نرجع ابارت جديد واحداث كولش حلوة ..
تفاعلكم ....
.
..
.
حسين : جنت راجع بطريقي للبيت ع الشارع والدنيه فجر مشفت غير بنيه واكعه بالكاع مغمى عليهه مدري شبيهه المهم نزلت من السيارة اصحي بيهه ماكو يمعودة اكعدي ميفيد ذبيت عليهه مي هم مفاد لزمت ايدهه بيهه نبض .. لعد ليش متكعد ...استغفر الله يلحمزة هسه شسوي ..
شلتهه وخليتهه بالسيارة ووديتهه للمستشفى طببتهه وضلو ناس تروح ناس تجي واني راسي يوجعني ومحروك جدي ورة شوية اجت السستر كالت حضرتك زوجهه للمدام الي جوة كتلهه لا كالت وين اقاربهه اهلهه كتلهه مااعرف لكيتهه بالشارع مغمى عليهه وجبتهه كالت زين ماكو مبايل جنطه جانت يمهه كتلهه ماادري بس مشفت شي ... كالت الله كريم كتلهه شلون وضعهه كالت الحمد لله بس جان عدهه فقر دم وارهاق وحالتهه النفسيه شويه موزينة فتعبت ومااعرف شمو جان صاير وياهه ومغمى عليهه تكعد ونفتهم ...
حسين : استغفر الله وكتهه هسه يربي اريد انام ..
قمر : محسيت ع نفسي الاواني بالمستشفى كعدت لكيت سستر يمي كتلهه منو جابني خفت ليكون احمد لكاني ..
كالت ولد لاكيج بالشارع مغمى عليج وجايبج الله يجازي بخير ..
كتلهه شوكت اكدر اطلع .كالت باجر الصبح انشاء الله ..
قمر : منو هذا الولد الي جابني وشعجب بعد اكو هيج ناس بهالوكت اوف خل انام ساعتين وراية اشوفلي مكان عله ما افيز ..
حسين : وره ساعاين تقريبا اجت السستر كالت الحمد لله كعدت اني كلت خلي اروح للبيت بس قبل دااشوفهه واتخمدلهه واروح ..
فتت للغرفة لكيت مو بنية نايمة لكيت ملاك نازل شنو هالجمال معقولة هلكد شايله جمال شلون منتبهت عليهه ..استغفر الله شبيك حسين تخبلت تباع علة بنت الناس احسن شي اطلع طلعت بس مكدرت اروح ليش ماادري كعدت ع الكرسي اليم غرفتهه ضليت صافن وافكر بيهه وكلساع استغفر هههه اتصل بيه علي ..
علي : الو هلا حسين
حسين : هلا علوشي
علي : وينك مو كلت نتلاكه بالبيت اني وصلت وينك شنو مااجيت للبصرة ..
حسين : لا اجيت بس لكيت بنيه ع الطريق مغمى عليهه ووديتهه للمستشفى وهسه كاعد انتظر..
علي : هنا الحجي عاد البنيه صاكه..
حسين : علللللللي شتحجي انته اني بحال كلامك يله باي ..
ضوجني كلامه ماادري ليش مقبلت يحجي هيج عليهه حسيتهه ملكي وحدي ومتكون لغيري ...
اخذتني نومه يمكن ساعتين وكعدت ..
قمر : كعدت ساعه 10 هيج شي تقريبا اجيت اكوم السستر كالت ع كيفج وية نفسج كتلهه مشكورة ..
سالتني ع اهلي وليش هيج مغمى عليه بالشارع ولوحدي..
لزكت الموضوع كوة ..علمود ميوصل خبر للشرطة ..
ورة شوي كتلهه اريد اطلع كالت سوي خروج اول كتلهه اوكي ..داالبس الكعب مالتي واندكت الباب عبالي السستر بس فات ولد..
