قمر : فكرت بيني وبين نفسي انو اختي هاي اخر ايام حياته ولازم تتهنه بيهن وتعيش براحه ويه عائلتهه ،،،،
قمر : محمد ممكن تجي احجي وياك !!
محمد : اي انززلي واني انطي العلاج لضحى واجي ..
قمر : اوكي.
محمد : ها شبيج قمر ..
قمر : شوف محمد بعد الي سمعنا لا اني اكدر ابقه هنا ولا انت وتعرف بعد ضحى اختي واني ما اكدر ابقه بتفس بيت اختي واشاركهه حياتهه وجهالهه وزوجهه مااكدر ،، بديت ابجي .
محمد : قمر انتي شتحجين احنه لو ندري من البدايه جان كولشي انحل وبعدين هو لا بسببج ولا بسببي ولا حتى ضحى الصوج صوج اهلج مفكرو من عافو اختج يتيمة وراح مفكر ببنته وبعرضهه عافهه وراح شبدينه نسوي ياخبيبتي والله العزيز اني مقهور اكثر منج ..
قمر : طلكني .
محمد : من كالت طلكني احس غضب الكون نزل ع راسي ،، شتحجين شطلكج انتي صاحيه ع الي تكولي .
قمر: مااكدر محمد مااكدر والله شلون اسوي هيج واكمل حياتي ولا كان صاير شي ..
محمد : اوووووف اووووف ياربي اخذني وريحني عفته وطلعت وسديت الباب قوي .
قمر : بقيت ابجي يعني شسوي اريد واحد ينصحني بعد مااكدر يارب دخيلك اهديني للطريق .
قمر : مررت الايام والاشهر واحنه ع نفس الوضع محمد مااخلي ينام يمي اكله روح يم ضحى هو متحمل وساكت اني اخلص ليلي ابجي واخاف انام لوحدي فانام يم لمى بغرفتهه ؛؛ وضحى وضعهه كولش موزين بحيث شعرهه كوله وكع ،، فكرو يسفروهه الاسبوع الجاي للبنان تسوي عمليه عسى ولعل تتشافه حماية حسين مدري شبي ويايه بس يهدد السانج والسانج ويجي يوم واكصه مااعرف شنو مشكلته ويايه اووف يربي والله بعد مااكدر وام ضحى تجي تكلي من وراج حتموتين البنية اخذتي حياتهه وكاعده ملكة بهذا البيت شتردين بعد .. اني اعوفهه واصعد ابجي وضحى تكلي معليج بيهه تحجي هيج لان مقهورة امي واعرفهه وعلي قرر يخطب هجران من اهلهه بس اجلو الموضوع ورا متتشافى ضحى ..
.....
قبل يوم من سفر ضحى...
قمر : حبيبتي تاخذين وياج هاي القطعه لو هاي ..
ضحى : حبي باليعجبج والله بودي مااسافر واعوف جهالي اول تالي كلشي بيد الله .
قمر : ونعم بالله ..
ضحى : شووفي قمر اني حسافر باجر ويمكن بعد ماارجع كلشي بيد ربج اريد منج ترعين جهالي وهم امانه بركبتج ليوم الدين لتزعليهم اعتبريم جهالج طالعين من بطنج وراضعين من حليبج راعي الله بيهم واعرف انتي متقصرين ابد ويشهد الله اعزج واحبج من اول مشفتج ومشايله بكلبي عليج..
قمر : حبيبتي ونعم بالله بس انتي حتتشافين وانشالله تشوفين الجهال يكبرون كبال عينج حياتي خلي ثقتج بربج جبيرة ..
