayong OA."

"Hindi yun coincidence besh, its destiny! D E S T I N Y!" Sabi ni Cherry.

"Hay naku, tumigil nga kayo at kumain nalang kasi baka abutan pa tayo ng klase." Sabi ko sa kanila. Tumigil naman na sila at dinalian na naming kumain, malapit na kasing magtime eh.

~D I S M I S S A L~

Kakadismiss palang ng klase namin at nandito kami ngayon ng mga kaibigan ko sa labas ng school. Kumakain ng mga streets foods. Lahat talaga ng estudyante dito sa academy kapag nagdismiss na yung klase, diretso sa labas ng school para magfoodtrip.

Nandito na kasi lahat eh. Fishball, squid ball, kwek kwek, barbecue at marami pang iba.

Anyway, nandito kami ngayon sa harap ng barbecue stall. Ano ginagawa namin? Obviously kumakain ng sankatutak na barbecue. Favorite namin kasi ng magkakaibigan ang barbecue eh.

"Mmm.... Ang sarap talaga ng barbecue! Para akong nasa cloud 9 guys!" Sabi ni Steff habang pinapapak ang barbecue.

"Uy Steff, grabe ka kumain! Dahan-dahan ka lang sa pagkain, hindi ka naman tatakbuhan niyan eh." Sabi naman ni Cherry habang sinasawsaw yung bbq niya sa suka.

"Sorry Beshies, its just so deli-----
*cough* *cough* guys..... nabu--- *cough* bulunan a-aako..."Sabi ni Steff na ikinataranta namin ni Cherry. Ang kulit kasi eh! Ano ba yan, ano bang gagawin namin?!

"A-aano..... KC! Bumili ka muna ng buko dun oh, si Steff kasi parang patay gutom. Bilisan mo, dali!" Sabi ni Cherry kaya kumaripas ako ng takbo dun sa buko juice stall habang nandun naman si Cherry kinocomfort si Steff.

Nung nakarating na ako sa buko juice stall, bumili na ako ng inumin.

"Pabili nga pong buko juice." Sabay sabi namin ni..... AJ?! Teka, bat nandito to at tsaka kailangan ba lagi nalang kami magtatagpo?! Pinaglalaruan ba kami ng tadhana?!