أمرأة بلا قلب

جزء 12

  الكاتبه ام زهراء
ج12

دخلت الغرفتي... وسديت عليه الباب.... وضليت ابجي بكل قوتي
بس ليش ابجي علئ حياتي.... لو علئ عمري الي راح
لو علئ عادل الي مصوب ابطنه وحالته صعبه
لو علئ نجم.. الي تصوب بسسبي
ومااحس الا باب غرفتي تعطر تعطير
اطلعي ....اليوم اذبحج هنا
ولج خيه ارجعي... ماسوت شئ البنت
زين مارجلي مات بسببها اخذت مني رجلي وهسه سوت مشاكل وتخابر صاحبها
ها طلعتي حامل منين حامل ها كولي
حامل من صاحبج... هو حلفلي ما لامسج
منين حامل كولي
ام سالم..... بصوت عالي
اجه الحجي. وصاح عليها والكل سكت...
رهف افتحي الباب....
رحت فتحت الباب للحجي.... واني ابجي
احجيلي شصار
والله عمو ماصار شئ ... نجم عباله انا اخونه وحامل من غيره
وضربني بالعياده كدام الناس كلها
وسوالي تحليل... وطلعت مو حامل
حته الطبيبه فحصتني واكدت عليه طاهره ومحد لامسني
وعادل شنو سالفته.... احجي.... بعلو صوته
عادل كان ماضي....,وتقدملي ورفضته وقبلت علئ نجم.... علمود اختي الي طردتوها
اختي الي ضحيت بنفسي وحياتي علمودها هس حته الغريب احسن منها
اختي الي ام سالم اجت تدافع عني وهي مبتعده عني مثل لغريبه

اختي الي هسه ....فوك ماتكول اختي طاهره وبريئه....اجت تعاركني وهدت عليه
اني مو حامل
ولا احد لامسني
ولا ابنكم تقربلي.....ولا اجه يمي
ولا يريدني ولا اريده... طلكوني منه

اششش
ام سالم.. شلون عرف عادل بسالفتج وانو هو ضربج بالعياده.... تخابرينه مو
الكل كان واكف اباب غرفتي
نسوان ورجال وجهال
والله مااعرف ولا عندي موبايل... وروح ابوي من زفوني النجم لا تواصلت وياه ولا خابرته

حرام عليكم لاتضلموني
نجم ضربني كدام الكل وكيم يسحل بيه ويجرني بنص العياده
هو هذا هم مثقف تعتبرونه
هذا همجي .... ويعرف نفسه مو رجال وجاي يستقوه عليه انا اليتيمه الي ماعندي احد
الكل كام يباوعلي وساكت
واجن لميعه وحكيمه
دخلني جووه..وهدني
وانطوني كلاص ماي... ضغطي هبط كلش وجابولي لبن مالح
من شربته الا ردت روحي
وصار الليل ونمت من التعب
ويوم الثاني محد يحجي وياي
وصار الليل ب8 بليل تقريبا ....
كملت شغلي ....ودخلت الغرفه ارتاح
ومااحس الا هلاهل....
كعدت
باوعت من الباب ... علئ كيف
نجم اجه.... والي يشبكه والي يطش عليه جكليت
وكعدوه بالصاله
كان تعبان كلش....ولافين ايده..لفاف وباندج
شافني الحجي اباوع بالباب
تعالي بويه
تعالي بوسي ايد رجلج واعتذرني منه
علئ شنو اعتذر علئ ضربه لو علئ اتهامه اليه

ورحت امشي علئ كيف
ووصلت يمه.....والكل كان كاعد
وارتبكت كلش.... ورجلي كامت ترجف
رحت يمه كنت ناويه ابوس ايده
ومن كد الارتباك بوسته بخده منا ومنا ورجعت
واني مااعرف بسالفه مامنتبه
والكل متعجب مني.... وصافن بوجهي
خفت كلش.....
شسويت انا بيه شئ.... ملابسي بيها شئ
باوعت النجم
مدنك ويلعب بلحيته
الحجي اي وشصار بهذا الولد عادل
بويه زين... واستقرت حالته... كم يوم ويطلع
كالت ام سالم لعبد
محد ساله شلون عرف بموضوع رهف
واحد من جيرانهم طلع بالعياده..وشايف نجم يضرب برهف ومخابر علئ عادل وكايل اله... حته يروح يكول لام رهف
الكل سكت وباوعلي
ونجم بقه مدنك
اكيد عنده خبر بهالشئ
بس اتهمني بثلث اتهامات.....بيوم واحد
وشبعني ضرب
اول مره احس بنفسي مااهتميت العادل ولا اليه غرض بيه
ولا سالت عنه.....
الحجي كال لنجم.... ارتاح بغرفتك انت ورهف....هاي بيها جهال.. وهوسه
ام سالم... لا عمي خلي ينام عندي وانا اداريه
لا عمي...هنا ماكو هوسه ومريته اداريه هي