الكاتبه ام زهراء
ج10
عادل منو رهف
ايدك نجم جاي توجعني..... وخر عني
احجي منو عادل
ماعرفه
ماتعرفينه
هذا شنو
شنو نجم
لحضه..... اسمعي هذا شنو التسجيل وانا وديتج تشوفين اهلج لو تواعدين بالسطوح...
عادل ماواعدت احد
اسمعي هذا شنو
سمعت كلامنه الي دار بيني وبين عادل البارحه
طلع الحقير مسجل كلامي وياه.... نجم
شنوو نجم شتكولين....شتبررين ... امس من رحتي صعدتي فوك لولا احجي
اي
شفتيه لولا
اي
حجيتي وياه لولا
اي
وبعد تحجينها بوجهي مو ... وضربني راشدي بكل قوته
نجم .. عادل كان ماضي بالنسبه اليه . هو تزوج وشاف حياته وانا تزوجت
نسيتيه لولا
اي نسيته
جذابه.....,صعدتي فوك حته تقابلينه مو.... وشسويتي وياه بعد...
نجم لاتجاوز ماسويت شئ وياه ....
ليش ما سويتي مو قبل جانت كلشي بينكم ويمكن انتي موو .....؟؟
الزم حدودك ...
ليش الزم حدودي مو انتي معترفه امس بتسجيل لولا
نجم ...كان ماضي
لزمني من ايدي وصعدني للسياره ومشه بينه سريع كلش.. شويه ونسوي حادث
وكلها سيارات تاشر النه وتسوي هورنات علينه لان يتجاوزهم
نجم علئ كيفك راح ننكلب
سكته
نجم بداعه امك علئ كيف راح نموت والله
بسرعه داس بريك....ونزل علئ الترابي. وباوعلي
وضل يحجي وياي بصوت عالي وصياح
رهف انتي ماترديني مو ... انجبرتي عليه
اي انجبرت عليك //بصوت عالي
اي ماردتك
اي كنت احب عادل
اي كنت اموت عليه
بس من تزوجتك لا خابرته ولا راسلته..... بروح ابوي.....
والحجي المن هذا
من خابرتني صعدت فوك ... وماحسيت الا هو يحجي وياي ويستفزني بكلامه
اي وشنو انطيتيه
نجم والله ماكو شئ ...... خليته ونزلت
وقبل
نجم اقسملك بله صح كنت احبه بس ماسويت شغله جبيره وياه
ها يعني باسج وحضنج مو.... احجي
شحجي نجم ماضي وانتهئ خلص
تدرين امس مانمت الليل بس ادور بالبيت عليج ادور عليج بالمطبخ والغرفه ادور عليج بين الجهال وبين النسوان
اشوفج ماكو واتخبل
وكلها.حست بيها وكلها ضلت تذب عليه حجي
انت ماتريدني ولا انا اريدك ....طلكني
تردين ترحيله مو
لا مااريد اروحله ولا اريده بعد ولا اريد شئ بس انت هم مجبور عليه وتخاف من زوجتك صار النه شهر ونص مزوجين ماتجي يمي ولا تخليك تسوي شئ....
دنك وسكت
ليش سكتت احجي....
ماردت أأذيج .... وماردت اجبرج قريت بعيونج الانكسار والجبر.. شفت بعيونج طفوله انتي من كد بنتي بنين.. ماردت اأذيج ولا ردت اجبرج عليه
وزوجتك
زوجتي ردت اتلافئ شرها وماردت تأذيج اعرف بيها عصبيه وبس تشوفني وياج تروح لاهلها وتاخذ جهالي مني واخوانها 6 كلهم ياخذون كيعانهم مني واضيع
خلص انتي بعد مااحسبج موجوده شغلتج بس تخدميني وبس ولا تصورين بيوم ارضه عنج او اتقربلج ولا اسامحج
لا اخليج ابيتي الخاطر اختج وامج مايستاهلن اخت نفسج بالسطوح....
وحلكج اذا فكيتي بعد اشكه الج فهمتي..(بصوت عالي
اي فهمت
وضليت ابجي..... بأعلئ صوتي
وهو شغل السياره باعلئ سرعه ومرتين ردنه نسوي حادث
بس الله ستر
وصلنه للبيت
انزلي
باوعت لعينه... حمره وبيها شرار
وانت
انزلي وماعليج......يله ولي منا
نزلت....
ودخلت جوه سلمت عليهم
دخلت للغرفه... رتبتها لكيتها هوسه
دخل عليه هوو
روحي ساعدني النسوان يلا.....
اي بس خل اكمل الغرفه
اجه يمي.... ولزمني من ايدي ... من اكولج شئ تنفذينه بسرعه... وماكو بس
فهمتي لولا
هزيت راسي.. اي.... والدمعه بعيني
وعفت الي بيدي وطلعت....,
هو كعد علئ حافه السرير.... ويفرك بأيده
رجعت اله..... نجم
رفع راسه وباوعلي
منو دزلك التسجيل..
اجاني رساله.....
من عرفته هو جيرانه..... ليش ماحاجيته ورحت ادبته شلون يدزلك هجي عن مرتك
أنت تقرأ
أمرأة بلا قلب
Romanceقصه منقوله للمبدعه ام زهراء معاناة مرأه عراقيه تحملت كل الصعوبات....والكل راح يحبها متاكده
