شُتات انثى

24

#شُتات_انثى

الرابع والعشرون

واتباد adaena7

Nada hs

مأمون ...
بيوم من الايام.. دك التلفون ع ابويه واحنا كاعدين دنتعشا..
ابويه:هذا هيثم.. فتح خط..
هله عمي.. هله بيك.. شلونكم؟ هاااا؟ ولك شوكت؟ وين انته هسه؟ بيا مستشفى؟ يله جايينكم..
كلبي راد يوكف.. خفت لا تكون اسيل هي الي بالمستشفى..
فلاح:شكو؟ منو بالمستشفى؟!
ابوي:عمك ابو هيثم.. كوم ولك حالته خطره..
كبل عفنا الاكل ورحنا اني وابويه وفلاح..
وصلنا للمستشفى ..كان هستوه مدخلي عمليه.. الولد حالتهم حالة..
بالذات فيصل..
وساعات نفتر ماكو خبر.. الكل متوتره وقلقانه..
ماهمني كل الموجودين.. بالي يم اسيل.. شصار بيها ع ابوها
ولو هو مو مثل البشر..
وره شويه طلع الطبيب.. كال البقيه بحياتكم..
النزف كلش قوي مكدرنه نوكفه..
شكد حاولت اعطف وانقهر ماكدرت..
حتى الموت مايطيب جرحي وياهم..
علعلونا وسوو ماسوو بينا..
كملنا الاجراءات.. واخذو للبيت..
رحت وياهم.. ماكانت عندي جرأة ادخل واشوف اسيل شحالها.. كلش كافي الصوت مالها ..
ميزته بين عشرات الاصوات ..
كانت تصرخ ليش عفتني.. والمن عفتني..
ظليت اروح وارجع قريب يم الباب..
مكدرت ابعد.. ولابيه ادخل.. كلبي ورث عليها..
بلا وعي يمكن خلصت باكيت كامل واني اروح وارجع يم الباب..
نوب من طلعو.. كطعت نفسها.. بس تصرخ اخذوني فدوة اخذوني.. بعدت حيل .. ماردت اشوفها هيج..
يااسيل مايلوكلج غير الضحكة.. شدعوه هلكد الحزن مجلب بيج..
راح هيثم وفيصل وعمي ابو سلام وابويه للدفن..
رادو اروح وياهم ماكدرت..
نصبو الفاتحة بعيد عن بيتهم.. بجامع بالمدينه..
وبالليل يرجعون الولد لبيتهم..
بالنهاروياهم.. وبالليل همين وياهم..
فيصل صار مثل الطفل.. مجلب بيه لاتروح..
واني بدون مايكولي فيصل واجبي ارجع وياهم..
مو لسواد عينهم.. بس وليفي جوه..
من رجعنا بالليل وجابو الهم عشا كوه اكلو..
وكلمن لف راسه ونام من وقت..
منا تعبو من الهوسه ومن سهر الليل..
كان ويانه سلام وابو.. واقاربنه الي اجو من غير محافظه..
مكدرت انام ليلي..
دافكر بأسيل وبس.. شلون اكدر اشوفها..
شواسيها وبيا حجي تقنع وترتاح..
واني الكنت مخطط تنتهي عدتها واخذها غصبا ع اليرضه والمايرضه..
بس هسه الله اعلم شكد لازم اصبر يله..
طلعت افتر بره.. بكل مكان النا ذكرى هنا..
واسوءها من اتذكر اليوم الي رادت تحرك نفسها بي..
لو من طلعت تبجي.. لو من حجينا بزواجنه واتفقنا يكون حبر ع ورق.. وماصار الي ردنا.. لو من اختنكت بالدخان..
ذكرى امر من الثانيه..
ظليت افتر الليل كله برا..
شويه نمت.. ورجعت كعدت .. هم طلعت برا..
كان الضوة توه بده يطلع..
ظليت اتمشى برا..
سمعت صوت حركه جاي من جوه.. ابتعدت شويه عن الباب..
اباوع انفتح الباب.. قربت.. هاي اسيل..
جريتها من اديها.. غمضت .. حركت ايدها مره لخ.
فتحت عينها ع وسعهن...
بقت صافنه.. بعيونها حزن.. غصات والم ..
لو بيدي امحي هذا كله..
كدتها من ايدها.. وصلنا ورا البيت..
التفتت عليها.. مبتسمه .. بس شنو من ابتسامه.. تهد الحيل.
وراهه هواي حزن ..
كلت الها:تذكرين..
ردتت:ماانسى. كل عمري ماانسى..
قربت خطوات منها.. غمضت عينها.. صرت كلش قريب منها.. حاير من وين ابدي .. ومن وين اشفي شوكي بيها..
باوعت الها .. مبرطمه وهي مغمضه..
كالت:مأمون .. ابويه راح! ابويه مات! كلهم عافوني!
جريتها الي وحضنتها حيل..
-ماراح اعوفج.. اني ابوج.. وشتردين اصيرلج..
كامت تشاهك وتبجي.. نوب شهكاتهه تملخ الكلب..
واني الما ردت اشوفها بهيج حال هسه صارت بحضني تون..
مسحت دموعها بيدي:كافي ياروحي.. لاتعذبين روحج.. كلنا ع هل طريق ..
كامت كوه تحجي.. من الشهكات..
حسيت بيها دطلع تعب السنين والايام كلها..
كامت ترجف وتشاهك كوه افهمها..
-اااه.. اني.. بس.. بس انيي.. ماا ماا شبعت من ابويه.. ما شبعت منه.. مأمون.. ماا ما.. ماا شبعت منه..
ضميت راسهه يم صدري..
-دتموتيني هيج! اسيل لخاطري كافي!
ظلت تشاهك..
-لج كافي.. اسولتي.. روحي.. كلبي..
جريتها وكعدنا ع المصطبه..
خليت راسهه ع صدري..
-حبيبتي.. اني ابوج.. واهلج كلهم..
شويه هدت وظلت بس تمسح دموعها..
-اسوله.. كلها كم يوم وتجين يمي .. انسيج كل هذا..
ظلت تسمعني بس متجاوب..
لزمت ايدها.. تشابكت اصابعنه..وبقينه سكته..
شويه وكامت :اروح اني.. لايكعدون ويسوولي مشكله..
كمت وياهه.. بستها من ركبتها..
-اوكي حبيبي.. ديري بالج ع نفسج! اني موجود هنا.. شوكت ماتردين اني يمج..
هزت راسهه.. دارت وجهه وراحت.. بقيت اراقب طولهه وهي تمشي.. ااااااخ..