جزء 9
اجه العصر
وهم لبست فستان قصير..... وفتحت شعري وبرمته
ومكياج من لون الفستان
واجن هواي نسوان.....وهم سلمن عليه وانطني الواجب.. وهوسه ،،،،،،
صار العشه...... اجت الحجيه جابت نجم وجابت العشه وياه
وكالت اله تتعشه وي مرتك...... وكعد يمي وكابلني علئ الصينيه
طلعت الحجيه..... وباوعلي بغضب
شنو هذا الي لابسته
اني باوعت بوجه .... هاي النظره مو غريبه عليه مثل نضرة عادل قبل
سكتت
تدرين انتي ناس طابه وطالعه ومنا اخوتي
واحنه ماعدنه وحده هجي تلبس...... بعدين انتي كنتي ماطايقتني شنو السبب الي خلاج هجي تكشخين
وتعدلين... صيري مثل اختج ثكيله
بقيت ساكته .... ودمعتي وكعت علئ خدي
شنو كتلج حته تبجين
ماكوو شئ ... بس لبست مو حبا بيك لبست حته الناس تشوفني .... مرتبه ونازكه.... حته يكولون مرت الشيخ ماناقصها شئ...
شقصدج بيمن قصرت وياج
لا ماقصرت ...
وانتي منيلج هجي ملابس
اختي جابتهن اليه... ليش اختج مو دزيتلج 3ملايين وين راحت حته تطلبين ملابس من اختج
شنو 3ملايين
شبيج تعجبتي
لا ماكو شئ.... بس جابولي بس فستانين وكم قطعه وهجي وهجي...........
شنو تحجين انتي..... يصير خير منو جابهن
امك .....ولميعه
باوعلي.... متاكده
اي شبيك نجم
نجم !!!!!
شكو
مااريد اسمع منج اسم نجم اسمي ابو سالم
اوك
شنو هاي اوك كولي صار
انشاءالله
دنكت وسكتت
يلا تعشي.....
مامشتهيه اكل ...
لا اكلي اي شئ.....
اكلت تفاحه..... وكملت وكالي يلا بدلي ثوبج..... وروحي ودي لصينيه للمطبخ..... وابقي يم البنات
حاظر
رحت بدلت ولبست ثوب بيت نازك.... واخذت لصينيه لمطبخ
لكيتهم كولهم ياكلون بالصاله
حكيمه...يو خيه شطلعج ماكتيلي انا اجي اخذها
لا يكلبي تسلمين
شبيج عينج مورمه
مامتعوده عالوضع..... واشتاقيت الاهلي
تعالي كعدي خلي احاجيج...... كعدت يمها بالكاع
شوفي نجم ماكوو منه.... وبس تتعودين عليه..... راح تحمدين ربج الف مره..... ولا تخلين هيله تسيطر عليج .... وكسبي رجلج ...... بس يشوفج ماوراج شئ ....يذبج نفس العزبه..... وتبقين طول عمرج وحيده لامطلكه ولا مزوجه
اني مااريده....
شنو ولج شتحجين ... محد يفيدج وبعد اسمج تزوجتي واعرف بيج تحبين عادل بس انسيه والله اذا اطلكتي بعد مايكلبج صدكيني يرهوفه
منو كالج انا احب
اني وحنان اخوات واكثر وتكولي كلشي
اني مثلج كنت طير وشابه بعمر الورد
وانطوني لعبد .... ومادرت اله بال
بس تزوج وعافني...ومن تزوج الا عرفت انا احبه.....وتندمت كد شعر راسي..... والغيره تموت... لاتشوفيني متعوبه ترئ عمري28سنه بس الهم والغيره والحزن دمرني
والشريجه مره لو كانت جره
باوعت الها ... وسالتها منو شريجتج
كالت لميعه
ها تذكرتها
بقيت يمهم
وغسلت مواعين عنهم
واجه نجم.....باوعلي من الباب وطلع
كان لابس دشداشه رصاصي.... والعطر مالته ترس البيت
كملت مواعين.... ونضفت المطبخ
ولكيتهم كاعدين بالصاله.... لبست شالي
وصاحولي اكعد يمهم
والحجي ابو نجم كاعدين ومخلين كدامه دله وكهووه
ومخلين صوبه خاصه بس للشاي
ويمها استكاين وقوري ثابتات ذني حسب ماسمعت
يخلص الجاي يتسوه غيره
عرفوني علئ الولد...... والجهال كلهم كعدوو يمي ويتعاركون منو يكعد يم العروس
كنت كاعده يم حنان ولمعيه علئ جهه..... وهيله كاعده هناك وتباوعلي صفح وتعوج بحلكها
وخلت وطلعت ودخلت غرفتها
أنت تقرأ
أمرأة بلا قلب
Romanceقصه منقوله للمبدعه ام زهراء معاناة مرأه عراقيه تحملت كل الصعوبات....والكل راح يحبها متاكده
