أمرأة بلا قلب

جزء 15

  لكاتبه ام زهراء
ج15

شلون تطلع.... وشلون اجوو واخذو حرمتي ومحد كعدني ومحد منعهم
انتم شبيكم ثولان .....
عبد......حاولنه ماكو
محسن... هي خابرت عليهم . وطلعت حته ماحجت ويانه ولا اعتبرتنه...... واخوانها اجو بشرهم...مايتفاهمون.....
انا اعلمها شلون تطلع وماتكولي. بسيطه وجهالي غصب عليها اخذهم كلهم اليه
بس فهموني هي شبيها ومنو وياها
بيداء....والله محد حجه وياها..بس كعدت ب3 اسوي حليب لابني... وشفتها يم بابكم وتسمع حجيكم
ويمكن سمعت شئ ماعجبها
طبعا اني بدلت وطلعت يمهم.... وبس اسمع واشوف نجم شلون عصبي
وصدك خفت منه
ويصيح علئ الجبير والزغير....وحته علئ ابوه
بسيطه ياهيله مخليه اذنج بغرفتي وتتسمعين عليه
بسيطه
ورجع للغرفه... وصرخ عليه شبيج واكفه حضريلي الحمام
رحت اركض وجهزت حمامه ودخل سبح وجهزت ملابسه.... وكمل سبح ولبس ملابسه وطلع
وماشفته بعدها
كملنه ريوك..... وجهزنه الغدا...الكل تغدا
بس عزلت الغدا مالته.... وضليت انتظره....صارت ب3 وهو ماكو
سبحت ....,ورحت لغرفتي ورتبت نفسي... وره شويه
دخل هوو
سكته
كوه حيلك حبيبي
وحيلج
انشاءالله ماكوو شئ
انا تعبان راح انام......وكعديني ب6
ماشي
ساعدته بنزع ملابسه.... ولبس تعلاكه بيضه
ونام
واني بقيت ...ارتب ملابسه.... حته اغسلهن
وماتناقشت وياه نهائيا
ونمت يمه بس تمددت.... وضليت كاعده.... بس اباوع بوجها.... ومعانيه... ومبتسمه
لزمت ايده....وسحبتها عليه... ,وضليت اشم بيه.... وابوس بيها.....
وخليتها علئ كلبي ونمت

نجم
عشت البارحه وي رهف...احلئ يوم بعمري....عشت حب وحنان رجعني شباب
نسيت كل التعب .... والضيم الي شفته .... شفت شئ بحياتي ماشفته... ضحك وشقئ وكلب صافي.... وطفووله... وجمال
ياريت عرفتها من زمان
ياريت شفتها من زمان... وطرت وياها ...لعالم وحدنه بس....وحته سافرت بيها للخارج
واستقرينه هناك
بس مرتبط ب7 جهال...وزوجه وعائله جبيره كلهم وراي..... وكلهم معتمدين عليه
والكاع الي عندي بس اتركها يوم....تموت متعوده عليه..... وانا متعود عليها
احسها ابني ل8
من كعدنه الصبح... ولكيت هيله ماخذه جهالي ورايحه
بدلت ورحت الهم...... وهي بنت عمي
دخلت الهم....وكلها كبت بوجهي..... وكالو القرار بيد ام سالم
وصاحوو لام سالم
وخلو القرار..... بيدها
وكالت اما اني او هي
واحتاريت بين كلبي وسعادتي... وبين جهالي ل7
وماكدرت اختار واختاريت ل2
بس كالتلي اذا عفتني ....ناخذ حصصنا من الكاع....
وتبقه بس الربع الك.....
طار عقلي احتاريت شسوي... جهه بيه رهف
وجهه اهلي وعيشتهم وهم لا واحد ولا عشره
وجهالي ل7
وبنت عمي
اه بنت عمي. لزمتني من ايدي الي توجعني...
شسوي .... عقلي احسه واكف
كلشي مايسوي
رجعت للبيت
لاكتني الحبيبه.... لابسه كلشي احبه
والتعديل.... والابتسامه
الي لو لواحد شايل هموم العالم...فوك راسه.. جان من يشوفها ينسه
ينسه كلشي
بس مااكدرت احجي وياها
وفعلاا مااكدر....كلشي ضدي.... بس شسوي
مثلت نفسي انو اني نايم
وخليت راسي علئ المخده وغمضت عيني
اجت رهف يمي
واخذت ايدي
وضلت تبوس بيها... وتشم بيها
طفل.... رهف طفل... حركاتها شقاها طفل
احبها لان اعتبرها طفلة كلبي
احس كلبي.. متزوج وعنده ابنيه
الي هي رهف
كلشي بيها ينحب
حركاتها... اذا هي نضره منها... افقد كلشي
واضل مااعرف شسوي
خلت ايدي علئ كلبها. وتقربت مني ونامت
فتحت عيني
ملاك ونايم
متمني اشيلها وادخلها داخل كليبي واقفل عليها
او اخليها بين ضلوعي من الداخل

قربت الها...اريد اشتم نفسها
ضليت العب بشعرها.... وينزل علئ عينه
واوخره منها
اخاف عليها...اتمنئ ابقئ حارس عليها وماانام
اخاف شئ يأذيها...حته شعرها ..اغار منه....لان ينزل علئ خدودها. وشفتها ويلمسهن

لزمته من ايده وكعدته علئ طرف الجربايه
ونزلت اني جوه وكعدت يم رجله
وخليت ايدي بيده
نجم .... كلي الك.. روحي وعمري
اريد بس حبك ... اريد نجم ...مايتغير
انت وطن.... وانا عندك .. لاتقسي وياي

نجم رجع زوجتك
ومستعده... اروح ابوس ايدها علمودك حته ترجعلك
بس لا تضوج.. ضوجتم هي ضوجتي وحزنك حزني.. حقه تزعل.... وتروح.. هو الي عنده مثلك شلون يفرط بيك

رهف كافي
وخله ايده علئ وجهه
وضل يهز برجله
نجم شبيك
رهف هيله خيرتني بينج وبينه
لازم اختار وحده منكم
نزلت دمعتي ...وكعدت بالكاع
نزل يمي للكاع...
رهف .... محتار شسوي
رهف انتي نجمتي... وهي ام جهالي ل7 رهف شسوي وين اروح
خله راسه بحضني
رهف مابيه اعوفج
نجم..... ليش ربي هجي يسوي وياي
يعني راح تعوفني نجم....
اموت ولا اعوفج.... رهف انتي عيوني الي اشوف بيهن
خليت راسي علئ راسه..... وشميت شعره بكل قوتي
افيشششش ياريحتك يانجم ربي لا يحرمني منها
وهيله بليل اروح اني وعمتي وانطيح عليها
صدك رهف
بغلاتك.. ياروح رهف
لبسنه ....,وطلعنه ..وجهزت العشا
ونضرات نجم.. اه ماعرف شكول عنها
اكلني اكل....حته من احجي وي حمويني يطكني بخزره .... تخليني ارجف واشرد
كملنه العشا...وجهزناه....وحاجيت عمي وعمتي...
وعمتي كالت والله بنت اصول وحبتني براسي
وره العشا
رحنه لبيت هيله (ام سالم)
بس اني وعمي وعمتي.. وصلنه عبد بسيارته وراح
واستقبلونه بالاستقبال
وهيله اجت وسلمن عليها... وبوستها براسها
وحاولنه وياها...اني وعمي وعمتي وحته امها بس هي معنده كلش
ورادت طلاك ...وتاخذ حلالها من الكيعان هي واخوتها..
وطلعنه كلشي ماكو
وعمي انقهر كلش
وبالطريق.. ضل يصرخ لازم كلبه
وكبل ...طلع بينه عبد للمستشفئ
اجته جلطه.....ودخلوه انعاش وحالته تعبان كلش
وخابرنه الولد اجوو كلهم
واحنه رجعنه وي حيدر للبيت وره 12 بليل
وهم هناك بقوووو
وحالته كلش يتعب وينطوه صدمات بعدين يتحسن
وبقينه يومين علئ هاي الحاله
وحنان ماتحجي وياي....وتعارك بيه.... بس كنت اسكت الها.... لان لو لا هي ماعرفت نجم حبيب كلبي
ونجم 3ايام ماشفته ولا خابرته
بس مرتين دزلي رساله
لان رجعلي لجهاز .... من رجعنه من اهلي
وحاله عمي من اسؤء الئ اسؤء
وسهام نفس قرارها ..... وماغيرته

ونجم.... محتار بأبوه
والبيت مخبوص خبص.... ومشاكل
علئ الرغم.....كان الكل ساكت.....واني مالي دخل...هم خطبوني وجبروني ازوج نجم
بس حنان كانت تغث بيه وتكولي انتي السبب وتغلط عليه كدام الكل
وتحملني مسؤؤليه مرض عمي.....ولان اني زعلت سهام
وعمتي تعاركت وياها
وطردتها من البيت
وحاولت اصلح الموضوع بس ماكدرت
وخلت طلعت... واجه عمهم اخذها لاهلي

للحكايه بقيه