أمرأة بلا قلب

جزء 16

  الكاتبه ام زهراء
ج16

طلعت حنان... وهي تبجي وتدعي عليه
مرت3ايام....والبيت مخبوص خبص.... ونجم لا شفته ولا شافني
يوم الرابع... هلكنه هلاك......والناس والعشاير والشيوخ.... كلها جايتنه.....ومانلحك حته نرتاح دقائق
صار الليل....واني مفتقده نجم كلش
بس مقدره ضرفه.....وي والده.... هو ومحسن بالمستشفئ
وعبد وحيدر هنا.....للناس الي تجي
صارت ب12 الا كدرنه نكمل المضيف ونضفناه
وكملنه المطبخ....والحديقه منو يجي شمر بيها كلنس او جكاير.....نضفناها كلش
كملنه
كل احنه دخلنه سبحنه.....لان ريحه اللحم والتراب واصله لشعرنه واجسامنه
كملت وسبحت وبدلت
توني ردت اتمدد
وسمعت صراخ.... بالصاله..... طلعت اريد رجلي تاخذني للصاله ماكو..صار الطريق شطوله... لكيت حكيمه تصرخ وبيداء ولمياء مكابلاتها... ويلطمن وياها
شكوو شبيجن
عمي مات....واجت الحجيه.... وتجمع البيت كله.. وتجمعن النسوان...
ضليت مصدومه.....حته مااعرف الطم او اصرخ نفسهن
بس ليش عمي راح......ليش الي احبهم دائما يرحون مني..... عمي كان ابوي ...ما يوم سمعني كلمه *او ضوجني..... حنين عليه. ويقدرني......
تاثرت كلش بوفاته.... البيت كله كان يحبه.....ويحترمه.... ترك اثر جبير بكلوبنه.... ما اذئ احد...ولا زعل احد
عشنه يومين سود
البيت كله لابس اسود حته الجهال....الكل يبجي علئ فراكه
ترك مكان مفارغ ....الي هو مكانه بالصاله...ودلته...وكهوته..والحجيه الي تكعد يمه
كنت اضوج مرات اكعد يمهم ...سوالفهم حلووه وتونس
يحجي عن ايام قبل.. والشباب... ويداهر بالحجيه.... ويغثها بكلامه دوم.....
مرات اضحك لسوالفهم ....عيني تضل تدمع من الضحك
واشوف نجم يباوعلي ويبتسم علئ ضحكتي

ماشلنه دلته ولاا الجاي مالته....بقن مكانهن
ونجي نجمع كول احنه.. بمكانه ونبجي
يوم الثالث الا شفت نجم
كان ينام بالجادر..... اجه شكله تعبان كلش... وهلكان هلك..... ولحيته كبرانه
دخل للغرفه واني بالمطبخ
بس سمعت الجهال كالو عمو نجم اجه...رحت للغرفه لكيته....كاعد علئ طرف الجربايه ويتصفن..... اجيت يمه
البقيه بحياتك
حياتج الباقيه
العمر الك ياروحي...وبوسته براسه
وضل يبجي بكل قوته
كان ضام هاي الدموع والحزن كدام اخوته... والشيوخ والناس.... ويتصنع الكبرياء
بس من دخل غرفته . ماتحمل هذا الحمل ...وبده يبجي ....تقربت منه وحضنته حيل
الله يرحمه.....نجم
مايجوز تسوي هجي انت جاي تأذيه... اعرف معزته عدكم...انا مثلكم اعزه..... كان اب بالنسبه اليه
وضليت ابجي وياه وحضنته كل قوتي
كنت مشتاقه لنجم ...مخنوكه ومحتاجه اغفه بحضنه وارتاح
نجم صارله 3ايام لا اكل ولانوم
بس خله راسه عالمخده نام....... وغطيته وغسلت دشداشته السوده...... وكويتها وحضرتها اله...وعلكتها
المغرب كلش الا كعد... وبالكوه خليته يتعشا
الكل كنه كاعدين...بس. عيونه علئ مكان ابونجم اكو فراغ..... الكل ياكل ويباوع علئ مكانه وتدمع عينه وتوكع دمعته لا اراديا
نجم اكل لكمتين ...وتذكر الحجي وخله وكام ماكمل عشه... وحيدر ضل ينحب مثل الطفل....والكل ضل يبجي