الكاتبه ام زهراء
جزء7
خلص يومي .... بتعب وهلاك
كعدت نص الليل
الساعه.... ب3 بعد وكت للصلاه
مشيت
ومااعرف وين تاخذني رجلي
ومالكيت الا نفسي عالسطح...
اباووع عالمكان الي كان حلمي..... بيه...
تقربت اكثر.. اني مارايده اروح هناك بس غصب عني جاي اتقرب لهناك
اي حبيبتي اليوم طالعه كيك ولج شنو هالجمال اول ماشفتج تمنيت ابووسج... بس كانت هوسه وعالم ماكدرت .... ولزمت نفسي كووه
فتح لسبيكر ...اي احجيلي شنو خو ماتعبتي اليوم
اي والله عادل تعبت كلش.... بس بابا ماقبل لان هوستو وناريات بشارع مالتنه
ليش حبيبتي غير جماعتي فرحانين علمودي ورادوو يسون حفلتنه حلوووه
اي هي كولش حلووه
اسمع للحجي ودموعي تنزل وحدها علئ خدي هذا عادل يحجي وي خطيبته وبيوم واحد صارت حبيبته.....
بيوم واحد شافها صارت حلوه بعينه
وين كلام عادل... وين وعده... وين حبه...
هو واعدني مايحب غيري
واعدني ماينساني للموت
عادل يمكن حس بيه اني اجيت
وراد يحرك كلبي
وخابر خطيبته حته يحرك كلبي
كافي يعادل..... كافي كلبي مايتحمل هجي تسوي بيه.. ماليه اي ذنب
ذنبي حبيتك.... بس الله ماراد ننجمع
ربي ماقاسم ... شسوي
سويت نفسي مامنتبه اله.... واباوع لهناك
ومخليه هتفون بأذني
كأنما ماجاي اسمع اتصاله وكلامهم
وفعلا... خليت الهتفون.... وماسمعت اي شئ بعد
واباوع عالسياج الثاني ودايره وجهي عنه.... ومنطيته ضهري
سمعت مولد اذا طالت مسافاتي
كلش حلووو.... دائما احب اسمعه
من اسمعه افقد.. احب كل كلماتها واحب الرادود مالتها....
حسيت شئ وراي
درت وجهي
فزيت
عادل
شسوي هنا ... روح منا.. ودفعته من صدره
انتي شسوين هنا
روح منا ... شعليك انت
مقهوره مو
اني مقهوره
عادل خله ايديه منا ومنا علئ السياج
وصرت بين ايده
اي انتي مقهوره.... حسيتي بلي حسيت بيه قبل اسبوع
عادل وخر عني وروح
راح اروح بس اريد اكلج اني انخطبت وخطيبتي16سنه.... وراح اربيها علئ ايدي تردين اوريج صورها لحضه
عادل فتح تلفونه وطلعلي صور العقد مالته
شوفي هاي خطيبتي .... هاي الي اجت من بعدج
عادل يباوعلي وعينه تجدح شراره نار
هاج شوفي حلووه موو
خل اشوفها
الله شكد حلووه ... تستاهل عادل
اي كلش حلووه .. بحيث تصير مثل اللعابه بحضيني... وتضيع بين ضلوعي
اخذت الجهاز منه اي صحيح.....وشمرت الجهاز بالكاع بكل قوتي... وكسرته وسويته قطع قطع
هه فدوه الج الجهاز... بس ماراح ترتاحين طول عمرج...وروحي لشايب مالتج.... راح تتحسرين عليه كل وقت
روح عادل روح .. والله اصرخ والم العالم عليك
اي صرخي يلا صرخي.... خلي النار الي بكلبج تطلع...ياخاينه... ولي يله ماتستاهلين اوكف وياج
وراح
روح عادل..وترك كلبي ينزف
اتذكر شكل خطيبته .. صحيح حلووه وصحيح راح تضيع بين صدره.... وبين ضلوعه راح تروح بالمكان مالتي.. راح تروح بحضيني الي اتمناه بس اليه
راح عادل وكل فرحي راح وياه
بيني وبين كلبي اصرخ ... عادل لاتروح اريدك محتاجتك
ورجع عادل ضل يخابر بخطيبته ويحرك بكلبي متعمد.....
اعرفه يحبني ....واعرفه سوه هجي حته يقهرني
أنت تقرأ
أمرأة بلا قلب
Romanceقصه منقوله للمبدعه ام زهراء معاناة مرأه عراقيه تحملت كل الصعوبات....والكل راح يحبها متاكده
